Dannhost

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Dannhost
Laag vun Dannhost in Düütschland
Basisdaten
Bundsland: Neddersassen
Landkreis: Heidkreis
Gemeen: Snevern
Inwahners:
Postleettall: 29640
Vörwahl: 05193
Geograafsche Laag:
Koordinaten:53° 6′ N, 9° 48′ O
53° 6′ N, 9° 48′ O

Dannhost (hoochdüütsch Dannhorst) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Langloh.

Dannhost is fröher as Deel von Wieckhost tellt worrn.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt över’n Dannhostgraven in de Veers. In’n Oosten liggt dat Pietzmoor, dat ok Deel von dat Naturschuulrebeed Lümbörger Heid is.

De Naveröörd sünd Snevern in’n Noorden, Pietz un Möhr in’n Oosten, Häbe, Fraas un Hämsen in’n Süüdoosten, Wieckhost un Schüllern in’n Süüdwesten un Stimbeck, Hasselhoff un Gallhoorn in’n Noordwesten.

Historie[ännern | Bornkood ännern]

Verwaltungsgeschicht[ännern | Bornkood ännern]

De Oort hett vör 1852 to de Amtsvaagdie Snevern in dat Amt Rodenborg tohöört un is in dat Johr denn in dat ne’e Amt Snevern wesselt. Dit Amt hett blots söven Johr bestahn. Von 1859 bet 1885 hett Dannhost to dat Amt Soltau höört. Na 1885 weer dat in’n Kreis Soltau. 1977 is dat Deel von’n Landkreis Soltau-Fambossel worrn, de siet 2011 Heidkreis heten deit.

De Oort hett von öllers bi de Gemeen Langloh bihöört, de an’n 1. März 1974 mit de Gemeenreform in Neddersassen Deel von de Gemeen Snevern worrn is. Sietdem höört Dannhost binnen de Gemeen to de Oortschop Langloh, de en egen Oortsvörsteiher hett.

Religion[ännern | Bornkood ännern]

Dannhost is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

Weertschop un Infrastruktur[ännern | Bornkood ännern]

För Dannhost is de freewillige Füürwehr Langloh mit tostännig.

Verkehr[ännern | Bornkood ännern]

Dör Dannhost löppt de Kreisstraat 33, de in’n Noordoosten bi Gallhoorn de Landsstraat 171 krüüzt un denn in Zoarn in de L 170 münnt. In’n Süüdoosten föhrt de K 33 över Hämsen un Gröps na Woltern.

De nächste Autobahn is de Autobahn 7 (Afsnidd HamborgHannover). De Opfohrt 43a Snevern liggt so 15 Kilometer in’n Oosten von Dannhost an de B 3.

De nächste Bahnhoff is good twee Kilometer wied weg in’n Noorden de Bahnhoff Snevern an de Heidbahn.

Scholen[ännern | Bornkood ännern]

De Kinner ut Dannhost gaht in Snevern op de Grundschool an’t Pietzmoor.