Schillingsbossel

Vun Wikipedia
Wapen/Flagg Koort
hett keen Wapen
Schillingsbossel
Laag vun Schillingsbossel in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Otter
Inwahners:
Postleettall: 21259
Vörwahl: 04182
Geograafsche Laag:
Koordinaten:53° 15′ N, 9° 44′ O
53° 15′ N, 9° 44′ O

Karte

Schillingsbossel (hoochdüütsch Schillingsbostel) is en Oort in de Gemeen Otter (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Otter mit bi.

Geografie[ännern | Bornkood ännern]

Schillingsbossel

Dicht bi Schillingsbossel liggt de Born von de Oost. Blots en poor hunnert Meter in’n Oosten flütt al de Otterer Beek langs, de in de Wümm münnt.

De Naveröörd sünd Töst in’n Noorden, Knick un Hinkenbossel in’n Noordoosten, Kamperlien in’n Oosten, Kamp un Otter in’n Süüdoosten, Riepshoff in’n Süüdwesten, Depenbrook in’n Westen un Quellen in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 as Deel von de Gemeen Otter mit de Gemeenreform in Neddersassen an de nu gröttere Gemeen Otter kamen.

Inwahnertall[ännern | Bornkood ännern]

Johr Inwahners
1793-00-001793[1] 2 Füürsteden
1812-00-001812[2] 24
1824-00-001824[3] 4 Füürsteden
1848-00-001848[4] 43 Lüüd, 5 Hüüs
1871-12-011. Dezember 1871[5] 38 Lüüd, 6 Hüüs

Religion[ännern | Bornkood ännern]

Schillingsbossel is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Schillingsbossel is in’n Westen verbunnen mit Riepshoff un in’n Oosten mit de Kreisstraat 41.De K 41 löppt in’n Süden na Otter un in’n Noorden an de Landsstraat 141. De L 141 wedder geiht in’n Noorden na Töst (mit Ansluss an de Bundsstraat 75) un Hullnst un in’n Süüdoosten bi Will an de Bundsstraat 3, de denn in Süden na Snevern un Soltau to löppt. Von Töst ut löppt de B 75 in’n Süüdwesten na Lauenbrüch, Scheeßl un Rodenborg un in’n Noordoosten över Kakenstörp na Bookholt.

De nächste Autobahn is de Autobahn 1. De Opfohrt 45 Hullnst un de Opfohrt 46 Heidenau doot all beid so 13 Kilometer in’n Noordwesten von Schillingsbossel liggen.

De nächste Bahnhoff is so bi twee Kilometer wied weg in’n Noorden de Bahnhoff Töst an de Bahnlien Hamborg–Bremen.

Scholen[ännern | Bornkood ännern]

De Kinner ut Schillingsbossel gaht na de Grundschool Otter op School. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 202: https://books.google.de/books?id=jN5QAAAAcAAJ&pg=PA202
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 61: http://books.google.de/books?id=Q 5OAAAAcAAJ&pg=PA61
  3. C. H. Jansen: Statistisches Handbuch des Königreichs Hannover. 1824, Sied 538: http://books.google.de/books?id=tG0AAAAAcAAJ&pg=PA538
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131