Langenbeek

Vun Wikipedia
Zur Navigation springen Zur Suche springen
Wapen/Flagg Koort

Wapen vun Langenbeek

Langenbeek
Laag vun Langenbeek in Düütschland
Basisdaten
Bundsland: Hamborg
Bezirk: Horborg
Flach: 0,838 km²
Inwahners: 4.083 (2014-12-3131. Dezember 2014)
Inwahnerdicht: 4.872,3 Inwahners pro km²
Postleettall: 21073, 21075, 21079
Vörwahl: 040
Geograafsche Laag:
Koordinaten:53° 26′ N, 9° 59′ O
53° 26′ N, 9° 59′ O
NeewarkDuvenstedtWohldörp-OhlstedtMellingstedtBargstedtVolksdörpRahlstedtHummelsbüttelPoppenbüttelSaselWellingsbüttelSteilshoopBramfeldFarmsen-BernEilbeekMariendaalWandsbeekTonndörpJenfeldMoorfleetAllermöhNeeallermöhSpadenlandTatenbargBillwarderLohbrüggOssenwarderReitbrookKarkwarderNeengammOlengammCorslakBardörpNeelandGut MoorRönnborgLangenbeekWilsdörpHorborgSinstörpMarmstörpEißendörpHeimfeldHuusbrookNeegraven-FischbeekMoorborgFrancopOolwarderNeefeld (Hamborg)CranzRissenSülldörpBlankneesIserbrookHamborg-OsdörpLurupNienstedtenOthmarschenGroten FlöbbeekOttensenAltna-OoltstadtAltna-NoordSteernschanzBahrenfeldSnelsenNiendörpEidelstedtStellingenLokstedtHoheluft-WestEimsbüttelRothenboomHarvestehuudHamborg-LangenhoornFuhlsbüttelOhlsdörpAlsterdörpGroot BosselHohenfellDulsbargBarmbeek-NoordBarmbeek-SüüdUhlenhorstHoheluft-OostEppendörpWinterhuudVeddelLütt GrasbrookSteenwarderWillemsborgWaltershoffFinkwarderSt. PauliNeestadtHamborg-OoldstadtHamborg-HavenCitySt. GeorgHammerbrookBorgfellHammHammHammRothenburgsortBillbrookHornBillstedtLand NeddersassenLand Sleswig-Holsteen
Laag von Langenbeek in Hamborg (Koort lett sik anklicken)

Blick op Langenbeek, de Hööghüüs in’n Achtergrund höört al to Wilsdörp
Regenhüüs in Langenbeek 1977
Hünengraff in Langenbeek

Langenbeek (hoochdüütsch Langenbek) is en Stadtdeel von de Stadt Hamborg in’n Bezirk Horborg.

Geografie[ännern | Bornkood ännern]

An’n Westrand von’n Stadtdeel flütt de Engelbeek langs.

De Stadtdelen ümto sünd Wilsdörp in’n Noorden, Rönnborg in’n Oosten, Sinsdörp in’n Süden un Marmsdörp in’n Westen.

Historie[ännern | Bornkood ännern]

To de öllsten Funnen ut Langenbeek höört dat Hünengraff ut de Bronztied, dat twüschen Blättnerring un Bookholter Weg liggt.

De Naam Langenbeek kummt von en Beek, de dör den Oort flaten is. Wohrschienlich weer dor de Engelbeek mit meent. Langenbeek weer toeerst en enkelten Hoff mit Watermöhl, de 1306 toeerst in de Oorkunnen vörkeem.

In de Johren 1950 sünd en ganz Reeg Regenhüüs in Langenbeek anleggt worrn. En groten Deel von de Straten ut disse Tied is na Öörd in de Lümbörger Heid nöömt. Von 1987 bet 1994 is dat Neeborebeed Langenbeker Feld anleggt worrn.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Horborg in’n Kanton Horborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to dat Amt Horborg tohöört. Na 1885 weer dat in’n Kreis Horborg. 1932 is dat Deel von’n neen, grötteren Kreis Horborg worrn.

In dat 19. Johrhunnert hett Langenbeek polietsch noch bi de Gemeen Wilsdörp mit bihöört, is aver later egenstännige Gemeen worrn. Mit dat Groot-Hamborg-Gesett is de Oort 1937 an Hamborg kamen un weer denn Stadtdeel.

Inwahnertall[ännern | Bornkood ännern]

Johr Inwahners
1848-00-00 1848[1] 23 Lüüd. 3 Hüüs
1871-12-011. Dezember 1871[2] 32 Lüüd. 4 Hüüs
2014-12-3131. Dezember 2014 4.083

Religion[ännern | Bornkood ännern]

St.-Maria-un-St.-Simona-Kark

Langenbeek is evangeelsch-luthersch präägt un höört to dat Kaspel von de Kark in Sinsdörp.

För de Kathoolschen is de Franz-Joseph-Kark in Wilstörp tostännig. Von 1864 bet 1914 weer de St. Maria-Kark in Horborg för de Kathoolschen tostännig. Disse beiden Karken billt siet 2006 tohoop de Karkengemeen St. Maria-St. Joseph.

In Langenbeek liggt ok de St.-Maria-un-St.-Simona-Kark von de Syrisch-Orthodoxe Kark.

De 14,4 Hektar grote Langenbeker Karkhoff mit egen Kapell is 1975 anleggt worrn un liggt achter de Grenz na’n Naverstadtdeel Sinsdörp.

Kultur[ännern | Bornkood ännern]

Verenen[ännern | Bornkood ännern]

De Schüttenvereen Langenbeek is 1897 grünnt worrn. 2010 müss de Vereen sik aver oplösen, vonwegen dat de Nawuss fehlt hett.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De wichtigste Straat in Langenbeek is de Winsener Straat, de fröher Deel von de Bundsstraat 4 weer. De Winsener Straat löppt in’n Noorden dör Wilsdörp na Horborg un in’n Süden dör Sinsdörp un denn in Neddersassen as Landsstraat 213 wieder na Hittfeld. De wichtigste Weg na Marmsdörp is de Straat An’n Frankenbarg/Langenbeker Weg.

De nächsten Autobahnen sünd de A 253 un de A 7. De Opfohrt 6 Wilsdörp op de A 253 liggt so twee Kilometer in’n Noorden von Langenbeek un de Opfohrt 35 Fleest op de A 7 bi dree Kilometer in’n Süden.

De nächste Bahnhoff is so bi dree Kilometer wied weg in’n Noorden de Bahnhoff Horborg.

Scholen[ännern | Bornkood ännern]

De Kinner ut Langenbeek gaht na de Kita an de Scheeßler Kehr un later op de Grundschool Scheeßler Kehr, de all beid op Sinsdörper Rebeed liggen doot. Gymnasien in de Neegd von Langenbeek sünd dat Alexander-von-Humboldt-Gymnasium in Wilsdörp un dat Immanuel-Kant-Gymnasium in Sinsdörp.

Lüüd[ännern | Bornkood ännern]

De Entertainer un Schriever Heinz Strunk is in Langenbeek opwussen.

Literatur[ännern | Bornkood ännern]

Footnoten[ännern | Bornkood ännern]

  1. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130

Weblenken[ännern | Bornkood ännern]

Commons-logo.svg Langenbeek. Mehr Biller, Videos oder Audiodateien to’t Thema gifft dat bi Wikimedia Commons.