Wörm (Landkreis Horborg)

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Wörmer.

Wapen/Flagg Koort
hett keen Wapen
Wörm
Laag vun Wörm in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Handörp
Inwahners:
Postleettall: 21256
Vörwahl: 04187
Geograafsche Laag:
Koordinaten:53° 16′ N, 9° 52′ O
53° 16′ N, 9° 52′ O

Olen Schaapstall in Wörm, nu en Café
Heidlandschop in dat Büsenbeekdaal

Wörm (hoochdüütsch Wörme) is en Dörp in de Gemeen Handörp (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Handörp mit bi.

Geografie[ännern | Bornkood ännern]

Wörm liggt an’n Süüdoostrand von de Lohbargen, wat en Deel von de Swarten Bargen is. Dör den Oort löppt de Büsenbeek, de en poor hunnert Meter in’n Oosten von’t Dörp in de Seev münnt. In’n Noordwesten liggt dat Landschopsschuulrebeed Büsenbeekdaal.

De Naveröörd sünd Holm-Seppens in’n Noorden, Thälsdörp in’n Noordoosten, Holm un Schierhoorn in’n Oosten, Wesel in’n Süüdoosten, Inzmöhlen in’n Süden, Handörp in’n Süüdwesten, Hökel in’n Westen un Lohbargen un Sprötz in’n Noordwesten.

Historie[ännern | Bornkood ännern]

Nadem 1901 in’n Noordwesten von dat ole Wörm de Bahnhoff Büsenbeekdaal anleggt worrn is, is Wörm dull wussen. De ne’en Hüüs stünnen nu all üm’n Bahnhoff rüm. Dit Rebeed hett vondaag veel mehr Inwahners as de olen Hööv.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is as Deel von de Gemeen Handörp an’n 1. Juli 1972 mit de Gemeenreform in Neddersassen tohoop mit Inzmöhlen an de nu gröttere Gemeen Handörp kamen.

Inwahnertall[ännern | Bornkood ännern]

Johr Inwahners
1793-00-001793[1] 2 Füürsteden
1812-00-001812[2] 24
1824-00-001824[3] 2 Füürsteden
1848-00-001848[4] 32 Lüüd. 4 Hüüs
1871-12-011. Dezember 1871[5] 39 Lüüd. 4 Hüüs

Religion[ännern | Bornkood ännern]

Wörm is evangeelsch-luthersch präägt un höört to dat Kaspel von de Nikodemus-Kark in Handörp. De Kark is 1957 bet 1959 boot worrn. Vörher hett de Oort to dat Kaspel von de Martins-Kark in Jesborg höört.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Von Wörm loopt Straten in’n Süüdwesten na Handörp an de Kreisstraat 27 un in’n Oosten na Holm an de K 28. De K 27 löppt denn in’n Westen in Will an de Bundsstraat 3 ran un in’n Süüdoosten över Inzmöhlen, Wesel un Unnel na Sohrendörp an de Landsstraat 213. De K 28 geiht in’n Noorden över Holm-Seppens un Seppens na Bookholt un in’n Süden na Inzmöhlen an de K 27. Von de K 28 in Holm geiht na Oosten de K 55 af över Schierhoorn un Diekshuus na Hanstää an de L 213.

De nächste Autobahn is de Autobahn 1. De Opfohrt 42 Dibbersen liggt so 14 Kilometer in’n Noorden von Wörm an de B 75.

Wörm hett mit’n Bahnhoff Büsenbeekdaal en egen Bahnhoff an de Heidbahn. Von 1999 bet 2002 is för Touristen in Wörm de Feldbahn Wilde Erika föhrt.

Scholen[ännern | Bornkood ännern]

De Kinner ut Wörm gaht na de Grundschool Handörp op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Literatur[ännern | Bornkood ännern]

  • Hermann Schettler: Ortschronik von Handeloh: mit den ehemaligen Gemeinden und jetzigen Ortsteilen Handorf/Handeloh, Höckel, Inzmühlen und Wörme. 1983

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 255: https://books.google.de/books?id=jN5QAAAAcAAJ&pg=PA255
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  3. C. H. Jansen: Statistisches Handbuch des Königreichs Hannover. 1824, Sied 678: http://books.google.de/books?id=tG0AAAAAcAAJ&pg=PA678
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131

Weblenken[ännern | Bornkood ännern]

Commons-logo.svg Wörm (Landkreis Horborg). Mehr Biller, Videos oder Audiodateien to’t Thema gifft dat bi Wikimedia Commons.