Grundschool Töst
De Grundschool Töst is en Grundschool in den Oort Töst mit üm un bi 330 Schölers un 24 Schoolmeesters. Dreger is de Samtgemeen Töst. De School hett twee Standöörd, een in de Poststraat 16b un denn en Butensteed in de Dieckhofstraat (üm un bi 75 Schölers).
Historie[ännern | Bornkood ännern]
De eerste Nawies för en Volksschool in Töst is ut dat 18. Johrhunnert.[1] An’n 14. März 1811 hebbt de Franzosen Töst ansteken un dorbi is ok dat Schoolhuus mit afbrennt.[1] Disse School weer wohrschienlich dicht bi de Kark un is na den Brand an de sülve Steed wedder opboot worrn.[1] Üm 1850 rüm hett Heinrich Bostelmann op sien Land an de Feldstraat (vondaag Heidenauer Straat) en ne’e Volksschool boot.[1] De School in de Dieckhofstraat is 1873 boot worrn.[1]
1963/1964 is denn tosätzlich en Volksschool in de Poststraat boot worrn.[1] De eerste Schoolbedriev hett al in’n November 1963 anfungen.[1] Offiziell inwieht hebbt se de School an’n 24. April 1964.[1] Von de Tied an harr de School twee Standöörd.[1] 1966 is de School Middelpunktschool för Töst un Ümgegend worrn.[1] To disse Tied sünd dor 564 Schölers na School gahn.[1] Disse Tall is bet 1973 op 1150 stegen.[1]
To’n 1. August 1974 is de Middelpunktschool in en Grundschool un en Hauptschool opdeelt worrn. De Hauptschool is 1997 denn in dat Schoolzentrum an’n Düvelshöpen ümtagen.
Von dat Schooljohr 2006/2007 af an is de School en verlässliche School un von dat Schooljohr 2015/2016 af an en apene Ganzdagsschool.
De School is von 2011 bet 2014 in enkelte Schreed ümboot worrn. Welk Gebüüd sünd afreten worrn un welk nee kamen. Ok de Rüüm von de Töste-Realschool hett de Grundschool övernahmen. 2014 is en 2,4 Millionen Euro düren Neebo in de Poststraat boot worrn. Dat sünd veer Klassenrüüm, en Aula, Büros un en ne’en Fachbereich.
De Schoolbezirk von de School is Töst, aver ahn Depenbrook, Töst-Land, Dreehusen un Veloh, de all to de Grundschool Wist höört. Na Oosten hen is Töst mit Glüsen tohoopwussen, dat de Grundschool Glüsen hett. De Grenz von de Schoolbezirke löppt an de Straten Heidloh/Töster Straat, In’n Stocken, An’t Helferichheim, Tinnhütt un Neddersassenstraat langs.[2]
Schoolbaas[ännern | Bornkood ännern]
- opstunns: Susanne Gras
Footnoten[ännern | Bornkood ännern]
- ↑ a b c d e f g h i j k l Geschichte unserer Schule, Hauptschool Töst
- ↑ Satzung über die Festlegung von Schulbezirken in der Samtgemeinde Tostedt
Weblenken[ännern | Bornkood ännern]
- Websteed von de School (hoochdüütsch)
Koordinaten:53° 17′ N, 9° 43′ O