Diekshuus

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Diekshuus
Laag vun Diekshuus in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Asendörp
Inwahners:
Postleettall: 21271
Vörwahl: 04184
Geograafsche Laag:
Koordinaten:53° 16′ N, 9° 59′ O
53° 16′ N, 9° 59′ O

Diekshuus (hoochdüütsch Dierkshausen) is en Dörp in de Gemeen Asendörp (Samtgemeen Hanstää) in’n Landkreis Horborg, Neddersassen.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över Moorbeek un Diekshüser Möhlenbeek na de Seev hen af. In’n Süden liggt dat grote Naturschuulrebeed Lümbörger Heid.

De Naveröörd sünd Asendörp in’n Noorden, Smafelln un Quarrendörp in’n Noordoosten, Hanstää un Ollsen in’n Süüdoosten, Wesel in’n Süüdwesten, Schierhoorn, Höpen un Drumbargen in’n Westen un Hassel un Jesborg in’n Noordwesten.

Historie[ännern | Bornkood ännern]

Diekshuus kummt 1235 toeerst in de Oorkunnen vör, as Otto I. sien Besitt in Diekshuus de St.-Marien-Kark in Lümborg stift hett.

In’n Eersten Weltkrieg sünd fiev Soldaten ut Diekshuus fullen oder vermisst un in’n Tweten Weltkrieg teihn.[1] Bi en Flegerangreep an’n 31. Januar 1943 sünd söven Lüüd in Diekshuus doodbleven.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Diekshuus in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Garlstörp in’n Kanton Garlstörp.

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Tied von 1852 bet 1859 hett de Oort kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort höört von öllers bi de Buurschop un Gemeen Asendörp mit bi.

Inwahnertall[ännern | Bornkood ännern]

Johr Inwahners
1791-00-001791[2] 2 Füürsteden
1812-00-001812[3] 37
1824-00-001824[4] 3 Füürsteden
1848-00-001848[5] 62 Lüüd. 7 Hüüs
1871-12-011. Dezember 1871[6] 64 Lüüd. 9 Hüüs
1885-12-011. Dezember 1885[7] 58 Lüüd. 10 Hüüs
1905-12-011. Dezember 1905[8] 88 Lüüd. 17 Hüüs

Religion[ännern | Bornkood ännern]

Diekshuus is evangeelsch-luthersch präägt un höört to dat Kaspel von de Jakobi-Kark in Hanstää.

För de Kathoolschen is de St.-Petrus-Kark in Bookholt tostännig.

Kultur[ännern | Bornkood ännern]

In Diekshuus steiht en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Diekshuus hett en egene freewillige Füürwehr, de 1948 grünnt worrn is. Siet 1932 hett dat vörher aver al en Löschgrupp von de Füürwehr Asendörp geven.

Verkehr[ännern | Bornkood ännern]

Dör Diekshuus löppt de Kreisstraat 55, de in’n Noordwesten na Schierhoorn un Holm geiht un in’n Süüdoosten na Hanstää an de Landsstraat 213. In’n Noorden geiht von de K 55 de K 60 af na Asendörp an de L 213. De L 213 föhrt von Asendörp in’n Noorden över Jesborg un Bendsdörp na Hittfeld un von Hanstää in’n Süden na Äästörp.

De nächste Autobahn is de Autobahn 7 (Afsnidd HamborgHannover). De Opfohrt 40 Garlstörp liggt so negen Kilometer in’n Süüdoosten von Diekshuus an de L 216.

De nächste Bahnhoff is so bi negen Kilometer wied weg in’n Westen de Bahnhoff Büsenbeekdaal an de Heidbahn von Bookholt na Hannover.

Scholen[ännern | Bornkood ännern]

De Kinner ut Diekshuus gaht na de Grundschool Hanstää.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 56
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 134
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 133
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 138
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184