Arsdörp

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Arsdörp
Laag vun Arsdörp in Düütschland
Basisdaten
Bundsland: Neddersassen
Landkreis: Horborg
Gemeen: Vosshusen
Inwahners:
Postleettall: 21629
Vörwahl: 04168
Geograafsche Laag:
Koordinaten:53° 26′ N, 9° 46′ O
53° 26′ N, 9° 46′ O

Blick över de Dörpstraat von Arsdörp

Arsdörp (hoochdüütsch Ardestorf) is en Dörp in de Gemeen Vosshusen in’n Landkreis Horborg, Neddersassen. Binnen de Gemeen höört de Oort to de polietsche Oortschop Ilsdörp.

Geografie[ännern | Bornkood ännern]

De Naveröörd sünd Öbergünn un Ketzendörp in’n Noorden, Wulmsdörp un Doasdörp in’n Noordoosten, Ilsdörp, Swiersdörp un de Höll in’n Süüdoosten, Eversche Heid un Eversen in’n Süden, Grauen un Mesborg in’n Süüdwesten, Doans un Pippens in’n Westen un Imbeek in’n Noordwesten.

Historie[ännern | Bornkood ännern]

Arsdörp kummt 1197 toeerst in en Oorkunn vör, in de de nobiles von Buxthu Land in Arsdörp an dat ole Klooster bi Buxthu afgeevt.

In’n Eersten Weltkrieg sünd dree Soldaten ut Arsdörp fullen oder vermisst un in’n Tweten Weltkrieg veer.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Ketzendörp in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Mesborg in’n Kanton Buxthu.

De Oort hett vör 1859 to de Huusvaagdie Mesborg von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

De Oort weer fröher en egenstännige Gemeen, de aver 1928 Deel von de Gemeen Ilsdörp worrn is. De Gemeen Ilsdörp wedder is an’n 1. Juli 1972 mit de Gemeenreform in Neddersassen Deel von de Gemeen Vosshusen worrn. Sietdem höört Arsdörp binnen de Gemeen to de Oortschop Ilsdörp, de en egen Oortsvörsteiher hett.

Inwahnertall[ännern | Bornkood ännern]

Johr Inwahners
1791-00-001791[2] 6 Füürsteden
1812-00-001812[3] 91
1824-00-001824[4] 12 Füürsteden
1848-00-001848[5] 88 Lüüd. 14 Hüüs
1871-12-011. Dezember 1871[6] 91 Lüüd. 14 Hüüs
1885-12-011. Dezember 1885[7] 82 Lüüd. 14 Hüüs
1905-12-011. Dezember 1905[8] 70 Lüüd. 10 Hüüs
1910-12-011. Dezember 1910[9] 79

Religion[ännern | Bornkood ännern]

Arsdörp is evangeelsch-luthersch präägt un höört to dat Kaspel von de Nicolai-Kark in Ilsdörp.

För de Kathoolschen is de St.-Maria-Kark in Buxthu tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Ilsdörp.

Weertschop un Infrastruktur[ännern | Bornkood ännern]

För Arsdörp is de freewillige Füürwehr Ilsdörp mit tostännig.

Verkehr[ännern | Bornkood ännern]

Dör Arsdörp löppt de Kreisstraat 42, de in’n Noorden un Oosten an de Bundsstraat 3 ranföhrt. De B 3 löppt in’n Noordwesten na Öbergünn an de B 73 un in’n Süden na Ilsdörp un Raad. En lüttjere Straat föhrt in’n Süüdwesten na Grauen. De K 42 is 1968 to en faste Straat utboot worrn un hett denn den Status von en Kreisstraat kregen.

De nächste Autobahn is de Autobahn 1 (Afsnidd HamborgBremen). De Opfohrt 44 Raad liggt acht Kilometer in’n Süüdoosten von Arsdörp an de B 3.

De nächste Bahnhoff is so bi acht Kilometer wied weg in’n Noordwesten de Bahnhoff Buxthu an de Nedderelvbahn. De Bahnhoff Vosshusen is mit söven Kilometer noch dichter bi, dor föhrt de S-Bahn Hamborg (S 3/S 31).

Scholen[ännern | Bornkood ännern]

De Kinner ut Arsdörp gaht al jümmer in Ilsdörp na School.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 11
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 24
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 143
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 74
  9. Inwahnertallen op gemeindeverzeichnis.de