Landkreis Lümborg

Vun Wikipedia
Wapen/Flagg Koort

Wapen
Flagg

Kreis Landkreis Lümborg
Laag vun Landkreis Lümborg in Düütschland
Basisdaten
Sitt: Lümborg
Bundsland: Neddersassen
Flach: 1.323,35 km²
Inwahners: 183.372 (31. Oktober 2019)
Inwahnerdicht: 138,6 Inwahners pro km²
Geograafsche Laag: 53° 14′ N, 10° 34′ O
Grenzen bi OSM: 2084746 2084746
Kennteken: LG
Kreisslötel: 03355
Gemenen in’n Kreis: 43
Landraad: Manfred Nahrstedt (SPD)
Websteed: www.landkreis-lueneburg.de
NUTS-Code: DE93
Landkreis GöttingenLandkreis HolzminnenLandkreis SchaumborgLandkreis GoslerRegion HannoverLandkreis HilmssenSoltgitterLandkreis WulfenbüttelBruunswiekLandkreis WulfenbüttelLandkreis PaaneLandkreis Hameln-PurmuntLandkreis HelmstiddeWulfsborgLandkreis GifhornLandkreis Nienborg/WerserLandkreis NortheimLandkreis OstroeLandkreis DeefholtFre’e Hansestadt BremenFre’e Hansestadt BremenHamborgHamborgNedderlannenNoordrhien-WestfalenHessenDöringenSleswig-HolsteenMekelborg-VörpommernBrannenborgSassen-AnholtOssenbrüggeLandkreis OssenbrüggeDemostOllnborgLandkreis WersermaschLandkreis VechteLandkreis EmslandLandkreis Groafschup BäinthemLandkreis LeerEmdenLandkreis LeerLandkreis CloppenborgLandkreis AmmerlandWillemshavenLandkreis WersermaschLandkreis AuerkLandkreis AuerkLandkreis WittmundLandkreis AuerkLandkreis FreeslandLandkreis OllnborgLandkreis CuxhobenLandkreis OosterholtLandkreis VeernLandkreis StoodLandkreis HorborgLandkreis LümborgLandkreis Lüchow-DannbargLandkreis HeidkreisLandkreis ÜlzenLandkreis CelleLandkreis Rodenborg
Laag von Landkreis Lümborg in Neddersassen (Koort lett sik anklicken)
Kreishuus von’n Landkreis Lümborg

De Landkreis Lümborg is en Landkreis in Neddersassen. He hett 183.372 Inwahners (Stand 31. Oktober 2019). De Kreisstadt is Lümborg. He höört to de Metropolregion Hamborg.

Geografie[ännern | Bornkood ännern]

De Naverkreise sünd de Kreis Hertogdom Loonborg in’n Noorden (in Sleswig-Holsteen), de Landkreis Ludwigslust-Parchen in’n Oosten (in Mekelborg-Vörpommern), de Landkreis Lüchow-Dannenbarg in’n Süüdoosten, de Landkreis Ülzen in’n Süden, de Landkreis Heidkreis in’n Süüdwesten un de Landkreis Horborg in’n Noordwesten.

De Landkreis is präägt dör de Lümbörger Heid un in’n Noordwesten dör de Elv mit ehr Maschen. De wichtigste Stroom in’n Landkreis is de Ilmenau.

Historie[ännern | Bornkood ännern]

De Landkreis Lümborg is an’n 1. Oktober 1932 ut de olen Kreise Lümborg un Bleikd billt worrn.

Mit de Drüdde Verordnung över den Neeopbo von dat Riek von’n 28. November 1938 sünd de Utdrück för de Verwaltungsbezirke in dat Düütsche Riek eenheitlich maakt worrn. Dorüm hett sik to’n 1. Januar 1939 de Naam von Kreis Lümborg op Landkreis Lümborg ännert.

1942 hett de Landkreis de Gemenen Ollershusen un Wittörp von’n Landkreis Horborg tokregen un 1943 müss he de Gemenen Hagen, Lüün un Ochtmissen an de Stadt Lümborg afgeven.

Na’n Tweten Weltkrieg sünd de Besatzungszonen so indeelt worrn, dat dat ole Amt Neehuus un de Stadtdelen von Bleikd, de op dat rechte Över von de Elv legen, in de sowjetsche Besatzungszoon to liggen kemen. De Rest von’n Landkreis weer in de brietsche Zoon. Disse Rebeden hebbt denn to’n Kreis Hagenow höört un weren Deel von de DDR. An’n 30. Juni 1993 sünd se na en Volksafstimmung wedder Deel von’n Landkreis Neddersassen worrn.

Mit dat Gesett över de Neegliederung von de Gemenen in’n Ruum Horborg[1], dat Gesett över de Neegliederung von de Gemenen in’n Ruum Lüchow[2] un dat Gesett över de Neegliederung von de Gemenen in’n Ruum Ülzen un ümto de Stadt Munste[3] (Gemeenreform in Neddersassen) sünd to’n 1. Juli 1972 en Reeg Gemenen in’n Landkreis tohoopleggt worrn un in de Landkreise Horborg, Lüchow-Dannenbarg un Ülzen wesselt:

Mit dat Gesett över de Neegliederung von de Gemenen in’n Ruum Lümborg[4] hebbt sik to’n 1. März 1974 de Butengrenzen noch wedder ännert:

Wapen[ännern | Bornkood ännern]

Dat Wapen von’n Landkreis wiest vörn op blauen Grund en gollen Lööw mit rode Tung un Klauen un achtern op gelen Grund dree rode Harten. Dat Wapen hett de Kreis Lümborg 1927 von dat Prüüßsche Staatsministerium tokennt kregen. De Lööw is de Welfen-Lööw, vonwegen dat de Kreis fröher Deel von dat Königriek Hannover weer, un de Harten sünd ut dat Wapen von Däänmark, vonwegen dat Willem von Lümborg 1202 Helene von Däänmark freet hett. Utklamüsert hett dat Wapen de Berliner Maler Gustav Adolf Closs.

Politik[ännern | Bornkood ännern]

Landrääd[ännern | Bornkood ännern]

Böverkreisdirekters[ännern | Bornkood ännern]

Städer un Gemenen[ännern | Bornkood ännern]

Inwahners an’n 31. Dezember 2012

Koort von’n Landkreis mit de Eenheits- un Samtgemenen
0 = Stadt Lümborg
1 = Samtgemeen Amelkusen
2 = Samtgemeen Bewick
3 = Samtgemeen Dahlenborg
4 = Samtgemeen Gellsen
5 = Samtgemeen Ilmenau
6 = Samtgemeen Oostheid
7 = Samtgemeen Scharnbääk
8 = Adendörp
9 = Stadt Bleikd
10 = Amt Neehuus

Eenheitsgemenen

Samtgemenen mit jümehr Liddmatengemenen

Sitt vun de Samtgemeenverwalten *

  1. Amelkusen * (3937)
  2. Bätzendörp (1146)
  3. Olndörp (976)
  4. Rehlen (720)
  5. Soosdörp (1435)
  1. Bewick, Flecken * (6567)
  2. Boorn (1852)
  3. Handörp (1982)
  4. Mechtsen (682)
  5. Radbrouk (1997)
  6. Vögelsen (2250)
  7. Wittörp (1482)
  1. Böhtz (397)
  2. Dahlem (593)
  3. Dahlenborg, Flecken * (3286)
  4. Norndörp (1247)
  5. Toschelop (549)
  1. Karkgellsen (2264)
  2. Reppenstää * (7199)
  3. Sugellsen (1637)
  4. Westergellsen (1764)
  1. Barnst (748)
  2. Düütsch Äwern (3774)
  3. Emsen (2627)
  4. Melbeck * (3370)
  1. Borndörp * (2489)
  2. Neetz (2583)
  3. Reinstörp (1310)
  4. Themsborg (1308)
  5. Vastörp (824)
  6. Wensch Äwern (1768)
  1. Addelborg, Flecken (1588)
  2. Brietl (3340)
  3. Echen (1013)
  4. Hittbargen (920)
  5. Haunstörp (2399)
  6. Lüsborg (620)
  7. Rullstörp (1869)
  8. Scharnbääk * (3321)

Partnerschoppen[ännern | Bornkood ännern]

De Landkreis Lümborg hett an’n 24. Juli 1999 en Partnerschop mit’n Powiat Wągrowiec in Polen slaten. Vörher harr de Landkreis en Patenschop övernahmen för de Eichenbrücker Vereenigung, in de sik Verdrevene ut’n olen Kreis Wongrowitz (de von 1938 bet 1945 toletzt Kreis Eichenbrück heten hett) tohoopslaten harrn. De Eichenbrücker Vereenigung is 2012 oplööst worrn.

De Partnerschop mit Böversavo in Finnland is 1988 slaten worrn. De Verdrag dorför is 1993 ünnerschreven worrn.

Footnoten[ännern | Bornkood ännern]

  1. Gesetz zur Neugliederung der Gemeinden im Raum Harburg, 27. Juni 1972
  2. Gesetz zur Neugliederung der Gemeinden im Raum Lüchow, 27. Juni 1972
  3. Gesetz zur Neugliederung der Gemeinden im Raum Uelzen und im Bereich der Stadt Munster, 16. Mai 1972
  4. Gesetz zur Neugliederung der Gemeinden im Raum Lüneburg, 28. Mai 1973

Weblenken[ännern | Bornkood ännern]

Landkreis Lümborg. Mehr Biller, Videos oder Audiodateien to’t Thema gifft dat bi Wikimedia Commons.