Ilsdörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Ilsdörp

Ilsdörp
Laag vun Ilsdörp in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Inwahners: 3.072 (2016-12-01[1])
Postleettall: 21629
Vörwahl: 04168
Geograafsche Laag:
Koordinaten:53° 26′ N, 9° 47′ O
53° 26′ N, 9° 47′ O
RübkVosshusen (Oortschop)Raad (Landkreis Horborg)SwiersdörpIlsdörp
Laag von Ilsdörp in de Gemeen Vosshusen (Koort lett sik anklicken)

Ilsdörp (hoochdüütsch Elstorf) is en Dörp in de Gemeen Vosshusen in’n Landkreis Horborg, Neddersassen. Binnen de Gemeen billt de Oort en egen polietsche Oortschop.

Bi Ilsdörp höört ok de lüttje Oort Höll mit bi.

Geografie[ännern | Bornkood ännern]

De Oort liggt an’n Westrand von de Horbörger Bargen.

De Naveröörd sünd Vosshusen in’n Noorden, Doasdörp un Wulmsdörp in’n Noordoosten, Swiersdörp in’n Süüdoosten, de Höll in’n Süden, de Eversche Heid, Eversen, Grauen un Mesborg in’n Süüdwesten, Doans in’n Westen un Arsdörp, Imbeek, Ketzendörp un Öbergünn in’n Noordwesten.

Historie[ännern | Bornkood ännern]

To de öllsten Sporen von Minschen ut dat Ilsdörper Rebeed höört dat Grootsteengraff Ilsdörp ut de Jungsteentied.

Ilsdörp kummt 1231 toeerst in de Oorkunnen vör.

In’n Eersten Weltkrieg sünd 20 Soldaten ut Ilsdörp fullen oder vermisst un in’n Tweten Weltkrieg 51.[2] An’t Enn von’n Tweten Weltkrieg is Ilsdörp an’n 20. April 1945 von de Briten innahmen worrn („A Company“ von de Infanterieeenheit „1st Rifle Brigade“ un de „8th King’s Royal Irish Hussars“).[3]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Ilsdörp in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Mesborg in’n Kanton Buxthu.

De Oort hett vör 1859 to de Huusvaagdie Mesborg von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

De Oort weer fröher en egenstännige Gemeen. 1928 is tosätzlich Arsdörp Deel von de Gemeen Ilsdörp worrn.

Ilsdörp harr en lüttje Exklaav in dat Moor bi Vosshusen. Düt Ilsdörper Moor is an’n 1. Mai 1964 an de Gemeen Wulmsdörp afgeven worrn.

Mit de Gemeenreform in Neddersassen an’n 1. Juli 1972 hett Ilsdörp sien Egenstännigkeit verloren un is Deel von de Gemeen Vosshusen worrn. Sietdem billt Ilsdörp binnen de Gemeen en Oortschop mit egen Oortsvörsteiher.

Inwahnertall[ännern | Bornkood ännern]

Johr Inwahners
1791-00-001791[4] 21 Füürsteden
1812-00-001812[5] 268
1824-00-001824[6] 38 Füürsteden
1848-00-001848[7] 319 Lüüd. 48 Hüüs
1871-12-011. Dezember 1871[8] 380 Lüüd. 69 Hüüs
1885-12-011. Dezember 1885[9] 418 Lüüd. 73 Hüüs
1905-12-011. Dezember 1905[10] 444 Lüüd. 80 Hüüs
1910-12-011. Dezember 1910[11] 445
1925-00-001925[12] 448
1933-00-001933[12] 524
1939-00-001939[12] 493

Religion[ännern | Bornkood ännern]

Nicolai-Kark in Ilsdörp

Ilsdörp is evangeelsch-luthersch präägt un billt mit de Nicolai-Kark en egen Kaspel.

För de Kathoolschen is de St.-Maria-Kark in Buxthu tostännig.

De Karkhoff Ilsdörp liggt in de Möhlenstraat.

Wapen[ännern | Bornkood ännern]

Dat Wapen von Ilsdörp wiest op grönen Grund en sülvern Kark un twee gollen Kleverbläder mit veer Bläder.

Oortsvörsteihers[ännern | Bornkood ännern]

Tied Naam Partei
–31. Oktober 2016 Peter Hauschild CDU
1. November 2016– Uwe Keller UWG

Kultur[ännern | Bornkood ännern]

Hünebedden Ilsdörp

In Ilsdörp gifft dat en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schüttenvereen Ilsdörp un Ümgegend is 1869 grünnt worrn un de Sportvereen TSV Ilsdörp 1925.

Weertschop un Infrastruktur[ännern | Bornkood ännern]

Ilsdörp hett en egene freewillige Füürwehr, de 1882 grünnt worrn is.

In Ilsdörp an de Linnenstraat hebbt de Spoorkass Horborg-Buxthu un de Volksbank Lümborger Heid Filialen.

Verkehr[ännern | Bornkood ännern]

Oortsschild mit’n plattdüütschen Naam

Dör Ilsdörp löppt de Bundsstraat 3, de in’n Noordwesten na Öbergünn an de B 73 un in’n Süden över Raad un Mienenbüddel an Bookholt langs na Sprötz un Will föhrt. De Kreisstraat 42 föhrt von Ilsdörp in’n Noordwesten na Arsdörp un de Landsstraat 235 in’n Noordoosten över Doasdörp un Wulmsdörp na Vosshusen.

De nächste Autobahn is de Autobahn 1 (Afsnidd HamborgBremen). De Opfohrt 44 Raad liggt söss Kilometer in’n Süden von Ilsdörp an de B 3.

De nächste Bahnhoff is so bi negen Kilometer wied weg in’n Noordwesten de Bahnhoff Buxthu an de Nedderelvbahn. De Bahnhoff Vosshusen is mit söss Kilometer in’n Noorden noch dichter bi, dor föhrt de S-Bahn Hamborg (S 3/S 31).

Siet Juli 2015 hett de Oort Oortsschiller, op de blangen den hoochdüütschen ok de plattdüütsche Naam mit opsteiht.

Scholen[ännern | Bornkood ännern]

De Kinner gaht na de Grundschool Ilsdörp.

Lüüd[ännern | Bornkood ännern]

De Politiker Heiner Schönecke is 1946 in Ilsdörp boren.

Footnoten[ännern | Bornkood ännern]

  1. „Wissenswertes über die Gemeinde Neu Wulmstorf“, Stand der Einwohnerzahlen: Dezember 2016, Faltblatt der Gemeinde Neu Wulmstorf, Januar 2017
  2. Onlineprojekt Gefallenendenkmäler
  3. Över dat Kriegsenn in Ilsdörp un ümto (PDF; 1,7 MB; hoochdüütsch)
  4. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 68
  5. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  6. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 166
  7. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
  8. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 145
  10. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 76
  11. Inwahnertallen op gemeindeverzeichnis.de
  12. a b c Inwahnertallen op verwaltungsgeschichte.de

Weblenken[ännern | Bornkood ännern]

Commons-logo.svg Ilsdörp. Mehr Biller, Videos oder Audiodateien to’t Thema gifft dat bi Wikimedia Commons.