Wiedenhoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21266 | |
| Vörwahl: | 04183 | |
| Geograafsche Laag: | Koordinaten:53° 17′ N, 9° 56′ O53° 17′ N, 9° 56′ O | |
|
| ||
Wiedenhoff (hoochdüütsch Wiedenhof) is en Dörp in de Gemeen Jesborg (Samtgemeen Jesborg) in’n Landkreis Horborg, Neddersassen. Wiedenhoff billt polietsch von öllers en Gemeenverband mit Lüll un Thälsdörp.
Geografie
[ännern | Bornkood ännern]Wiedenhoff liggt an dat rechte Över von de Seev.
De Naveröörd sünd Oosterbarg in’n Noorden, Jesborg in’n Noordoosten, Asendörp in’n Oosten, Diekshuus un Drumbargen in’n Süüdoosten, Hassel un Höpen in’n Süden, Schierhoorn, Weih un Thälsdörp in’n Süüdwesten, Lüll in’n Westen un Reindörp in’n Noordwesten.
Historie
[ännern | Bornkood ännern]2010 is in Wiedenhoff de lüttje Privatkapell St. Katharina boot worrn.
Verwaltungsgeschicht
[ännern | Bornkood ännern]In dat 18. Johrhunnert hett noch een von de dree Hööv, de Wiedenhoff to de Tied harr, to dat Amt Winsen höört, de annern beiden to dat Amt Horborg. De Grenz weer de Seev. Dat rechte Över hett to dat Amt Winsen höört un dat linke to dat Amt Horborg. To’n 1. Juli 1842 is de Hoff denn aver ok an dat Amt Horborg gahn.[1]
In de Franzosentied von 1810 bet 1814 hett de Oort to de Mairie Jesborg in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.
De Oort is as Deel von de Gemeen Lüll an’n 1. Juli 1972 mit de Gemeenreform in Neddersassen an de Gemeen Jesborg kamen.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 3 Füürsteden |
| 1812[3] | 25 |
| 1824[4] | 4 Füürsteden |
| 1848[5] | 39 Lüüd, 5 Hüüs |
| 1. Dezember 1871[6] | 45 Lüüd, 6 Hüüs |
Religion
[ännern | Bornkood ännern]Wiedenhoff is evangeelsch-luthersch präägt un höört to dat Kaspel von de Martinskark in Jesborg.
För de Kathoolschen is de Petrus-Kark in Bookholt tostännig.
Weertschop un Infrastruktur
[ännern | Bornkood ännern]Wiedenhoff höört to dat Rebeed von de freewillige Füürwehr Lüll, de 1937 grünnt worrn is.
Verkehr
[ännern | Bornkood ännern]Op dat linke Över von de Seev löppt de Kreisstraat 83 langs, de in’n Noordoosten na Jesborg an de Landsstraat 213 ran geiht un in’n Noordwesten na Reindörp un Bookholt. Na Süden geiht von de K 83 de K 67 af, de na Schierhoorn geiht.
De nächsten Autobahnen sünd de A 1 un de A 7. De Opfohrten 42 Dibbersen un 41 Hittfeld op de A 1 un de Opfohrten 38 Ramßel un 39 Thieshoop op de A 7 doot all so bi twölv Kilometer weg von Wiedenhoff liggen.
De nächsten Bahnhööv sünd so bi söss Kilometer wied weg in’n Süüdwesten de Bahnhoff Büsenbeekdaal an de Heidbahn un bi söven Kilometer wied weg in’n Noordwesten de Bahnhoff Bookholt an de Bahnlien Hamborg–Bremen. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. De nächste Bahnhoff weer in disse Tied de Bahnhoff Jesborg dree Kilometer in’n Noordoosten.
Lüüd
[ännern | Bornkood ännern]Nadem de Fotograaf Walther Dobbertin 1920 ut Afrika trüggkeem, hett he in Wiedenhoff leevt un is dor 1961 ok doodbleven. De Indoloog Lambert Schmithausen leevt in Wiedenhoff.
De Künstler Johann Michael Bossard harr in Wiedenhoff-Hassel sien Atelier un hett dor von 1912 bet to sien Dood 1950 leevt.
Footnoten
[ännern | Bornkood ännern]- ↑ Gesetze, Verordnungen und Ausschreiben für das Königreich Hannover. Jänecke, 1847, Sied 348
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 249: https://books.google.de/books?id=jN5QAAAAcAAJ&pg=RA1-PA249
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 664: http://books.google.de/books?id=tG0AAAAAcAAJ&pg=PA664
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129: https://books.google.de/books?id=qTZDAQAAMAAJ&pg=RA2-PA129
Literatur
[ännern | Bornkood ännern]- Hans-Heinrich Wolfes: Lüllau, Thelstorf, Wiedenhof: Eine Dorfgeschichte. PD-Verlag, Heidenau 2009, ISBN 978-3-86707-827-6