Podendörp

Vun Wikipedia
Wapen/Flagg Koort
hett keen Wapen
Podendörp
Laag vun Podendörp in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Mesborg
Inwahners:
Postleettall: 21647
Vörwahl: 04165
Geograafsche Laag:
Koordinaten:53° 24′ N, 9° 43′ O
53° 24′ N, 9° 43′ O

Karte

Podendörp (hoochdüütsch Podendorf) is en lütt Dörp in de Gemeen Mesborg (Samtgemeen Hullnst) in’n Landkreis Horborg, Neddersassen.

Geografie[ännern | Bornkood ännern]

De Oort liggt üm un bi 200 Meter in’n Oosten von de Eest.

De Naveröörd sünd Imbeek un de Ruhmannshoff in’n Noorden, Grauen un Eversen in’n Noordoosten, Appel un Olendörp in’n Süüdoosten, Appelbeek in’n Süden, Hullnst, Emm un Wosbossel in’n Süüdwesten un Mesborg in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Mesborg in’n Kanton Buxthu höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1859 to de Huusvaagdie Mesborg von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1812-00-001812[2] 84
1824-00-001824[3] 5 Füürsteden
1848-00-001848[4] 28 Lüüd, 5 Hüüs
1871-12-011. Dezember 1871[5] 19 Lüüd, 5 Hüüs

Religion[ännern | Bornkood ännern]

Podendörp is evangeelsch-luthersch präägt un höört to dat Kaspel von de Kark in Mesborg.

För de Kathoolschen is de St.-Maria-Kark in Buxthu tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Straat dör Podendörp löppt in’n Süden achter Appelbeek an de Kreisstraat 31 ran un in’n Noordwesten an de K 53. De K 53 geiht in’n Westen in Mesborg an de Landsstraat 141 un in’n Oosten na Grauen un dor an de K 31. De K 31 geiht in’n Noordoosten över Appel un Grauen na Eversen un de Höll an de Bundsstraat 3 ran. In’n Süüdwesten löppt de K 31 in Hullnst an de L 141.

De L 141 wedder föhrt von Mesborg in’n Noorden na Buxthu un von Hullnst in’n Süden na Töst.

De nächste Autobahn is de Autobahn 1 (Afsnidd HamborgBremen). De Opfohrt 45 Hullnst liggt so fiev Kilometer in’n Süüdwesten von Podendörp an de L 141.

De nächste Bahnhoff is so bi teihn Kilometer wied weg in’n Noorden de Bahnhoff Buxthu an de Nedderelvbahn von Cuxhoben na Hamborg. De Bahnhoff Sprötz an de Bahnlien Hamborg–Bremen liggt 14 Kilometer in’n Süüdoosten.

Scholen[ännern | Bornkood ännern]

De Grundschölers ut Podendörp gaht na de Grundschool Mesborg.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 182
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 486
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 99
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131