Brumhagen

Vun Wikipedia
Wapen/Flagg Koort
hett keen Wapen
Brumhagen
Laag vun Brumhagen in Düütschland
Basisdaten
Bundsland: Neddersassen
Landkreis: Horborg
Gemeen: Bookholt
Inwahners:
Postleettall: 21244
Vörwahl: 04186
Geograafsche Laag:
Koordinaten:53° 19′ N, 9° 50′ O
53° 19′ N, 9° 50′ O

Karte

Brumhagen (hoochdüütsch Brumhagen) is en lütten Oort in de Gemeen Bookholt in’n Landkreis Horborg, Neddersassen. De Oort höört polietsch al von öllers bi Sprötz mit bi.

Geografie[ännern | Bornkood ännern]

De Naveröörd sünd Meilsen un Steenbeek in’n Noordoosten, Bookholt in’n Oosten, Suurhoop in’n Süüdoosten, Sprötz un Trill in’n Süüdwesten un Triller Barg un Klauenborg in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1859 to dat Amt Mesborg tohöört un denn von 1859 bet 1885 to dat Amt Töst. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

Brumhagen hett von öllers to Sprötz tohöört. Sprötz hett in dat 19. Johrhunnert en Gemeenverband mit Kakenstörp, Dreest un Trill billt, de Veerdörper. Disse Verband hett bet 1900 bestahn, as Sprötz wedder egenstännige Gemeen worrn is. De Oort Brumhagen is an’n 1. Juli 1972 mit de Gemeenreform in Neddersassen as Deel von de Gemeen Sprötz an de Gemeen Bookholt kamen.

Inwahnertall[ännern | Bornkood ännern]

Johr Inwahners
1871-12-011. Dezember 1871[1] 18 Lüüd, 3 Hüüs

Religion[ännern | Bornkood ännern]

Brumhagen is evangeelsch-luthersch präägt un höört to dat Kaspel von de Krüüzkark in Sprötz.

För de Kathoolschen is de St.-Petrus-Kark in Bookholt tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Nich wied af von Brumhagen löppt de Bundsstraat 75 langs, de in’n Noordoosten över Steenbeek na Dibbersen un Ninndörp geiht un in’n Süüdwesten över Trill un Kakenstörp na Töst. In’n Oosten geiht de Kreisstraat 44 na Bookholt rin.

De nächste Autobahn is de Autobahn 1. De Opfohrt 44 Raad liggt so söven Kilometer in’n Noordwesten von Brumhagen un de Opfohrt 42 Dibbersen söven Kilometer in’n Noordoosten.

De nächste Bahnhoff is so bi twee Kilometer wied weg in’n Süüdwesten de Bahnhoff Sprötz an de Bahnlien Hamborg–Bremen. De Verkehr op disse Bahnlien, de ok dicht bi Brumhagen sülvs langslöppt, hett an’n 1. Juni 1874 anfungen. Ok de Bahnlien Bookholt–Bremervöör lööp an Brumhagen langs. Dor hett dat von 1902 bet 1968 Verkehr geven.

Scholen[ännern | Bornkood ännern]

Nich wied in’n Oosten von Brumhagen liggt dat Schoolzentrum II von Bookholt mit de Realschool an’n Kattenbarg, dat Gymnasium an’n Kattenbarg un de Beroopscholen Bookholt.

Footnoten[ännern | Bornkood ännern]

  1. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132