Klauenborg

Vun Wikipedia
Wapen/Flagg Koort
hett keen Wapen
Klauenborg
Laag vun Klauenborg in Düütschland
Basisdaten
Bundsland: Neddersassen
Landkreis: Horborg
Samtgemeen: Hullnst
Gemeen: Winzendörp
Inwahners:
Postleettall: 21279
Vörwahl: 04165
Geograafsche Laag:
Koordinaten:53° 21′ N, 9° 48′ O
53° 21′ N, 9° 48′ O

Karte

Klauenborg (hoochdüütsch Klauenburg) is en lütten Oort in de Gemeen Winzendörp (Samtgemeen Hullnst) in’n Landkreis Horborg, Neddersassen.

Geografie[ännern | Bornkood ännern]

Dat Water ut dat Rebeed flütt över’n Rollbeek na de Eest hen af.

De Naveröörd sünd Raad un Mienenbüddel in’n Noorden, Dangersen in’n Noordoosten, Steenbeek un Vaans in’n Oosten, Meilsen, Bookholt un Triller Barg in’n Süüdoosten, Trill in’n Süden, Dreest in’n Süüdwesten, Winzendörp un Dierstörp in’n Westen un Wennersdörp in’n Noordwesten.

Historie[ännern | Bornkood ännern]

In’n Eersten Weltkrieg sünd twee Soldaten ut Klauenborg fullen oder vermisst.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Dierstörp in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hullnst in’n Kanton Töst.

De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

Inwahnertall[ännern | Bornkood ännern]

Johr Inwahners
1848-00-001848[2] 3 Hüüs
1871-12-011. Dezember 1871[3] 19 Lüüd, 4 Hüüs
1885-12-011. Dezember 1885[4] 22 Lüüd, 4 Hüüs
1905-12-011. Dezember 1905[5] 19 Lüüd, 4 Hüüs

Religion[ännern | Bornkood ännern]

Klauenborg is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Winzendörp.

Weertschop un Infrastruktur[ännern | Bornkood ännern]

För Klauenborg is de freewillige Füürwehr Winzendörp mit tostännig.

Verkehr[ännern | Bornkood ännern]

An Klauenborg langs löppt de Kreisstraat 58, de in’n Westen na Winzendörp un Dierstörp an de K 40 geiht un in’n Oosten an de Bundsstraat 3 ran. De K 40 geiht in’n Noordwesten na Hullnst an de Landsstraat 141 un in’n Süüdoosten över Dreest na Trill. De B 3 löppt in’n Noorden över Mienenbüddel un Raad na Ilsdörp un Öbergünn an de B 73 (bi Buxthu un Vosshusen). In’n Süden is de B 3 an’n Triller Barg an de B 75 anbunnen un löppt denn in’n Süden na Sprötz, an Snevern langs un op Soltau to.

De B 75 föhrt in’n Noordoosten an Bookholt langs na Dibbersen un Ninndörp un in’n Süüdwesten över Kakenstörp un Töst na Scheeßl un Rodenborg.

De nächste Autobahn is de Autobahn 1 (Afsnidd HamborgBremen). De Opfohrt 44 Raad liggt so veer Kilometer in’n Noordoosten von Klauenborg an de B 3.

De nächste Bahnhoff is so bi söss Kilometer wied weg in’n Süden de Bahnhoff Sprötz an de Bahnlien Hamborg–Bremen.

Scholen[ännern | Bornkood ännern]

De Grundschölers ut Klauenborg gaht na de Grundschool Hullnst.

Footnoten[ännern | Bornkood ännern]

  1. Onlineprojekt Gefallenendenkmäler
  2. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
  3. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 147
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 78