Ömbüddel

Vun Wikipedia
Zur Navigation springen Zur Suche springen
Wapen/Flagg Koort

Wapen vun Ömbüddel

Ömbüddel
Laag vun Ömbüddel in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Inwahners:
Postleettall: 21629
Vörwahl: 04168
Geograafsche Laag:
Koordinaten:53° 24′ N, 9° 47′ O
53° 24′ N, 9° 47′ O

Ömbüddel (hoochdüütsch Ohlenbüttel) is en Dörp in de Gemeen Vosshusen in’n Landkreis Horborg, Neddersassen. Binnen de Gemeen höört de Oort to de polietsche Oortschop Raad.

Geografie[ännern | Bornkood ännern]

De Oort liggt an’n Westrand von de Horbörger Bargen. Dat Water ut dat Rebeed flütt över’n Appelbeek na de Eest hen af.

De Naveröörd sünd de Eversche Heid un de Höll in’n Noorden, Langenrähm in’n Oosten, Raad un Mienenbüddel in’n Süüdoosten, Wennersdörp in’n Süden, Olendörp un Appel in’n Süüdwesten un Grauen un Eversen in’n Noordwesten.

Historie[ännern | Bornkood ännern]

Gedenksteen to de 900-Johr-Fier von Ömbüddel 2005

Ömbüddel kummt 1105 as Oddenebutli toeerst in en Oorkunn vör, in de Besitt in dat Dörp an dat Klooster Katelnborg överdragen warrt. De Naam von’n Oort kummt von’n Vörnaam Oddo un dat Woord -büttel, bedüüdt also Oddo sien Wahnsteed.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Eversen in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hullnst in’n Kanton Töst.

Vör 1859 weer dat Dörp in de Vaagdie Hullnst von dat Amt Mesborg un na 1859 in’t Amt Töst. Von 1885 bet 1932 hett Mienenbüddel to’n Kreis Horborg tohöört un is denn Deel von’n ne’en, grötteren Kreis Horborg worrn.

Dat Dörp hett bet 1925 to de Gemeen Appel höört. An’n 1. April 1925 sünd de dree Öörd Raad, Ömbüddel un Mienenbüddel as Gemeen Raad egenstännige Gemeen worrn. Mit de Gemeenreform in Neddersassen to’n 1. Juli 1972 is de Gemeen Raad denn Deel von de Gemeen Vosshusen worrn. De dree Öörd billt nu en Oortschop mit egen Oortsvörsteiher binnen de Gemeen Vosshusen.

Inwahnertall[ännern | Bornkood ännern]

Johr Inwahners
1791-00-001791[1] 6 Füürsteden
1812-00-001812[2] 55
1824-00-001824[3] 10 Füürsteden
1848-00-001848[4] 71 Lüüd. 12 Hüüs
1871-12-011. Dezember 1871[5] 78 Lüüd. 12 Hüüs
1885-12-011. Dezember 1885[6] 75 Lüüd. 13 Hüüs
1905-12-011. Dezember 1905[7] 68 Lüüd. 12 Hüüs

Religion[ännern | Bornkood ännern]

Ömbüddel is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

Verenen[ännern | Bornkood ännern]

De Lüüd ut Ömbüddel sünd vör allen in de Verenen von Raad mit aktiv (to’n Bispeel in’n Schüttenvereen Raad un Ümgegend).

Weertschop un Infrastruktur[ännern | Bornkood ännern]

För Ömbüddel is de freewillige Füürwehr Raad mit tostännig.

Verkehr[ännern | Bornkood ännern]

Oortsschild mit’n plattdüütschen Naam

Dör Ömbüddel löppt de Kreisstraat 71, de in’n Süüdoosten na de Bundsstraat 3 geiht un in’n Noordoosten bi Eversen in de K 31 münnt. De K 31 föhrt in’n Süüdwesten över Grauen un Appel na Hullnst un von Grauen ut över de K 53 na Mesborg. De B 3 föhrt in’n Noorden över Ilsdörp na Öbergünn un in’n Süden över Raad un Mienenbüddel an Bookholt langs na Sprötz un Will. Lüttjere Straten gifft dat in’n Noordoosten na de Höll un in’n Süüdwesten na Olendörp.

De nächste Autobahn is de Autobahn 1 (Afsnidd HamborgBremen). De Opfohrt 44 Raad liggt so veer Kilometer in’n Süüdoosten von Ömbüddel an de B 3.

De nächsten Bahnhööv sünd so bi 13 Kilometer wied weg in’n Noordwesten de Bahnhoff Buxthu an de Nedderelvbahn un ölven Kilometer in’n Süden de Bahnhoff Sprötz an de Bahnlien Hamborg–Bremen. De Bahnhoff Vosshusen von de S-Bahn Hamborg (S 3/S 31) liggt mit negen Kilometer in’n Noorden noch dichter bi.

Siet Juli 2015 hett de Oort Oortsschiller, op de blangen den hoochdüütschen ok de plattdüütsche Naam mit opsteiht.

De Radfeernweg Hamborg-Bremen föhrt dör Ömbüddel.

Scholen[ännern | Bornkood ännern]

De Kinner ut Ömbüddel gaht na de Grundschool Ilsdörp.

Bet 1892 sünd de Kinner in Appel na Volksschool gahn. 1892 hett denn in Raad en School apenmaakt. Von 1964 af an sünd de Schölers denn na Ilsdörp gahn.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 172
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 61
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 460
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 143
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 75

Weblenken[ännern | Bornkood ännern]

Commons-logo.svg Ömbüddel. Mehr Biller, Videos oder Audiodateien to’t Thema gifft dat bi Wikimedia Commons.