Dangersen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21244 | |
| Vörwahl: | 04181 | |
| Geograafsche Laag: | Koordinaten:53° 22′ N, 9° 51′ O53° 22′ N, 9° 51′ O | |
|
| ||
Dangersen (hoochdüütsch Dangersen) is en Dörp in de Gemeen Bookholt in’n Landkreis Horborg, Neddersassen. De Oort höört polietsch al von öllers bi Dibbersen mit bi.
Geografie
[ännern | Bornkood ännern]Dangersen liggt an’n Oostrand von’n Stuvenwoold, wat en Deel von de Horbörger Bargen is. Twüschen Dangersen un Dibbersen doot de Höögden von’n Habenbarg (120 m), Dangerser Barg (120 m) un Nuppenbarg (124 m) liggen.
De Naveröörd sünd Ems in’n Noorden, Ninndörp in’n Noordoosten, Dibbersen in’n Oosten, Vaans in’n Süüdoosten, Bookholt in’n Süden, Steenbeek un Meilsen in’n Süüdwesten un Mienenbüddel un Raad in’n Noordwesten.
Historie
[ännern | Bornkood ännern]In’n Tweten Weltkrieg sünd veer Soldaten ut Dangersen fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
De Oort is an’n 1. Juli 1972 mit de Gemeenreform in Neddersassen as Deel von de Gemeen Dibbersen an de Gemeen Bookholt kamen. Sietdem billt Dibbersen un Dangersen tohoop en Oortschop mit Oortsraad un egen Oortsbörgermeester binnen de Gemeen Bookholt.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 3 Füürsteden |
| 1812[3] | 29 |
| 1824[4] | 6 Füürsteden |
| 1848[5] | 48 Lüüd, 7 Hüüs |
| 1. Dezember 1871[6] | 44 Lüüd, 7 Hüüs |
Religion
[ännern | Bornkood ännern]Dangersen is evangeelsch-luthersch präägt un höört siet 1926 to dat Kaspel von de Krüüzkark in Ninndörp. Ganz fröher hett de Oort to dat Kaspel von de Andreas-Kark in Hullnst tohöört un later denn bet 1926 to dat Kaspel von de Mauritius-Kark in Hittfeld.
För de Kathoolschen is de St.-Petrus-Kark in Bookholt tostännig.
Kultur
[ännern | Bornkood ännern]En Denkmaal för de Fullenen ut’n Tweten Weltkrieg steiht in Dibbersen.
Verenen
[ännern | Bornkood ännern]De Schüttenvereen Dibbersen-Dangersen un Ümgegend is 1925 grünnt worrn.
Weertschop un Infrastruktur
[ännern | Bornkood ännern]De freewillige Füürwehr Dibbersen is för Dangersen mit tostännig.
Verkehr
[ännern | Bornkood ännern]Dangersen is över en lüttjere Straat verbunnen mit Dibbersen un hett dor Ansluss an de Kreisstraat 13, de in’n Noorden na Ems löppt un in’n Süden na Bookholt. An’n Süüdrand von Dibbersen krüüzt de Bundsstraat 75 de K 13. De B 75 löppt in’n Süüdoosten an Bookholt langs dör Steenbeek na Kakenstörp un Töst. An’n Noordoostrand von Dibbersen is de B 75 anslaten an de Autobahn 1. De Opfohrt 42 Dibbersen op de A 1 liggt so dree Kilometer in’n Noordoosten von Dangersen. De fröhere Verloop von de B 75 in’n Noordoosten is nu de Kreisstraat 85, de över Ninndörp un Tötsen na Horborg geiht.
De nächste Bahnhoff is so bi söss Kilometer wied weg in’n Süden de Bahnhoff Bookholt an de Bahnlien Hamborg–Bremen un an de Heidbahn.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/dibbersen.htm
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 52: https://books.google.de/books?id=jN5QAAAAcAAJ&pg=RA1-PA52
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 124: http://books.google.de/books?id=tG0AAAAAcAAJ&pg=RA1-PA124
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
