Heiner Schönecke
Heiner Schönecke (* 21. März 1946 in Ilsdörp) is en düütschen Politiker von de CDU.
Schönecke is 1946 in Ilstörp boren. He weer in Buxthu op de School un hett denn en Lehr in de Bueree maakt. 1972 hett he den Hoff von de Öllern övernahmen un hett em to en Direktvermarktungsbedriev mit Filialen in Hamborg utboot. He is verheiraadt un hett dree Kinner.
Schönecke weer 1968 bet 1972 Vörsitter von de Landjugend in’n Landkreis Horborg. Von 1972 bet 1984 weer he Vörsitter von’n CDU-Oortsverband Vosshusen.
1976 bet 2006 weer he Raadsherr in’n Gemeenraad von de Gemeen Vosshusen. Dor weer he in de Tied 1984 bet 1996 Frakschoonsvörsitter von de CDU. 1976 is he as Afornten in’n Kreisdag von’n Landkreis Horborg wählt worrn. Dor is he 2006 Viez-Landraad worrn.
Bi de Wahl 2003 (15. Wahlperiood) is he för den Wahlkreis Bookholt mit 56,4 % von de Stimmen in’n Landdag von Neddersassen wählt worrn. 2008 is he mit 47,2 % von de Stimmen wedderwählt worrn un 2013 mit 45,5 % von de Stimmen. He is in’n Landdag Vörsitter von’n Ünnerutschuss Prüfung von de Huusholtsrekens.
Von 1996 bet 2007 weer he Vörsitter von de kommunalpolietsche Vereenigung von de CDU in’n Landkreis Horborg. Siet 2000 is he ok Vörsitter von’n Fördervereen Freelichtmuseum an’n Kiekebarg. Von 1974 bet 2000 weer Schönecke in’n Opsichtsraad von de Volksbank e.G. un von 2001 bet 2007 Vörsitter von’n Opsichtsraad von de Weertschopsförderungssellschop in’n Landkreis Horborg. Von 2006 bet 2012 weer Schönecke Viez-Vörsitter von de Verbandsversammlung EWE Ollnborg un von 2010 bet 2012 in’n Opsichtsraad von de EWE-Energie AG. Siet 2012 is he in’n Opsichtsraad von de EWE AG.
Weblenken
[ännern | Bornkood ännern]
- Schönecke sien Websteed (hoochdüütsch)