Neddernhoff

Vun Wikipedia
Wapen/Flagg Koort
hett keen Wapen
Neddernhoff
Laag vun Neddernhoff in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Töst
Inwahners:
Postleettall: 21255
Vörwahl: 04182
Geograafsche Laag:
Koordinaten:53° 17′ N, 9° 47′ O
53° 17′ N, 9° 47′ O

Karte

Neddernhoff (hoochdüütsch Neddernhof) is en Oort in de Gemeen Töst (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Glüsen mit bi.

Geografie[ännern | Bornkood ännern]

Neddernhoff liggt an de Eest, in de en Stück in’n Süden de Langeloher Beek münnt.

De Naveröörd sünd Kakenstörp in’n Noorden, Trill, Sprötz un Lohbargen in’n Noordoosten, Holm-Seppens in’n Oosten, Hökel un Wörm in’n Süüdoosten, Langeloh un Hinkenbossel in’n Süden, Knick in’n Süüdwesten un Glüsen un Töst in’n Westen.

Dat Rebeed in’n Noordoosten an’n Smookbeek, wat twüschen Neddernhoff un Lohbargen liggt, höört as Exklaav to de Gemeen Bookholt.

Historie[ännern | Bornkood ännern]

Fröher weer Neddernhoff blots en enkelten Hoff. Eerst in dat 19. Johrhunnert sünd dor denn mehr Hööv un Hüüs anleggt worrn. Nadem de Oort von en enkelten Hoff to en lütt Dörp wussen is, is de Oort deelwies ok Nedderndörp nöömt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 as Deel von de Gemeen Glüsen mit de Gemeenreform in Neddersassen an de Gemeen Töst kamen.

Inwahnertall[ännern | Bornkood ännern]

Johr Inwahners
1793-00-001793[1] 1 Füürsteed
1824-00-001824[2] 1 Füürsteed
1848-00-001848[3] 30 Lüüd, 3 Hüüs
1871-12-011. Dezember 1871[4] 28 Lüüd, 6 Hüüs

Religion[ännern | Bornkood ännern]

Neddernhoff is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Dör Neddernhoff löppt de Kreisstraat 57, de in’n Westen na Töst an de Bundsstraat 75 geiht un in’n Oosten an de Bundsstraat 3. De B 3 löppt in’n Süden op Snevern un Soltau to un in’n Noorden bi Triller Barg an de B 75. De B 75 löppt von Töst ut in’n Süüdwesten na Lauenbrüch, Scheeßl un Rodenborg un in’n Noordoosten na Bookholt to. Ans gifft dat noch en lüttje Straat von Neddernhoff na Langeloh un Hinkenbossel in’n Süden.

De nächste Autobahn is de Autobahn 1. De Opfohrt 44 Raad liggt so teihn Kilometer in’n Noorden von Neddernhoff.

De nächste Bahnhoff is so bi veer Kilometer wied weg in’n Noordoosten de Bahnhoff Sprötz an de Bahnlien Hamborg–Bremen.

Scholen[ännern | Bornkood ännern]

De Kinner ut Neddernhoff gaht na de Grundschool Glüsen op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 160: https://books.google.de/books?id=jN5QAAAAcAAJ&pg=PA160
  2. C. H. Jansen: Statistisches Handbuch des Königreichs Hannover. 1824, Sied 440: http://books.google.de/books?id=tG0AAAAAcAAJ&pg=PA440
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132