Swimmbeck

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Swimmbeck
Laag vun Swimmbeck in Düütschland
Basisdaten
Bundsland: Neddersassen
Landkreis: Lümborg
Samtgemeen: Amelkusen
Gemeen: Soosdörp
Inwahners:
Postleettall: 21388
Vörwahl: 04132
Geograafsche Laag:
Koordinaten:53° 7′ N, 10° 7′ O
53° 7′ N, 10° 7′ O

Swimmbeck (hoochdüütsch Schwindebeck) is en Dörp in de Gemeen Soosdörp (Samtgemeen Amelkusen) in’n Landkreis Lümborg, Neddersassen.

Geografie[ännern | Bornkood ännern]

De Oort liggt in de Lümbörger Heid an de Steed, an de de Swinnbeek in de Luh münnt. Na Süden to liggt de Roofkamer.

De Naveröörd sünd Rulfsen, Soosdörp un Thansen in’n Noordoosten, Dernsen un Etzen in’n Oosten, Rehrhoff in’n Süüdoosten, Grebenhoff un Stimbeck in’n Süüdwesten un Hörpel un Ebendörp in’n Noordwesten.

Historie[ännern | Bornkood ännern]

In Swimmbeck is von 1913 bet 1975 Kieselgur afboot worrn.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Bocken in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.[Notiz 1]

De Oort hett vör 1852 to de Amtsvaagdie Amelkusen von dat Amt Winsen tohöört. Von 1852 bet 1859 hett de Oort to dat Amt Solzhusen höört un von 1859 bet 1885 wedder to dat Amt Winsen. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort hett fröher to de Buurschop Stimbeck tohöört. 1852 is de Oort von düsse Buurschop aftrennt worrn un keem denn an de Gemeen Soosdörp. De Gemeen Soosdörp is mit de Gemeenreform in Neddersassen an’n 1. Juli 1972 mit de Gemenen Raben un Rulfsen tohoopleggt worrn. An’n 1. März 1974 keem de Gemeen von’n Landkreis Horborg an’n Landkreis Lümborg. Siet dissen Dag höört de Gemeen Soosdörp to de Samtgemeen Amelkusen.

Inwahnertall[ännern | Bornkood ännern]

Johr Inwahners
1791-00-001791[1] 3 Füürsteden
1812-00-001812[2] 37
1824-00-001824[3] 4 Füürsteden
1848-00-001848[4] 66 Lüüd. 5 Hüüs
1871-12-011. Dezember 1871[5] 74 Lüüd. 7 Hüüs
1885-12-011. Dezember 1885[6] 57 Lüüd. 7 Hüüs
1905-12-011. Dezember 1905[7] 55 Lüüd. 7 Hüüs

Religion[ännern | Bornkood ännern]

Swimmbeck is evangeelsch-luthersch präägt un höört to dat Kaspel von de Martin-Kark in Raben.

För de Kathoolschen is de Marien-Kark in Lümborg tostännig.

Weertschop un Infrastruktur[ännern | Bornkood ännern]

För Swimmbeck is de freewillige Füürwehr Soosdörp mit tostännig.

Verkehr[ännern | Bornkood ännern]

Dör Swimmbeck löppt de Kreisstraat 44, de in’n Noordoosten na Soosdörp, Rulfsen un Raben geiht un in’n Süüdwesten na’n Landkreis Heidkreis un dor as K 4 över Grebenhoff, Stimbeck un Hützel na Bissen an de Landsstraat 211.

De nächste Autobahn is de Autobahn 7 (Afsnidd HamborgHannover). De Opfohrt 42 Ebendörp liggt so negen Kilometer in’n Noordwesten von Swimmbeck an de L 212.

De nächste Bahnhoff is so bi 23 Kilometer wied weg de Bahnhoff Munste an de Bahnlien Ülzen–Langwedel in’n Süden. Von 1913 bet 1975 hett dat ok op de Bahnlien Lümborg–Soltau Personenverkehr geven un Swimmbeck harr in disse Tied en egen Bahnhoff.

Scholen[ännern | Bornkood ännern]

De Kinner ut Swimmbeck gaht na de Grundschool Soosdörp.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 208
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 554
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186

Notizen[ännern | Bornkood ännern]

  1. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 58
    Dat Book schrifft an düsse Steed Scharmbeck, aver so en Oort is in de Ümgegend nich to finnen. Dat Book tellt hier de Öörd von de fröhere Mairie Bocken op. Dorüm is to vermoden, dat dor Swimmbeck mit meent is, dat in dat Book ans fehlt.