Thansen

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Thansen
Laag vun Thansen in Düütschland
Basisdaten
Bundsland: Neddersassen
Landkreis: Lümborg
Samtgemeen: Amelkusen
Gemeen: Soosdörp
Inwahners:
Postleettall: 21388
Vörwahl: 04132
Geograafsche Laag:
Koordinaten:53° 8′ N, 10° 8′ O
53° 8′ N, 10° 8′ O

Thansen (hoochdüütsch Thansen) is en lütten Oort in de Gemeen Soosdörp (Samtgemeen Amelkusen) in’n Landkreis Lümborg, Neddersassen.

Geografie[ännern | Bornkood ännern]

De Oort liggt in de Lümbörger Heid an dat Süüdoostöver von de Luh. Na Süden to liggt de Roofkamer.

De Naveröörd sünd Soosdörp in’n Noordoosten, Dernsen un Etzen in’n Süüdoosten, Ehlbeck un Rehrhoff in’n Süden, Swimmbeck un Grebenhoff in’n Süüdwesten un Ebendörp in’n Noordwesten.

Historie[ännern | Bornkood ännern]

In de Johren 1930 hett de Hambörger Ünnernehmer Alfred Toepfer dat Good Thansen mit 600 Hektar Land köfft.[1] Von 1933 bet 1935 hett Toepfer dat Good von’n Architekt L. von der Berg ut Bewick herrichten laten.[1] De Gestaltung von dat Good hett deelwies de Künstler A. Paul Weber övernahmen.[1] Toepfer hett den Hoff an siene Alfred Toepfer Stiftung F. V. S. överdragen. De Hoff is bet 2003 vör allen as Buurnbedriev föhrt worrn. In’n Oktober 2003 hett de Stiftung den Hoff mit 60 Hektar Land an’n Ünnernehmer Phillip von Stumm ut Sleswig-Holsteen verköfft. Von Stumm hett em to en Hotel för Dagfohrten utboot.[1] Dat Hotel hett 53 Kamern, 13 Seminar- un Gruppenrüüm un negen gastronoomsche Veranstaltungsrüüm.[1] Allens tohoop sünd in den Utbo bet 2015 12 Milljonen Euro rinflaten.[1] 60 Lüüd doot Stand 2016 in dat Hotel arbeiden.[2] De Ümsatz liggt bi 4,2 Milljonen Euro in’t Johr.[2]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Rulfsen in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.

De Oort hett vör 1852 to de Amtsvaagdie Amelkusen von dat Amt Winsen tohöört. Von 1852 bet 1859 hett de Oort to dat Amt Solzhusen höört un von 1859 bet 1885 wedder to dat Amt Winsen. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort hett fröher to de Buurschop Soosdörp un denn to de Gemeen Soosdörp tohöört. De Gemeen Soosdörp is mit de Gemeenreform in Neddersassen an’n 1. Juli 1972 mit de Gemenen Raben un Rulfsen tohoopleggt worrn. An’n 1. März 1974 keem de Gemeen von’n Landkreis Horborg an’n Landkreis Lümborg. Siet dissen Dag höört de Gemeen Soosdörp to de Samtgemeen Amelkusen.

Inwahnertall[ännern | Bornkood ännern]

Johr Inwahners
1791-00-001791[3] 1 Füürsteed
1824-00-001824[4] 2 Füürsteden
1848-00-001848[5] 24 Lüüd. 4 Hüüs
1871-12-011. Dezember 1871[6] 42 Lüüd. 5 Hüüs
1885-12-011. Dezember 1885[7] 31 Lüüd. 4 Hüüs
1905-12-011. Dezember 1905[8] 21 Lüüd. 4 Hüüs

Religion[ännern | Bornkood ännern]

Thansen is evangeelsch-luthersch präägt un höört to dat Kaspel von de Martin-Kark in Raben.

För de Kathoolschen is de Marien-Kark in Lümborg tostännig.

De Doden warrt op’n Karkhoff Soosdörp begraven.

Weertschop un Infrastruktur[ännern | Bornkood ännern]

För Thansen is de freewillige Füürwehr Soosdörp mit tostännig.

Verkehr[ännern | Bornkood ännern]

De eenzige Straat ut Thansen rut löppt na Soosdörp an de Kreisstraat 9. In’n Süüdoosten föhrt de K 9 över Dernsen na Etzen an de Bundsstraat 209. De B 209 wedder geiht in’n Noordoosten över Amelkusen na Lümborg un in’n Süüdwesten na de B 71 un wieder na Soltau. Von Soosdörp loopt de K 45 in’n Noordwesten na Ebendörp an de Landsstraat 212 un de K 44 in’n Süüdwesten över Swimmbeck un Stimbeck na Bissen un in’n Noorden över Rulfsen un Raben na Eyndörp un Solzhusen.

De nächste Autobahn is de Autobahn 7 (Afsnidd HamborgHannover). De Opfohrt 42 Ebendörp liggt so teihn Kilometer in’n Noordwesten von Thansen an de L 212.

De nächsten Bahnhööv sünd so bi 23 Kilometer wied weg de Bahnhoff Soltau-Noord an de Heidbahn in’n Süüdwesten un de Bahnhoff Munste an de Bahnlien Ülzen–Langwedel in’n Süden. Von 1913 bet 1975 hett dat op de Bahnlien Lümborg–Soltau Personenverkehr geven. De Bahnhoff Soosdöörp weer keen Kilometer wied weg in’n Noordoosten.

Literatur[ännern | Bornkood ännern]

  • Ernst Rüther: Die Geschichte des Meierhofes in Thansen. Ravens, 1925

Footnoten[ännern | Bornkood ännern]

  1. a b c d e f Historie Gut Thansen
  2. a b Helmut Heigert: Aus Bauernhof wird Eventhotel. an’n 3. September 2016 op ahgz.de (Allgemeine Hotel- und Gastronomie-Zeitung)
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 227
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 593
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186

Weblenken[ännern | Bornkood ännern]