Soosdörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21388 | |
| Vörwahl: | 04172 | |
| Geograafsche Laag: | Koordinaten:53° 8′ N, 10° 9′ O53° 8′ N, 10° 9′ O | |
|
| ||
Soosdörp (hoochdüütsch Soderstorf) is en Dörp in de Gemeen Soosdörp (Samtgemeen Amelkusen) in’n Landkreis Lümborg, Neddersassen.
Bi Soosdörp höört von öllers ok de Öörd Swimmbeck un Thansen mit bi.
Geografie
[ännern | Bornkood ännern]De Oort liggt in de Lümbörger Heid direkt an dat Över von de Luh.
De Naveröörd sünd Rulfsen un Raben in’n Noorden, Nee-Olndörp un Olndörp in’n Noordoosten, Wohlenbüttel in’n Oosten, Amelkusen, Etzen un Dernsen in’n Süüdoosten, Rehrhoff in’n Süden, Thansen un Swimmbeck in’n Süüdwesten un Ebendörp, Äästörp un Lübberstää in’n Noordwesten.
Historie
[ännern | Bornkood ännern]
To de öllsten Funnen op dat Rebeed von dat Dörp höört de Nekropool von Soosdörp.
De Watermöhl an de Luh in Soosdörp kummt 1478 toeerst in de Oorkunnen vör.
In’n Eersten Weltkrieg sünd teihn Soldaten ut Soosdörp fullen oder vermisst un in’n Tweten Weltkrieg 40.[1]
Verwaltungsgeschicht
[ännern | Bornkood ännern]In de Franzosentied hett de Oort toeerst 1810 bet 1811 binnen dat Königriek Westfalen to de Mairie Rulfsen in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Behrn in’n Kanton Garlstörp.
De Oort hett vör 1852 to de Amtsvaagdie Amelkusen von dat Amt Winsen tohöört. Von 1852 bet 1859 hett de Oort to dat Amt Solzhusen höört un von 1859 bet 1885 wedder to dat Amt Winsen. Na 1885 weer dat in’n Kreis Winsen. 1932 is dat Deel von’n Kreis Horborg worrn.
De Oort hett fröher mit Thansen tohoop en Buurschop billt. 1852 is ut düsse Buurschop un den Oort Swimmbeck ut de Buurschop Stimbeck de Gemeen Soosdörp billt worrn. Düsse Gemeen is an’n 1. Juli 1972 bi de Gemeenreform in Neddersassen mit de Gemenen Raben un Rulfsen tohoopslaten worrn un hett denn de Gemeen Soosdörp billt. An’n 1. März 1974 is de Gemeen von’n Landkreis Horborg an’n Landkreis Lümborg wesselt.
Inwahnertall
[ännern | Bornkood ännern]Oort:
| Johr | Inwahners |
|---|---|
| 1791[2] | 10 Füürsteden |
| 1812[3] | 32 |
| 1824[4] | 10 Füürsteden |
| 1848[5] | 110 Lüüd, 12 Hüüs |
| 1. Dezember 1871[6] | 142 Lüüd, 15 Hüüs |
| 1. Dezember 1885[7] | 129 Lüüd, 16 Hüüs |
| 1. Dezember 1905[8] | 141 Lüüd, 18 Hüüs |
Gemeen:
| Johr | Inwahners |
|---|---|
| 1848[9] | 134 Lüüd, 16 Hüüs |
| 1. Dezember 1871[10] | 258 Lüüd, 27 Hüüs |
| 1. Dezember 1885[11] | 217 Lüüd, 27 Hüüs |
| 1. Dezember 1905[12] | 217 Lüüd, 29 Hüüs |
| 1. Dezember 1910[13] | 214 |
| 1925[14] | 366 |
| 1933[14] | 327 |
| 1939[14] | 583 |
Religion
[ännern | Bornkood ännern]Soosdörp is evangeelsch-luthersch präägt un höört to dat Kaspel von de Martin-Kark in Raben.
För de Kathoolschen is de Marien-Kark in Lümborg tostännig.
Börgermeesters
[ännern | Bornkood ännern]- Gustav Bruns
- –1972: Herbert Heuer
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Soosdörp op’n Karkhoff.
Verenen
[ännern | Bornkood ännern]De Schüttenvereen Soosdörp is 1922 grünnt worrn un de Sprtvereen MTV Soosdörp 1924.
Bruukdom
[ännern | Bornkood ännern]In’n Winter warrt in Soosdörp Faslam fiert.
Weertschop un Infrastruktur
[ännern | Bornkood ännern]Soosdörp hett en egene freewillige Füürwehr.
Verkehr
[ännern | Bornkood ännern]Dör Soosdörp löppt de Kreisstraat 44, de in’n Noorden över Rulfsen, Raben un Eyndörp na Solzhusen an de Landsstraat 216 ran geiht un in’n Süüdwesten över Swimmbeck un Stimbeck na Hützel un Bissen. Von de K 44 geiht in’n Noordwesten de K 45 af, de na Ebendörp an de L 212 föhrt. Von de K 44 löppt de K 9 in’n Süüdoosten över Dernsen na Etzen an de Bundsstraat 209. De B 209 föhrt in’n Noordoosten över Amelkusen na Lümborg un in’n Süüdwesten över Rehrhoff op Soltau to.
De nächste Autobahn is de Autobahn 7 (Afsnidd Hamborg–Hannover). De Opfohrt 42 Ebendörp liggt so söven Kilometer in’n Noordwesten von Soosdörp an de L 212.
De nächste Bahnhoff is so bi 23 Kilometer wied weg de Bahnhoff Wriel an de Bahnlien Ülzen–Langwedel in’n Süden. Von 1913 bet 1975 hett dat ok op de Bahnlien Lümborg–Soltau Personenverkehr geven un Soosdörp harr in disse Tied en egen Bahnhoff.
Scholen
[ännern | Bornkood ännern]De Kinner gaht na de Grundschool Soosdörp. De Oort hett ok en Kinnergoorn.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 212
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 564
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 135
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 186
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de