Eekholt (Gemeen Meschacht)

Vun Wikipedia
Wapen/Flagg Koort
Wapen unbekannt
Eekholt
Laag vun Eekholt in Düütschland
Basisdaten
Bundsland: Neddersassen
Landkreis: Horborg
Samtgemeen: Elvmasch
Gemeen: Meschacht
Inwahners: 110 (2018-06-3030. Juni 2018)
Hööchd: 8 m över NN
Postleettall: 21436
Vörwahl: 04176
Geograafsche Laag:
Koordinaten:53° 23′ N, 10° 21′ O
53° 23′ N, 10° 21′ O

Karte

Eekholt (hoochdüütsch Eichholz) is en Dörp in de Gemeen Meschacht (Samtgemeen Elvmasch) in’n Landkreis Horborg, Neddersassen.

Geografie[ännern | Bornkood ännern]

De Oort liggt in de Masch twüschen Elv un Neetz. Dat Water ut dat Rebeed flütt över’n Ilau-Sneegraven af.

De Naveröörd sünd Neddermeschacht un Övermeschacht in’n Noorden, Tesp in’n Oosten, Bütel un Dreckhorborg in’n Süüdoosten, Handörp un O’rshusen in’n Süden, Fohrenholt, Mower un Hunnen in’n Süüdwesten un Krüms, Swinn un Rönn in’n Noordwesten.

Historie[ännern | Bornkood ännern]

Oold Buurnhuus in Eekholt
Fröheren Diek an de Ilau bi Eekholt

Eekholt kummt 1300 toeerst in de Oorkunnen vör.

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie O’rshusen in’n Kanton Addelborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Övermeschacht in’n Kanton Bewick.

De Oort hett vör 1885 to de Amtsvaagdie Masch in dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort weer fröher en egenstännige Gemeen, de an’n 1. Juli 1972 mit de Gemeenreform in Neddersassen Deel von de Gemeen Meschacht worrn is.

Inwahnertall[ännern | Bornkood ännern]

Johr Inwahners
1791-00-001791[1] 4 Füürsteden
1824-00-001824[2] 4 Füürsteden
1848-00-001848[3] 48 Lüüd, 5 Hüüs
1871-12-011. Dezember 1871[4] 61 Lüüd, 8 Hüüs
1885-12-011. Dezember 1885[5] 50 Lüüd, 8 Hüüs
1905-12-011. Dezember 1905[6] 49 Lüüd, 9 Hüüs
1910-12-011. Dezember 1910[7] 59
1925-00-001925[8] 56
1933-00-001933[8] 51
1939-00-001939[8] 51

Religion[ännern | Bornkood ännern]

Eekholt is evangeelsch-luthersch präägt un höört to dat Kaspel von de Petri-Kark in Meschacht.

För de Kathoolschen is de Marien-Kark in Lümborg tostännig.

Börgermeesters[ännern | Bornkood ännern]

  • –1951: Robert Meyn sen.
  • 1951–1966: Robert Meyn jun.
  • 1966–30. Juni 1972: Gereon Kaesmacher

Weertschop un Infrastruktur[ännern | Bornkood ännern]

För Eekholt is de freewillige Füürwehr Meschacht mit tostännig.

Verkehr[ännern | Bornkood ännern]

Dör Eekholt löppt de Kreisstraat 81, de in’n Noorden na Meschacht an de Landsstraat 217 ran geiht un in’n Süden över O’rshusen na Handörp. Direkt bi’n Oort liggt en Opfohrt op de Bundsstraat 404, de in’n Noorden na Rönn un Geesthacht führt un in’n Süden na Handörp.

De nächste Autobahn is de Autobahn 25 (Afsnidd HamborgGeesthacht). De Opfohrt 7 Geesthacht liggt so negen Kilometer in’n Noorden von Eekholt an de B 404. De Opfohrt 5 Handörp op de Autobahn 39 (Afsnidd HamborgLümborg) liggt so teihn Kilometer in’n Süden ok an de B 404.

De nächste Bahnhoff is so bi twölv Kilometer wied weg in’n Süüdwesten de Bahnhoff Radbrouk an de Bahnlien Hamborg–Hannover. Von 1912 bet 1966 hett dat ok Personenverkehr op de Bahnlien Winsen–Meschacht geven. De Bahnhoff Meschacht leeg in düsse Tied dree Kilometer in’n Noordoosten.

Footnoten[ännern | Bornkood ännern]

  1. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 64
  2. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 158
  3. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  4. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  5. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 139
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de

Weblenken[ännern | Bornkood ännern]

Eekholt (Gemeen Meschacht). Mehr Biller, Videos oder Audiodateien to’t Thema gifft dat bi Wikimedia Commons.