Quarrendörp

Vun Wikipedia
Zur Navigation springen Zur Suche springen
Wapen/Flagg Koort

Wapen vun Quarrendörp

Quarrendörp
Laag vun Quarrendörp in Düütschland
Basisdaten
Bundsland: Neddersassen
Landkreis: Horborg
Samtgemeen: Hanstää
Gemeen: Hanstää
Flach: 9,91 km²
Inwahners:
Postleettall: 21271
Vörwahl: 04184
Geograafsche Laag:
Koordinaten:53° 17′ N, 10° 2′ O
53° 17′ N, 10° 2′ O

Quarrendörp (hoochdüütsch Quarrendorf) is en Dörp in de Gemeen Hanstää (Samtgemeen Hanstää) in’n Landkreis Horborg, Neddersassen.

Geografie[ännern | Bornkood ännern]

De Oort liggt in de Lümbörger Heid good een Kilometer in’n Oosten von de Smale Au. Na Oosten to liggt dat Toppenstäer Holt.

De Naveröörd sünd Braackel un Tangendörp in’n Noordoosten, Toppenstää un Garlstörp in’n Süüdoosten, Niendörp un Hanstää in’n Süüdwesten, Diekshuus in’n Westen un Asendörp, Smafelln un Marxen in’n Noordwesten.

Historie[ännern | Bornkood ännern]

Quarrendörp kummt 1158 toeerst in de Oorkunnen vör. De Naam in de öllsten Oorkunnen weer Querendorpe oder Querendarpe. De Naam warrt trüggföhrt op en Handmöhl von’n Typ Queern.

In’n Eersten Weltkrieg sünd söven Soldaten ut Quarrendörp fullen oder vermisst un in’n Tweten Weltkrieg 45.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Garlstörp in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Parrns in dat Amt Winsen tohöört. Blots in de Tied von 1852 bet 1859 weer de Oort kort in dat Amt Parrns. Na 1885 weer dat in’n Kreis Winsen un is 1932 Deel von’n Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Hanstää worrn.

Inwahnertall[ännern | Bornkood ännern]

Johr Inwahners
1793-00-001793[2] 12 Füürsteden
1812-00-001812[3] 148
1824-00-001824[4] 16 Füürsteden
1848-00-001848[5] 177 Lüüd. 26 Hüüs
1871-12-011. Dezember 1871[6] 207 Lüüd. 27 Hüüs
1910-12-011. Dezember 1910[7] 212
1925-00-001925[8] 245
1933-00-001933[8] 235
1939-00-001939[8] 222

Religion[ännern | Bornkood ännern]

Quarrendörp is evangeelsch-luthersch präägt un höört to dat Kaspel von de Jakobi-Kark in Hanstää.

För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.

Wapen[ännern | Bornkood ännern]

Dat Wapen von Quarrendörp wiest op blauen Grund en gollen Queern mit sülvern Steel. De Queern steiht as Symbol för den Naam von’n Oort. De Klören blau un gold sünd ut dat Wapen von’n Landkreis Horborg övernahmen.

Kultur[ännern | Bornkood ännern]

In Quarrendörp steiht en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Quarrendörp hett en egene freewillige Füürwehr, de 1912 grünnt worrn is.

Verkehr[ännern | Bornkood ännern]

Dör Quarrendörp löppt de Landsstraat 215, de in’n Noordoosten över Braackel un Thieshoop na Parrns geiht un in’n Süüdwesten na Hanstää un dor an de L 213.

De nächste Autobahn is de Autobahn 7 (Afsnidd HamborgHannover). De Opfohrt 39 Thieshoop liggt so fiev Kilometer in’n Noordoosten von Quarrendörp an de L 215.

De nächste Bahnhoff is so bi 14 Kilometer wied weg in’n Noordoosten de Bahnhoff Stell an de Bahnlien Hamborg–Hannover. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. In de eerste Tied weer de nächste Bahnhoff söss Kilometer in’n Noordwesten in Marxen. In dat 20. Johrhunnert hett denn ok de Oort Braackel en egen Bahnhoff kregen, de so bi veer Kilometer wied weg weer.

Scholen[ännern | Bornkood ännern]

De Kinner ut Quarrendörp gaht na de Grundschool Braackel.

Footnoten[ännern | Bornkood ännern]

  1. http://www.denkmalprojekt.org/dkm_deutschland/quarrendorf.htm
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 185: https://books.google.de/books?id=jN5QAAAAcAAJ&pg=PA185
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 58: http://books.google.de/books?id=Q 5OAAAAcAAJ&pg=PA58
  4. C. H. Jansen: Statistisches Handbuch des Königreichs Hannover. 1824, Sied 494: http://books.google.de/books?id=tG0AAAAAcAAJ&pg=PA494
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 104: http://books.google.de/books?id=eOI-AAAAcAAJ&pg=PA104
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134: https://books.google.de/books?id=qTZDAQAAMAAJ&pg=RA2-PA134
  7. http://www.gemeindeverzeichnis.de/gem1900/gem1900.htm?hannover/winsen.htm
  8. a b c http://www.verwaltungsgeschichte.de/harburg.html

Weblenken[ännern | Bornkood ännern]