Grundschool Glüsen
De Grundschool Glüsen is en Grundschool in dat Dörp Glüsen mit üm un bi 210 Schölers, 16 Schoolmeesters un söven pädagoogsche Mitarbeiders. Dreger is de Samtgemeen Töst. Dat Gebüüd liggt in de Schoolstraat 1.
Historie[ännern | Bornkood ännern]
Dat hüdige Schoolhuus mit anslaten Wahnhuus för den Schoolmeester hett an’n 15. März 1957 apenmaakt.[1] 1972 is tosätzlich noch en Turnhall boot worrn.[1] 1984 hebbt se dat Wahnhuus von’n Schoolmeester ümboot un dor en Klassenruum un en Gruppenruum inricht.[1] 1990 is en Twüschenbo boot worrn, twüschen Turnhall un Schoolhuus, in den ok noch twee Klassenrüüm rinkemen.[1] 1993 sünd twee Klassenrüüm, dat Büro un en Lehrmiddelruum nee boot un 2001/2002 is de Pausenhall utboot worrn.[1]
In’n August 2010 is ut de vulle Halvdagsschool en apene Ganzdagsschool worrn.[1]
Opstunns (2015) gifft dat Plaans, de School aftorieten un en ganz neet Schoolgebüüd to boon. Dat ganze schall 4,2 Milljonen Euro kösten.[2]
To’n Schoolbezirk von de School höört Glüsen mit Neddernhoff, Langeloh un Lohbargen. Na Westen hen is Glüsen mit Töst tohoopwussen, dat de Grundschool Töst hett. De Grenz von de Schoolbezirke löppt an de Straten Heidloh/Töster Straat, In’n Stocken, An’t Helferichheim, Tinnhütt un Neddersassenstraat langs.[3]
Schoolbaas[ännern | Bornkood ännern]
- opstunns: Friedhelm Wörner
Footnoten[ännern | Bornkood ännern]
- ↑ a b c d e f Chronik des heutigen Schulstandortes
- ↑ Bianca Marquardt: Grundschul-Neubauten sind Thema im Tostedter Schulausschuss, Wochenblatt an’n 7. Februar 2015
- ↑ Satzung über die Festlegung von Schulbezirken in der Samtgemeinde Tostedt
Weblenken[ännern | Bornkood ännern]
- Websteed von de School (hoochdüütsch)
Koordinaten:53° 17′ N, 9° 44′ O