Langeloh

Vun Wikipedia
Zur Navigation springen Zur Suche springen

Disambig.svg Dit Woort hett noch annere Bedüden: kiek dorför ünner Langloh.

Wapen/Flagg Koort
hett keen Wapen
Langeloh
Laag vun Langeloh in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Töst
Inwahners:
Postleettall: 21255
Vörwahl: 04182
Geograafsche Laag:
Koordinaten:53° 17′ N, 9° 47′ O
53° 17′ N, 9° 47′ O

Langeloh (hoochdüütsch Langeloh) is en lütten Oort in de Gemeen Töst (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Glüsen mit bi.

Geografie[ännern | Bornkood ännern]

An’n Oostrand von Langeloh flütt de Eest langs. In’n Noordoosten löppt de Langeloher Beek langs, de denn in de Eest münnt.

De Naveröörd sünd Neddernhoff in’n Noorden, Lohbargen un Holm-Seppens in’n Noordoosten, Wörm un Hökel in’n Süüdoosten, Hinkenbossel un Kamp mit Kamperlien in’n Süden, Otter, Schillingsbossel un Knick in’n Süüdwesten un Töst un Glüsen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 as Deel von de Gemeen Glüsen mit de Gemeenreform in Neddersassen an de Gemeen Töst kamen.

Inwahnertall[ännern | Bornkood ännern]

Johr Inwahners
1793-00-001793[1] 5 Füürsteden
1812-00-001812[2] 49*
1824-00-001824[3] 4 Füürsteden
1848-00-001848[4] 50 Lüüd. 6 Hüüs
1871-12-011. Dezember 1871[5] 37 Lüüd. 7 Hüüs
* tohoop mit Lohbargen

Religion[ännern | Bornkood ännern]

Langeloh is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Langeloh is in’n Oosten anbunnen an de Bundsstraat 3, de in’n Süden na Snevern un Soltau to geiht un in’n Noordoosten bi Triller Barg an de Bundsstraat 75 un noch wieder in’n Noorden an de B 73. De B 3 löppt in’n Noordoosten an Bookholt vörbi. In’n Noordwesten löppt en Straat an de Kreisstraat 57 ran un denn över Glüsen na Töst an de B 75, de in’n Süüdwesten na Lauenbrüch, Scheeßl un Rodenborg geiht. De drüdde Straat, de von Langeloh weg föhrt, geiht in’n Süden över Hinkenbossel bi Kamp an de Landsstraat 141.

De nächste Autobahn is de Autobahn 1. De Opfohrt 44 Raad liggt so twölv Kilometer in’n Noorden von Langeloh.

De nächste Bahnhoff is so bi fiev Kilometer wied weg in’n Westen de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Langeloh gaht na de Grundschool Glüsen op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 136: https://books.google.de/books?id=jN5QAAAAcAAJ&pg=RA1-PA136
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
  3. C. H. Jansen: Statistisches Handbuch des Königreichs Hannover. 1824, Sied 356: http://books.google.de/books?id=tG0AAAAAcAAJ&pg=PA356
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132: https://books.google.de/books?id=qTZDAQAAMAAJ&pg=RA2-PA132