Lohbargen (Oort)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Lohbargen
Laag vun Lohbargen in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Töst
Inwahners:
Postleettall: 21255
Vörwahl: 04282
Geograafsche Laag:
Koordinaten:53° 17′ N, 9° 48′ O
53° 17′ N, 9° 48′ O

Lohbargen (hoochdüütsch Lohbergen) is en lütten Oort in de Gemeen Töst (Samtgemeen Töst) in’n Landkreis Horborg, Neddersassen. Enkelte Hüüs höört ok to de Gemenen Kakenstörp un Bookholt.

Geografie[ännern | Bornkood ännern]

Lohbargen liggt an’n Smookbeek, de een Kilometer in’n Westen in de Eest münnt.

De Naveröörd sünd Trill in’n Noorden, Sprötz un Suurhoop in’n Noordoosten, Holm-Seppens in’n Oosten, Wörm in’n Süüdoosten, Hökel in’n Süden, Hinkenbossel un Langeloh in’n Süüdwesten, Neddernhoff un Glüsen in’n Westen un Kakensdörp in’n Noordwesten.

Dat Rebeed ümto (Smookbeek un de Straat An’n Smookbeek) höört as Exklaav to de Gemeen Bookholt. Ok enkelte Hüüs von Lohbargen (to’n Bispeel dat Waldheim) höört to disse Bookholter Exklaav.

Historie[ännern | Bornkood ännern]

Lohbargen is as Forsthoff grünnt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Oort in dat Amt Mesborg wesselt. Dor is he bet 1859 bleven, denn is dor dat Amt Töst von worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

In dat 19. Johrhunnert is de Forsthoff Deel von de Gemeen Glüsen worrn.

De Oort is as Deel von de Gemeen Glüsen an’n 1. Juli 1972 mit de Gemeenreform in Neddersassen an de Gemeen Töst kamen.

Inwahnertall[ännern | Bornkood ännern]

Johr Inwahners
1793-00-001793[1] 1 Füürsteed
1824-00-001824[2] 1 Füürsteed
1848-00-001848[3] 11 Lüüd. 1 Huus
1871-12-011. Dezember 1871[4] 4 Lüüd. 1 Huus

to Kakenstörp:

Johr Inwahners
1848-00-001848[5] 4 Lüüd. 1 Huus
1871-12-011. Dezember 1871[6] 13 Lüüd. 3 Hüüs

Religion[ännern | Bornkood ännern]

Lohbargen is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Jesu-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

An Lohbargen langs löppt de Bundsstraat 3, de in’n Süden över Will op Snevern un Soltau to löppt un in’n Noorden över Sprötz, Triller Barg, Mienenbüddel un Ilsdörp na Öbergünn an de B 73. Bi Triller Barg hett de B 3 Ansluss an de B 75 un bi Mienenbüddel an de Autobahn 1. De Opfohrt 44 Raad bi Mienenbüddel liggt so negen Kilometer in’n Noorden von Lohbargen.

De nächste Bahnhoff is so bi dree Kilometer wied weg in’n Noordoosten de Bahnhoff Sprötz an de Bahnlien Hamborg–Bremen.

Scholen[ännern | Bornkood ännern]

De Kinner ut Lohbargen gaht na de Grundschool Glüsen op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 143: https://books.google.de/books?id=jN5QAAAAcAAJ&pg=PA143
  2. C. H. Jansen: Statistisches Handbuch des Königreichs Hannover. 1824, Sied 380: http://books.google.de/books?id=tG0AAAAAcAAJ&pg=PA380
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 100: http://books.google.de/books?id=eOI-AAAAcAAJ&pg=PA100
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132