Einem
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29640 | |
| Vörwahl: | 05198 | |
| Geograafsche Laag: | Koordinaten:53° 10′ N, 9° 54′ O53° 10′ N, 9° 54′ O | |
|
| ||
Einem (hoochdüütsch Einem) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Ehrhoorn.
Geografie[ännern | Bornkood ännern]
De Oort liggt in de Lümbörger Heid un in dat Naturschuulrebeed Lümbörger Heid. Dat Water ut dat Rebeed flütt in’n Noordwesten över de Eest af un in’n Süüdwesten över’n Habenbeck na de Wümm.
De Naveröörd sünd Heimbeuk in’n Noordoosten, Wils in’n Oosten, Sellhorn, Habenbeck-Bobendörp un Habenbeck-Nerndörp in’n Süüdoosten, Baal in’n Westen un Wintemaur an de Chaussee un Ehrhoorn in’n Noordwesten.
Historie[ännern | Bornkood ännern]
Verwaltungsgeschicht[ännern | Bornkood ännern]
In de Franzosentied hett de Oort toeerst 1810 bet 1811 binnen dat Königriek Westfalen to de Mairie Wils in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.
De Oort hett vör 1852 to de Amtsvaagdie Amelkusen in dat Amt Winsen tohöört un is 1852 denn in dat Amt Soltau wesselt. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn (de siet 2011 Landkreis Heidkreis heet).
De Oort hett von öllers bi de Buurschop un later de Gemeen Ehrhoorn mit bihöört. De Gemeen Ehrhoorn is an’n 1. März 1974 mit de Gemeenreform in Neddersassen Deel von de Gemeen Snevern worrn. Sietdem höört Einem binnen de Gemeen to de Oortschop Ehrhoorn, de en egen Oortsvörsteiher hett.
Inwahnertall[ännern | Bornkood ännern]
| Johr | Inwahners |
|---|---|
| 1791[1] | 2 Füürsteden |
| 1812[2] | 21 |
| 1824[3] | 2 Füürsteden |
| 1848[4] | 29 Lüüd, 3 Hüüs |
| 1. Dezember 1871[5] | 27 Lüüd, 4 Hüüs |
| 1. Dezember 1885[6] | 29 Lüüd, 4 Hüüs |
| 1. Dezember 1905[7] | 21 Lüüd, 4 Hüüs |
Religion[ännern | Bornkood ännern]
Einem is evangeelsch-luthersch präägt un höört to dat Kaspel von de Antoniuskark in Bissen.
För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.
Weertschop un Infrastruktur[ännern | Bornkood ännern]
För Einem is de freewillige Füürwehr Ehrhoorn/Wintemaur mit tostännig.
Verkehr[ännern | Bornkood ännern]
Dör Einem löppt de Landsstraat 211, de in’n Noordwesten över Ehrhoorn na Wintemaur an de Chaussee an de Bundsstraat 3 ran geiht un in’n Süüdoosten över Habenbeck un Behrn na Bissen.
De nächste Autobahn is de Autobahn 7 (Afsnidd Hamborg–Hannover). De Opfohrt 43 Bissen liggt so negen Kilometer in’n Süüdoosten von Einem an de L 211.
De nächste Bahnhoff is so bi söss Kilometer wied weg in’n Noordwesten de Bahnhoff Wintemaur an de Heidbahn.
Footnoten[ännern | Bornkood ännern]
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 65
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 59
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 162
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 92
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 101
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 153