Timmerloh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Hööchd: | 110 m över NN | |
| Postleettall: | 29614 | |
| Vörwahl: | 05194 | |
| Geograafsche Laag: | Koordinaten:53° 3′ N, 9° 57′ O53° 3′ N, 9° 57′ O | |
|
| ||
Timmerloh (hoochdüütsch Timmerloh) is en Dörp in de Gemeen Soltau in’n Landkreis Heidkreis, Neddersassen. De Oort höört polietsch al von öllers bi Deimen mit bi.
Geografie[ännern | Bornkood ännern]
De Oort liggt in de Lümbörger Heid. In’n Oosten von Timmerloh hett de Luh ehren Born.
De Naveröörd sünd Behrn un Bissen in’n Noordoosten, Töpen in’n Süüdoosten, Harm un Deimen in’n Süüdwesten, Langwedel in’n Westen un Häbe un Schaal in’n Noordwesten.
Historie[ännern | Bornkood ännern]
Timmerloh weer de nöördlichste Punkt in dat Bisdom Minnen. Na Noorden to leeg dat Bisdom Veern.
Verwaltungsgeschicht[ännern | Bornkood ännern]
De Oort hett vör 1852 to de Vaagdie Soltau in de Amtsvaagdie Fambossel-Soltau tohöört un denn von 1852 bet 1885 to dat Amt Soltau. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Landkreis Heidkreis heet.
De Oort is an’n 1. März 1974 as Deel von de Gemeen Deimen mit de Gemeenreform in Neddersassen an de Gemeen Soltau kamen.
Inwahnertall[ännern | Bornkood ännern]
| Johr | Inwahners |
|---|---|
| 1793[1] | 2 Füürsteden |
| 1824[2] | 2 Füürsteden |
| 1848[3] | 38 Lüüd, 4 Hüüs |
| 1. Dezember 1871[4] | 23 Lüüd, 2 Hüüs |
Religion[ännern | Bornkood ännern]
Timmerloh is evangeelsch-luthersch präägt un höört to dat Kaspel von de Johannis-Kark in Soltau.
För de Kathoolschen is de St.-Maria-Kark in Soltau tostännig.
Kultur[ännern | Bornkood ännern]
De Schriever Carl Mardorf hett 1950 en Book Der Schäfer von Timmerloh schreven.
Weertschop un Infrastruktur[ännern | Bornkood ännern]
Verkehr[ännern | Bornkood ännern]
Timmerloh liggt an en Siedenstraat von de Kreisstraat 2, de in’n Noordoosten na Bissen geiht un in’n Süüdwesten över Harm na Soltau.
De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so veer Kilometer in’n Noordoosten von Timmerloh an de K 39.
De nächste Bahnhoff is so bi teihn Kilometer wied weg in’n Süüdwesten de Bahnhoff Woltern an de Heidbahn oder twölv Kilometer in’n Süüdwesten de Bahnhoff Soltau, de an de Heidbahn un an de Amerikalien liggt. Von 1913 bet 1975 harr Timmerloh ok en lütten Bahnhoff an de Bahnlien Lümborg–Soltau.
Lüüd[ännern | Bornkood ännern]
De Verwaltungsbeamte Heinrich Refardt is 1968 in Timmerloh doodbleven.
Footnoten[ännern | Bornkood ännern]
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 228: https://books.google.de/books?id=jN5QAAAAcAAJ&pg=PA228
- ↑ C. H. Jansen: Statistisches Handbuch des Königreichs Hannover. 1824, Sied 602: http://books.google.de/books?id=tG0AAAAAcAAJ&pg=PA602
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 110: http://books.google.de/books?id=eOI-AAAAcAAJ&pg=PA110
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92: https://books.google.de/books?id=qTZDAQAAMAAJ&pg=RA2-PA92