Rönn (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Rönn
Laag vun Rönn in Düütschland
Basisdaten
Bundsland: Neddersassen
Landkreis: Horborg
Samtgemeen: Elvmasch
Gemeen: Meschacht
Inwahners: 553 (2015-09-3030. September 2015)
Hööchd: 5 m över NHN
Postleettall: 21436
Vörwahl: 04176
Geograafsche Laag:
Koordinaten:53° 25′ N, 10° 21′ O
53° 25′ N, 10° 21′ O

Rönn (hoochdüütsch Rönne) is en Dörp in de Gemeen Meschacht (Samtgemeen Elvmasch) in’n Landkreis Horborg, Neddersassen.

Geografie[ännern | Bornkood ännern]

De Oort liggt direkt achtern Diek von de Elv in de Elvmasch. Dat Water ut dat Rebeed flütt na Süden af na’n Ilau-Sneegraven. In de Elv direkt vör Rönn liggt dat Wehr Geesthacht.

De Naveröörd sünd Geesthacht in’n Noordoosten, Neddermeschacht un Övermeschacht in’n Oosten, Eekholt in’n Süüdoosten, O’rshusen in’n Süden, Hunnen un Krüms in’n Süüdwesten, Swinn un Stoov in’n Westen un Vosshusen in’n Noordwesten.

Historie[ännern | Bornkood ännern]

Ole Schüün in Rönn, de as Bodenkmaal schuult is

In’n Eersten Weltkrieg sünd söss Soldaten ut Rönn fullen oder vermisst.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Rönn in’n Kanton Addelborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Övermeschacht in’n Kanton Bewick.

De Oort hett vör 1885 to de Amtsvaagdie Masch in dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort weer fröher en egenstännige Gemeen, de an’n 1. Juli 1972 mit de Gemeenreform in Neddersassen Deel von de Gemeen Meschacht worrn is.

Inwahnertall[ännern | Bornkood ännern]

Johr Inwahners
1791-00-001791[2] 26 Füürsteden
1824-00-001824[3] 28 Füürsteden
1848-00-001848[4] 329 Lüüd. 34 Hüüs
1871-12-011. Dezember 1871[5] 316 Lüüd. 38 Hüüs
1885-12-011. Dezember 1885[6] 336 Lüüd. 46 Hüüs
1905-12-011. Dezember 1905[7] 334 Lüüd. 52 Hüüs
1910-12-011. Dezember 1910[8] 358
1925-00-001925[9] 328
1933-00-001933[9] 297
1939-00-001939[9] 290

Religion[ännern | Bornkood ännern]

Rönn is evangeelsch-luthersch präägt un höört to dat Kaspel von de Petri-Kark in Meschacht.

För de Kathoolschen is de Marien-Kark in Lümborg tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Meschacht bi de Kark.

Weertschop un Infrastruktur[ännern | Bornkood ännern]

Rönn hett en egene freewillige Füürwehr.

Verkehr[ännern | Bornkood ännern]

Dör Rönn löppt de Landsstraat 217, de in’n Süüdwesten över Swinn, Stoov, Elvstörp, Drennhusen un Draag na Winsen geiht un in’n Süüdoosten över Meschacht un Tesp na Abendörp un Addelborg. De L 217 warrt in Rönn krüüzt von de Bundsstraat 404, de in’n Noorden över de Elvbrügg Geesthacht na Geesthacht föhrt un in’n Süden na de Autobahn 39 (Afsnidd HamborgLümborg).

De nächste Autobahn is de Autobahn 25 (Afsnidd HamborgGeesthacht). Dat Enn von düsse Autobahn liggt so fiev Kilometer in’n Noorden von Rönn an de B 404 bi Geesthacht.

De nächste Bahnhoff is so bi 15 Kilometer wied weg in’n Süüdwesten de Bahnhoff Winsen an de Bahnlien Hamborg–Hannover. Op de Bahnlien Winsen–Neddermeschacht hett dat von 1912 bet 1966 Personenverkehr geven. De Bahnhoff Neddermeschacht weer in düsse Tied twee Kilometer in’n Oosten.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 193
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 514
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 140
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de