Hassel (Jesborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21266 | |
| Vörwahl: | 04183 | |
| Geograafsche Laag: | Koordinaten:53° 17′ N, 9° 56′ O53° 17′ N, 9° 56′ O | |
|
| ||
Hassel (hoochdüütsch Hassel) is en lütten Oort in de Gemeen Jesborg (Samtgemeen Jesborg) in’n Landkreis Horborg, Neddersassen.
Geografie[ännern | Bornkood ännern]
Bi Hassel doot de Schierhoorner Beek un de Breddbeek dicht bienanner liggen. De Schierhoorner Beek flütt aver na Süüdwesten un denn bi Holm in de Seev un de Breddbeek na Noordoosten un in Jesborg in de Seev.
De Naveröörd sünd Jesborg un Asendörp in’n Noordoosten, Diekshuus un Drumbargen in’n Süüdoosten, Höpen in’n Süden, Schierhoorn in’n Süüdwesten, Thälsdörp un Weih in’n Westen un Lüll un Wiedenhoff in’n Noordwesten.
Historie[ännern | Bornkood ännern]
Hassel is as Tegelhoff von Schierhoorn ut anleggt worrn.
Dicht bi Hassel harr ok de Künstler Johann Michael Bossard sien Atelier un hett dor von 1912 bet to sien Dood 1950 leevt.
Verwaltungsgeschicht[ännern | Bornkood ännern]
De Oort hett vör 1885 to de Amtsvaagdie Garlstörp in dat Amt Winsen tohöört. Na 1885 weer dat in’n Kreis Winsen un is 1932 Deel von’n Landkreis Horborg worrn.
De Oort weer fröher Deel von de Gemeen Schierhoorn, is denn aver in de Gemeen Jesborg wesselt. Hassel is an’n 1. Juli 1972 as Deel von de Gemeen Jesborg mit de Gemeenreform in Neddersassen an de nu gröttere Gemeen Jesborg kamen.
Religion[ännern | Bornkood ännern]
Hassel is evangeelsch-luthersch präägt un höört to dat Kaspel von de Martinskark in Jesborg.
För de Kathoolschen is de Petrus-Kark in Bookholt tostännig.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Von Hassel loopt lüttjere Straten in’n Süden na de Kreisstraat 55, in’n Noorden na de K 83 un in’n Noordoosten na de L 213.
De nächste Autobahn is de Autobahn 7 (Afsnidd Hamborg–Hannover). De Opfohrt 39 Thieshoop liggt so ölven Kilometer in’n Oosten von Hassel an de L 215. De Opfohrt 42 Dibbersen op de Autobahn 1 (Afsnidd Hamborg–Bremen) liggt so 13 Kilometer in’n Noordwesten.
De nächste Bahnhoff is so bi söss Kilometer wied weg in’n Süüdwesten de Bahnhoff Büsenbeekdaal an de Heidbahn. De Bahnhoff Bookholt an de Heidbahn un de Bahnlien Hamborg–Bremen liggt söven Kilometer in’n Noordwesten. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. De nächste Bahnhoff weer in disse Tied de Bahnhoff Jesborg veer Kilometer in’n Noordoosten.
Literatur[ännern | Bornkood ännern]
- Hermann Schettler: Ortschronik von Schierhorn. 1991