Quellen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Quellen
Laag vun Quellen in Düütschland
Basisdaten
Bundsland: Neddersassen
Landkreis: Horborg
Samtgemeen: Töst
Gemeen: Wist
Inwahners:
Postleettall: 21255
Vörwahl: 04182
Geograafsche Laag:
Koordinaten:53° 16′ N, 9° 42′ O
53° 16′ N, 9° 42′ O

Hoff Quellen

Quellen (hoochdüütsch Quellen) is en lütten Oort in de Gemeen Wist (Samtgemeen Töst) in’n Landkreis Horborg, Neddersassen. De Oort höört polietsch al von öllers bi Wist mit bi.

Geografie[ännern | Bornkood ännern]

In’n Süden von Quellen flütt de Oost langs.

De Naveröörd sünd Töst in’n Noordoosten, Knick in’n Oosten, Schillingsbossel un Otter in’n Süüdoosten, Depenbrook un Riepshoff in’n Süden, Dreehusen un Töst-Land in’n Süüdwesten un Wist in’n Noordwesten.

Historie[ännern | Bornkood ännern]

De Hoff Quellen keem toeerst in dat 15. Johrhunnert in dat Schatt- un Tinsverteeknis von dat Förstendom Lümborg un üm 1550 in dat Registrum Ecclesiae Verdensis vör.[1] De Naam schall von de Wöör Queen (för en jung Rind) un Loh (för Holt) kamen.

1834 hett de Familie Gerlach den Hoff övernahmen. Aktuellen Besitter is Heinz-Dietrich Rothschild, de von de Familie Gerlach afstammt. Rothschild hett 1975 anfungen, Limousin-Keih to tüchten un harr ok Swien un Schaap. De Hoff hett vondaag 120 Hektar Land, dorvon 40 Hektar Holt. Dat hett op’n Hoff bet 2015 en Café un en Hoffladen geven.

2005 hebbt Matthias Keßler un Corinna Dahl de Bueree pacht un hebbt den Hoff as Biohoff bedreven.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Töst in’n Kanton Töst höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Töst in dat Amt Horborg tohöört. 1852 is de Vaagdie Töst in dat Amt Mesborg wesselt, dat 1859 denn in dat Amt Töst ümwannelt worrn is. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

Inwahnertall[ännern | Bornkood ännern]

Johr Inwahners
1793-00-001793[2] 1 Füürsteed
1824-00-001824[3] 2 Füürsteden
1848-00-001848[4] 20 Lüüd. 2 Hüüs
1871-12-011. Dezember 1871[5] 19 Lüüd. 2 Hüüs

Religion[ännern | Bornkood ännern]

Quellen is evangeelsch-luthersch präägt un höört to dat Kaspel von de Johannes-de-Döper-Kark in Töst.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Quellen liggt an en Straat, de in’n Süden dör Depenbrook na Riepshoff geiht un in’n Noorden na Wist un Töst. Dör beide Öörd geiht de Bundsstraat 75, de in’n Süüdwesten na Lauenbrüch, Scheeßl un Rodenborg geiht un in’n Noordoosten över Kakenstörp na Bookholt.

De nächste Autobahn is de Autobahn 1. De Opfohrt 46 Heidenau liggt so ölven Kilometer in’n Noordwesten von Quellen.

De nächste Bahnhoff is so bi veer Kilometer wied weg in’n Noordoosten de Bahnhoff Töst an de Bahnlien Hamborg–Bremen. Disse Bahnlien löppt ok direkt an Quellen sülvs langs.

Scholen[ännern | Bornkood ännern]

De Kinner ut Quellen gaht na de Grundschool Wist. Na de Grundschool gaht de Kinner normalerwies in Töst na School, op de Hauptschool Töst, de Realschool Töst oder dat Gymnasium Töst.

Literatur[ännern | Bornkood ännern]

  • Grete Matthies, Walter Bostelmann: Wistedt, Quellen., Wümme. Geschichte und Geschichten. Wist 1990

Footnoten[ännern | Bornkood ännern]

  1. http://www.hof-quellen.de/historie/
  2. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 185: https://books.google.de/books?id=jN5QAAAAcAAJ&pg=PA185
  3. C. H. Jansen: Statistisches Handbuch des Königreichs Hannover. 1824, Sied 494: http://books.google.de/books?id=tG0AAAAAcAAJ&pg=PA494
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 133: https://books.google.de/books?id=qTZDAQAAMAAJ&pg=RA2-PA133