Hans-Bodo Hesemann
Hans-Bodo Hesemann (* 6. Oktober 1943 in Thänhusen; † 17. Juli 2002 in Winsen) weer en düütschen Verwaltungsbeamten.
Hesemann is 1943 in Thänhusen as een von veer Kinner von en Amtsgerichtsdirekter boren un in’t Eemsland opwussen. He hett Juristeree an de Universitäten Göttingen, Hamborg un Mönster studeert un denn von 1971 bet 1974 sien Deenst as Referendar bi dat Oberlandsgericht Hamm un bi dat Landgericht Builefeld daan un denn dat twete Staatsexamen maakt.
1974/1975 weer he Regerungsassesser un denn Regerungsraad bi de Bezirksregerung in Ossenbrügge un von 1975 af an bi de Landkreise Meppen un Grafschop Bentem. Nadem he 1976 Kreisverwaltungsraad un 1977 allgemenen Vertreder von’n Böverkreisdirekter in Meppen worrn is, is he noch in’t sülve Johr Kreisverwaltungsböverraad worrn un 1979 Kreisverwaltungsdirekter.
1982 hett de Kreisdag von’n Landkreis Horborg em för twölv Johr to’n Kreisdirekter wählt. He is an’n 1. Februar 1994 denn as Nafolger von Hans-Joachim Röhrs Böverkreisdirekter von’n Landkreis Horborg worrn. Sien Amtsperiood schull bet to’n 31. Januar 2006 duern. He is aver 2002 ganz unverwacht doodbleven. Na sien Dood hett de Landkreis Horborg de Eengleisigkeit inföhrt un dat Amt von’n Böverkreisdirekter hett dat nich mehr geven. De Opgaven hett denn de Landraad övernahmen.
Hesemann weer verheiraadt mit siene Fro Heide. De beiden harrn een Söhn.
