Meilsen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Meilsen
Laag vun Meilsen in Düütschland
Basisdaten
Bundsland: Neddersassen
Landkreis: Horborg
Gemeen: Bookholt
Inwahners:
Postleettall: 21244
Vörwahl: 04181
Geograafsche Laag:
Koordinaten:53° 20′ N, 9° 50′ O
53° 20′ N, 9° 50′ O

Meilsen (hoochdüütsch Meilsen) is en Oort in de Gemeen Bookholt in’n Landkreis Horborg, Neddersassen. De Oort höört binnen de Gemeen Bookholt to de Oortschop Steenbeek-Meilsen.

Geografie[ännern | Bornkood ännern]

Meilsen liggt an’n Süüdrand von’n Stuvenwoold. Von Meilsen ut flütt de Meilser Beek na Oosten un münnt in’n Steenbeek.

De Naveröörd sünd Dangersen un Steenbeek in’n Noordoosten, Bookholt in’n Süüdoosten, Suurhoop in’n Süden, Brumhagen, Sprötz, Trill un Triller Barg in’n Süüdwesten un Klauenborg un Mienenbüddel in’n Noordwesten.

Historie[ännern | Bornkood ännern]

De Oort kummt in dat 14. oder 15. Johrhunnert toeerst in de Oorkunnen vör. In dat Johr 1353 hett Hermann Schulte ut Hornborg twee Hööv in Meylerdessen an dat St.-Michaels-Klooster in Lümborg verköfft. Dat gifft aver keen seker Bewies, dat dor Meilsen mit meent ween is. Seker is dat eerst bi en Oorkunn von 1471, as de Familie von Heimbrook mit twee Hööv to dem Eilersen belehnt worrn is.[1]

De Familie von Heimbrook hett ehren Besitt in Meilsen 1603 an dat Hartogdom Horborg verköfft.

An’t Enn von’n Tweten Weltkrieg sünd an’n 29. April 1945 Briten un Düütsche in’n Gasthoff Hogeluft in Meilsen tohoopkamen üm dor över to verhanneln, wat de Düütschen de Stadt Hamborg an de Briten övergeven doot. Op düütsche Sied weren dat Albert Schäfer, Hermann Burchard un Otto von Laun un för de Briten Tom Lindsay. De Briten wullen, dat de Düütschen Hamborg övergeevt. De dree Düütschen hebbt dissen Wunsch an Generalmajor Alwin Wolz wiedergeven, de Hamborg denn an’n 3. Mai ahn Kampf an Brigaadgeneral John Michael Kane Spurling övergeven hett.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett toeerst to dat Amt Mesborg höört. As Meilsen 1603 an dat Hartogdom Horborg verköfft worrn is, is de Oort Deel von de Vaagdie Ems in dat Amt Horborg worrn.[1] As 1748 de Vaagdie Ems oplööst worrn is, hett de Oort för en Stücker wat Johren to de Vaagdie Jesborg höört un is denn toletzt in de Vaagdie Töst wesselt. 1852 is de Oort an dat Amt Mesborg kamen. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

1865 sünd Meilsen un Steenbeek to een Gemeen tohoopleggt worrn. De Oort is an’n 1. Juli 1972 as Deel von de Gemeen Steenbeek mit de Gemeenreform in Neddersassen an de Gemeen Bookholt kamen.

Inwahnertall[ännern | Bornkood ännern]

Johr Inwahners
1793-00-001793[2] 2 Füürsteden
1812-00-001812[3] 28
1824-00-001824[4] 4 Füürsteden
1848-00-001848[5] 48 Lüüd. 9 Hüüs
1871-12-011. Dezember 1871[6] 49 Lüüd. 8 Hüüs

Religion[ännern | Bornkood ännern]

Meilsen is evangeelsch-luthersch präägt un höört siet 1910 to dat Kaspel von de Paulus-Kark in Bookholt. Vörher hett de Oort jümmer to dat Kaspel von de Andreas-Kark in Hullnst höört. Eerst en poor Johr, nadem de Kark in Bookholt boot worrn is, hett Meilsen dat Kaspel wesselt, von wegen dat Bookholt veel dichter bi weer.

För de Kathoolschen is de St.-Petrus-Kark in Bookholt tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Meilsen is över twee lüttjere Straten mit de Bundsstraat 75 verbunnen, de in’n Noordoosten över Steenbeek na Dibbersen un Ninndörp geiht un in’n Süüdwesten över Trill un Kakenstörp na Töst, Scheeßl un Rodenborg. Bi Triller Barg warrt de B 75 von de B 3 krüüzt, de in’n Noorden an de B 73 bi Buxthu löppt un in’n Süden op Snevern un Soltau to.

De nächste Autobahn is de Autobahn 1. De Opfohrt 42 Dibbersen liggt so fiev Kilometer in’n Noordoosten von Meilsen an de B 75.

De nächste Bahnhoff is so bi veer Kilometer wied weg in’n Süüdoosten de Bahnhoff Bookholt an de Bahnlien Hamborg–Bremen un an de Heidbahn.

Scholen[ännern | Bornkood ännern]

Von 1687 bet 1910 hett Meilsen to’n Schoolverband von de Veerdörper (Sprötz, Trill, Kakenstörp un Dreest) tohöört. De Kinner sünd in disse Tied in Trill na School gahn. 1910 hebbt Meilsen un Steenbeek denn tohoop en egen School kregen.

Literatur[ännern | Bornkood ännern]

Footnoten[ännern | Bornkood ännern]

  1. a b Michael Marquardt: Zur Geschichte von Meilsen.
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 154: https://books.google.de/books?id=jN5QAAAAcAAJ&pg=PA154
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  4. C. H. Jansen: Statistisches Handbuch des Königreichs Hannover. 1824, Sied 402: http://books.google.de/books?id=tG0AAAAAcAAJ&pg=PA402
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132