Kamperlien
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21261 | |
| Vörwahl: | 04188 | |
| Geograafsche Laag: | Koordinaten:53° 15′ N, 9° 46′ O53° 15′ N, 9° 46′ O | |
|
| ||
Kamperlien (hoochdüütsch Kamperlien) is en Dörp in de Gemeen Will (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Kamp mit bi.
Geografie
[ännern | Bornkood ännern]De Oort liggt in de Lümbörger Heid. De Kamper Beek flütt en poor hunnert Meter in’n Süden langs un münnt denn in de Eest, de so bi twee Kilometer in’n Oosten langs löppt.
De Naveröörd sünd Neddernhoff in’n Noorden, Langeloh un Hinkenbossel in’n Noordoosten, Hökel in’n Oosten, Will in’n Süüdoosten, Kamp in’n Süden, Otter in’n Süüdwesten un Schillingsbossel, Knick, Töst un Glüsen in’n Noordwesten.
Historie
[ännern | Bornkood ännern]An de Steed von Kamperlien stünnen toeerst en poor Schaapställ von dat Dörp Kamp. Eerst later sünd dor enkelte Hööv as Afbo von Kamp anleggt worrn.
Verwaltungsgeschicht
[ännern | Bornkood ännern]De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
De Gemeen Kamp is an’n 1. Juli 1972 mit de Gemeenreform in Neddersassen Deel von de Gemeen Will worrn.
Religion
[ännern | Bornkood ännern]Kamperlien is evangeelsch-luthersch präägt un höört to dat Kaspel von de Nikodemus-Kark in Handörp. Disse Kark is 1957 bet 1959 boot worrn. Vörher hett de Oort to dat Kaspel von de Johannes-de-Döper-Kark in Töst höört.
För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Kamperlien löppt de Landsstraat 141, de in’n Noordwesten na Töst an de Bundsstraat 75 un denn wieder na Hullnst geiht un in’n Süüdoosten na Will an de B 3. De B 3 löppt in’n Süden op Snevern un Soltau to. De B 75 geiht von Töst ut in’n Noordoosten över Kakenstörp an Bookholt langs na Ninndörp un in’n Süüdwesten na Lauenbrüch, Scheeßl un Rodenborg. In’n Süden geiht de Kreisstraat 65 na Kamp un Todtshorn.
De nächste Autobahn is de Autobahn 1. De Opfohrt 46 Heidenau un de Opfohrt 45 Hullnst doot all beid so 14 Kilometer in’n Noordwesten von Kamperlien liggen.
De nächste Bahnhoff is so bi veer Kilometer wied weg in’n Noordwesten de Bahnhoff Töst an de Bahnlien Hamborg–Bremen.
Scholen
[ännern | Bornkood ännern]Bet 1979 güngen de Kinner in Kamp na de Volksschool. Vondaag gaht de Schölers na de Grundschool Handörp. Nadem se mit de Grundschool trech sünd, gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.