Elvstörp

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Elvstörp
Laag vun Elvstörp in Düütschland
Basisdaten
Bundsland: Neddersassen
Landkreis: Horborg
Samtgemeen: Elvmasch
Gemeen: Draag
Inwahners:
Postleettall: 21423
Vörwahl: 04177
Geograafsche Laag:
Koordinaten:53° 25′ N, 10° 17′ O
53° 25′ N, 10° 17′ O

Elvstörp (hoochdüütsch Elbstorf) is en Dörp in de Gemeen Draag (Samtgemeen Elvmasch) in’n Landkreis Horborg, Neddersassen.

Geografie[ännern | Bornkood ännern]

De Oort liggt direkt achter’n Diek von de Elv in de Elvmasch. Dat Water ut dat Rebeed flütt na Süden af na’n Ilau-Sneegraven.

De Naveröörd sünd Olengamm in’n Noorden, Borghorst un Stoov in’n Noordoosten, Swinn in’n Oosten, Krüms in’n Süüdoosten, Hunnen in’n Süden, Draag mit Uhlenbusch un Drennhusen in’n Süüdwesten un Groov in’n Westen.

Historie[ännern | Bornkood ännern]

In’n Eersten Weltkrieg sünd 13 Soldaten ut Elvstörp fullen oder vermisst un in’n Tweten Weltkrieg 14.[1][2]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Elvstörp in’n Kanton Addelborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Övermeschacht in’n Kanton Bewick.

De Oort hett vör 1885 to de Amtsvaagdie Masch in dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort weer fröher en egenstännige Gemeen, is aver an’n 1. Juli 1972 mit de Gemeenreform in Neddersassen Deel von de Gemeen Draag worrn.

Inwahnertall[ännern | Bornkood ännern]

Johr Inwahners
1791-00-001791[3] 24 Füürsteden
1812-00-001812[4] 224
1824-00-001824[5] 28 Füürsteden
1848-00-001848[6] 302 Lüüd. 33 Hüüs
1871-12-011. Dezember 1871[7] 273 Lüüd. 35 Hüüs
1885-12-011. Dezember 1885[8] 261 Lüüd. 37 Hüüs
1905-12-011. Dezember 1905[9] 249 Lüüd. 44 Hüüs
1910-12-011. Dezember 1910[10] 276
1925-00-001925[11] 249
1933-00-001933[11] 228
1939-00-001939[11] 248

Religion[ännern | Bornkood ännern]

Elvstörp is evangeelsch-luthersch präägt un höört to dat Kaspel von de Marien-Kark in Drennhusen.

För de Kathoolschen is de Goden-Hirt-Kark in Winsen tostännig.

Kultur[ännern | Bornkood ännern]

En Denkmaal un Gedenktafeln för de Fullenen ut de twee Weltkrieg’ staht in Drennhusen vör un in de Kark.

Brüük[ännern | Bornkood ännern]

In Elvstörp warrt elk Johr Faslam fiert.

Weertschop un Infrastruktur[ännern | Bornkood ännern]

För Elvstörp is de freewillige Füürwehr Drennhusen/Elvstörp tostännig.

Verkehr[ännern | Bornkood ännern]

Dör Elvstörp löppt de Landsstraat 217, de in’n Süüdwesten över Drennhusen un Draag na Winsen geiht un in’n Süüdoosten över Stoov un Swinn na Rönn an de Bundsstraat 404 un wieder na Meschacht un Tesp. De B 404 föhrt in’n Noorden över de Elv na Geesthacht un in’n Süden na de Autobahn 39 (Afsnidd HamborgLümborg).

De nächste Autobahn is de Autobahn 25 (Afsnidd HamborgGeesthacht). Dat Enn von düsse Autobahn liggt so acht Kilometer in’n Noordoosten von Elvstörp an de B 404 bi Geesthacht.

De nächste Bahnhoff is so bi twölv Kilometer wied weg in’n Süüdwesten de Bahnhoff Winsen an de Bahnlien Hamborg–Hannover. Op de Bahnlien Winsen–Neddermeschacht hett dat von 1912 bet 1966 Personenverkehr geven. De Bahnhoff Neddermeschacht weer in düsse Tied söss Kilometer in’n Oosten.

Scholen[ännern | Bornkood ännern]

De Kinner ut Elvstörp gaht na’n Standoort Drennhusen von de Grundschool Draag.

Freetied[ännern | Bornkood ännern]

Twüschen Elvstörp un Stoov gifft dat twee Bootshavens un en groten Campingplatz. In’n Noordwesten liggt ok de Stover Strand.

Footnoten[ännern | Bornkood ännern]

  1. Onlineprojekt Gefallenendenkmäler
  2. Onlineprojekt Gefallenendenkmäler
  3. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 68
  4. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 56
  5. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 164
  6. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  7. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 138
  9. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
  10. Inwahnertallen op gemeindeverzeichnis.de
  11. a b c Inwahnertallen op verwaltungsgeschichte.de