Abendörp
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | 386 (31. Juli 2013) | |
| Postleettall: | 21395 | |
| Vörwahl: | 04176 | |
| Geograafsche Laag: | Koordinaten:53° 23′ N, 10° 27′ O53° 23′ N, 10° 27′ O | |
|
| ||
Abendörp (hoochdüütsch Avendorf) is en Dörp in de Gemeen Tesp (Samtgemeen Elvmasch) in’n Landkreis Horborg, Neddersassen.
Geografie
[ännern | Bornkood ännern]Abendörp liggt an dat Süüdöver von de Elv. In’n Süüdwesten liggt de Ilau-Sneegraven.
De Naveröörd sünd Gröönhoff-Tesperhuud in’n Noordwesten, Krukow un Juliusborg in’n Noordoosten, Snakenbeek in’n Oosten (disse veer in’n Kreis Hertogdom Loonborg in Sleswig-Holsteen), Addelborg in’n Süüdoosten, Lüdershusen in’n Süden (de letzten twee in’n Landkreis Lümborg), Bütel in’n Süüdwesten un Tesp in’n Westen.
Historie
[ännern | Bornkood ännern]Abendörp kummt 1230 as Vventhorp toeerst in de Oorkunnen vör, in dat Ratzborger Teegdregister, un hett to dat Bisdom Ratzborg tohöört. 1313 kummt dat in en annere Oorkunn denn as Ouendorpe vör.
In de Franzosentied von 1810 bet 1814 hett de Oort to de Mairie Addelborg in’n Kanton Bewick höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
In de Franzosentied is ok de Franzoseneek plant worrn, de in de Midd von dat Dörp stünn un in’n Juni 2008 rümmaakt warrn müss.
De Oort hett vör 1859 to dat Amt Addelborg tohöört un weer denn in dat Amt Lümborg. Na 1885 weer dat in’n Kreis Lümborg. 1932 is dat Deel von’n ne’en Landkreis Lümborg worrn.
De Oort is an’n 1. Juli 1972 bi de Gemeenreform in Neddersassen Deel von de Gemeen Tesp worrn un dorbi von’n Landkreis Lümborg na’n Landkreis Horborg wesselt.
In’n Eersten Weltkrieg sünd 15 Soldaten ut Abendörp fullen oder vermisst un in’n Tweten Weltkrieg 19[1]. An’n 20. April 1945 sünd dör en Flegerangreep 22 Buurnhööv in Abendörp in Flammen opgahn. In dat Dörp steiht vondaag en Gedenksteen, de an dissen Dag denken lett.
Dat Dörp liggt in dat Rebeed von’n Leukämiecluster Elvmasch.
Inwahnertall
[ännern | Bornkood ännern]| Johr | Inwahners |
|---|---|
| 1812[2] | 266 |
| 1824[3] | 29 Füürsteden |
| 1848[4] | 277 Lüüd, 36 Hüüs |
| 1. Dezember 1910[5] | 302 |
| 1925[6] | 320 |
| 1933[6] | 306 |
| 1939[6] | 310 |
Religion
[ännern | Bornkood ännern]Abendörp is evangeelsch-luthersch präägt un höört to dat Kaspel von de Nicolai-Kark in Addelborg.
För de Kathoolschen is de Marien-Kark in Lümborg tostännig.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Abendörp an de Hauptstraat.
Verenen
[ännern | Bornkood ännern]Abendörp hett en egene freewillige Füürwehr.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Abendörp löppt de Landsstraat 217, de in’n Süüdoosten bi Addelborg an de Bundsstraat 209 ran geiht un in’n Noordwesten na Tesp un Meschacht an dat Över von de Elv langs. Na Noordwesten is de Verkehr dör de Elv afsperrt. De nächsten Övergäng över de Elv sünd de Brügg von de B 404 twüschen Rönn un Geesthacht in’n Noordwesten un de Brügg von de B 209 twüschen Hohnstörp un Loonborg in’n Süüdoosten.
De nächsten Autobahnen sünd de Autobahn 25, von de de Anfang so 15 Kilometer in’n Noordwesten bi Geesthacht liggt, un de Autobahn 39, bi de de Opfohrt Lümborg-Noord so 18 Kilometer in’n Süden liggt.
De nächste Bahnhoff is so bi negen Kilometer wied weg in’n Oosten de Bahnhoff Loonborg an de Bahnlien Lübeck–Lümborg.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/avendorf.htm
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 56: http://books.google.de/books?id=Q 5OAAAAcAAJ&pg=PA56
- ↑ C. H. Jansen: Statistisches Handbuch des Königreichs Hannover. 1824, Sied 30: http://books.google.de/books?id=tG0AAAAAcAAJ&pg=PA30
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 86: http://books.google.de/books?id=eOI-AAAAcAAJ&pg=PA86
- ↑ http://www.gemeindeverzeichnis.de/gem1900/gem1900.htm?hannover/lueneburg.htm
- ↑ a b c http://www.verwaltungsgeschichte.de/lueneburg.html
Gemeen Draag: Draag (mit Uhlenbusch), Drennhusen, Elvstörp, Mower, Fohrenholt, Hunnen, Swinn (mit Krüms) un Stoov
Gemeen Meschacht: Eekholt, Neddermeschacht, Övermeschacht, O’rshusen un Rönn
Gemeen Tesp: Abendörp, Bütel un Tesp