Marßen

Vun Wikipedia
Zur Navigation springen Zur Suche springen
Wapen/Flagg Koort
Wapen unbekannt
Marßen
Laag vun Marßen in Düütschland
Basisdaten
Bundsland: Neddersassen
Landkreis: Lümborg
Samtgemeen: Amelkusen
Gemeen: Olndörp
Inwahners:
Postleettall: 21385
Vörwahl: 04132
Geograafsche Laag:
Koordinaten:53° 10′ N, 10° 15′ O
53° 10′ N, 10° 15′ O

Marßen (hoochdüütsch Marxen) is en Dörp in de Gemeen Olndörp (Samtgemeen Amelkusen) in’n Landkreis Lümborg, Neddersassen.

De Oort warrt ok Marßen an’n Barg (hoochdüütsch Marxen am Berge) nöömt. Vör allen, wenn dat wichtig is, dat de Oort nicht mit Marxen in’n Landkreis Horborg verwesselt warrt.

Geografie[ännern | Bornkood ännern]

De Oort liggt in de Lümbörger Heid. Dat Water ut dat Rebeed flütt na de Luh hen af.

De Naveröörd sünd Wetzen in’n Noorden, Sugellsen un Örzen in’n Noordoosten, Emsen un Heinsen in’n Oosten, Drögennindörp un Bätzendörp in’n Süüdoosten, Amelkusen, Sottörp un Wohlenbüttel in’n Süüdwesten un Olndörp in’n Westen.

Historie[ännern | Bornkood ännern]

In’n Eersten Weltkrieg sünd veer Soldaten ut Marßen fullen oder vermisst un in’n Tweten Weltkrieg 19.[1]

Verwaltungsgeschicht[ännern | Bornkood ännern]

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Heinsen in’n Kanton Bienbüddel höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Karkgellsen in’n Kanton Garlstörp.

De Oort hett vör 1852 to de Amtsvaagdie Amelkusen in dat Amt Winsen tohöört un denn von 1852 bet 1859 to dat Amt Solzhusen. Düt Amt is 1859 wedder oplööst worrn un Marßen keem mit dat ganze Kaspel Amelkusen an dat Amt Lüün, dat von 1862 af an Amt Lümborg heten hett. Na 1885 weer dat in’n Kreis Lümborg, de 1932 mit’n Kreis Bleikd to’n hüdigen Kreis Lümborg tohoopgahn is.

De Oort hett fröher bi de Buurschop Olndörp mit bihöört un is in de Midd von dat 19. Johrhunnert en egen Gemeen worrn. Mit de Gemeenreform in Neddersassen an’n 1. März 1974 is Marßen Deel von de Gemeen Olndörp worrn.

Inwahnertall[ännern | Bornkood ännern]

Johr Inwahners
1791-00-001791[2] 5 Füürsteden
1824-00-001824[3] 5 Füürsteden
1848-00-001848[4] 50 Lüüd. 5 Hüüs
1871-12-011. Dezember 1871[5] 78 Lüüd. 5 Hüüs
1885-12-011. Dezember 1885[6] 74 Lüüd. 6 Hüüs
1905-12-011. Dezember 1905[7] 61 Lüüd. 6 Hüüs
1910-12-011. Dezember 1910[8] 61
1925-00-001925[9] 73
1933-00-001933[9] 73
1939-00-001939[9] 76

Religion[ännern | Bornkood ännern]

Marßen is evangeelsch-luthersch präägt un höört to dat Kaspel von de Hippolit-Kark in Amelkusen.

För de Kathoolschen is de Marien-Kark in Lümborg tostännig.

Kultur[ännern | Bornkood ännern]

En Denkmaal för de Fullenen ut de twee Weltkrieg’ steiht in Amelkusen bi de Kark.

Weertschop un Infrastruktur[ännern | Bornkood ännern]

För Marßen is de freewillige Füürwehr Olndörp mit tostännig.

Verkehr[ännern | Bornkood ännern]

Dör Marßen löppt de Kreisstraat 23, de in’n Noorden na Wetzen an de K 20 ran geiht un in’n Süüdoosten na Drögennindörp an de Bundsstraat 209. In’n Westen geiht de K 34 na Olndörp an de Landsstraat 234. De L 234 föhrt von Olndörp in’n Noorden över Puunsen un Solzhusen na Winsen un in’n Süden na Amelkusen un wieder na Wriel. De B 209 löppt in’n Noordoosten na Lümborg un in’n Süüdwesten över Amelkusen bi Hötzen (in de Neegd von Soltau) an de B 71.

De nächste Autobahn is de Autobahn 7 (Afsnidd HamborgHannover). De Opfohrt 42 Ebendörp liggt so 15 Kilometer in’n Westen von Marßen an de L 212.

De nächste Bahnhoff is so bi 18 Kilometer wied weg de Bahnhoff Lümborg an de Bahnlien Hamborg–Hannover in’n Noordoosten. Von 1913 bet 1975 hett dat ok op de Bahnlien Lümborg–Soltau Personenverkehr geven. De Bahnhoff Amelkusen/Sottörp weer in düsse Tied söss Kilometer in’n Süüdwesten.

Footnoten[ännern | Bornkood ännern]

  1. Onlineprojekt Gefallenendenkmäler
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 151
  3. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 398
  4. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 103
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 122
  6. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 136
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 112
  8. Inwahnertallen op gemeindeverzeichnis.de
  9. a b c Inwahnertallen op verwaltungsgeschichte.de