Etzen (Landkreis Lümborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21385 | |
| Vörwahl: | 04132 | |
| Geograafsche Laag: | Koordinaten:53° 8′ N, 10° 11′ O53° 8′ N, 10° 11′ O | |
|
| ||
Etzen (hoochdüütsch Etzen) is en Dörp in de Gemeen Amelkusen (Samtgemeen Amelkusen) in’n Landkreis Lümborg, Neddersassen.
Geografie
[ännern | Bornkood ännern]De Oort liggt in de Lümbörger Heid, annerthalv Kilometer af von de Luh.
De Naveröörd sünd Wohlenbüttel un Olndörp in’n Noorden, Sottörp un Amelkusen in’n Oosten, Rehlen in’n Süüdoosten, Bocken in’n Süden, Oosterehlbeek un Rehrhoff in’n Süüdwesten, Dernsen in’n Westen un Soosdörp un Rulfsen in’n Noordwesten.
Historie
[ännern | Bornkood ännern]In’n Eersten Weltkrieg sünd acht Soldaten ut Etzen fullen oder vermisst un in’n Tweten Weltkrieg 16.[1]
Verwaltungsgeschicht
[ännern | Bornkood ännern]In de Franzosentied hett de Oort to dat Königriek Westfalen höört un dor toeerst 1810 bet 1811 to de Mairie Rulfsen in’n Kanton Garlstörp.
De Oort hett vör 1852 to de Amtsvaagdie Amelkusen in dat Amt Winsen tohöört un denn von 1852 bet 1859 to dat Amt Solzhusen. 1859 is de Oort in dat Amt Lüün wesselt. Na 1885 weer dat in’n Kreis Lümborg, de 1932 mit’n Kreis Bleikd to’n ne’en un grötteren Kreis Lümborg tohoopgahn is.
De Oort hett fröher bi de Buurschop Dernsen tohöört, to de ok de Öörd Oosterehlbeek un Rehrhoff mit bihöört hebbt. 1852 sünd de veer Öörd aver all egene Gemenen worrn. 1929 is Dernsen Deel von de Gemeen Etzen worrn un an’n 1. März 1974 mit de Gemeenreform in Neddersassen is de Gemeen Etzen denn Deel von de Gemeen Amelkusen worrn.
Inwahnertall
[ännern | Bornkood ännern]| Johr | Inwahners |
|---|---|
| 1791[2] | 4 Füürsteden |
| 1824[3] | 5 Füürsteden |
| 1848[4] | 63 Lüüd, 5 Hüüs |
| 1. Dezember 1871[5] | 72 Lüüd, 8 Hüüs |
| 1. Dezember 1885[6] | 85 Lüüd, 9 Hüüs |
| 1. Dezember 1905[7] | 97 Lüüd, 12 Hüüs |
| 1. Dezember 1910[8] | 102 |
| 1925[9] | 128 |
| 1933[9] | 218* |
| 1939[9] | 211* |
- * tohoop mit Dernsen
Religion
[ännern | Bornkood ännern]Etzen is evangeelsch-luthersch präägt un höört to dat Kaspel von de Hippolit-Kark in Amelkusen.
För de Kathoolschen is de Marien-Kark in Lümborg tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Amelkusen bi de Kark.
Weertschop un Infrastruktur
[ännern | Bornkood ännern]För Etzen is de freewillige Füürwehr Amelkusen mit tostännig.
Verkehr
[ännern | Bornkood ännern]Dör Etzen löppt de Kreisstraat 9, de in’n Noordwesten över Dernsen na Soosdörp an de Kreisstraten K 45 un K 44 ran geiht un de in Etzen in de Bundsstraat 209 münnt. De B 209 föhrt in’n Noordoosten över Amelkusen un Drögennindörp na Lümborg un in’n Süüdwesten över Rehrhoff op Soltau to. In Amelkusen drippt de B 209 ok op de Landsstraat 234, de in’n Noorden över Olndörp un Puunsen na Solzhusen löppt un in’n Süüdoosten över Diersbüttel na Wriel.
De nächste Autobahn is de Autobahn 7 (Afsnidd Hamborg–Hannover). De Opfohrt 42 Ebendörp liggt so teihn Kilometer in’n Noordwesten von Etzen an de L 212.
De nächste Bahnhoff is so bi 19 Kilometer wied weg in’n Süden de Bahnhoff Wriel an de Bahnlien Ülzen–Langwedel. Op de Bahnlien Lümborg–Soltau hett dat von 1913 bet 1977 Personenverkehr geven. De Bahnhoff Amelkusen leeg in düsse Tied twee Kilometer in’n Noordoosten.
Scholen
[ännern | Bornkood ännern]De Kinner ut Etzen gaht na de Grundschool Amelkusen.
Footnoten
[ännern | Bornkood ännern]- ↑ Onlineprojekt Gefallenendenkmäler
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 71
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 176
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 122
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 136
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 112
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
