Engelbeek
| Engelbeek | |
|---|---|
| Laag | Hamborg/Landkreis Horborg |
| Stroomsystem | Elv |
| Läng | 7 km |
| Afströömrebeed | 35,7[1] km² |
| Born | in Tötsen |
| Münn | in Horborg in’n Seevkanaal |
| Water je Sekunn | 0,13 m³/s |
| schippbor | - |
 | |
De Engelbeek oder Möhlenbeek is en üm un bi söven Kilometer langen Beek, de in’n Seevkanaal münnt.
De Born von de Engelbeek is in Tötsen in’n Landkreis Horborg. Von dor flütt de Beek na Noordoosten vörbi an Wooxdörp un Bääkdörp un ünner de Autobahn 7 dör. De Engelbeek drippt bi Sinstörp denn op dat Rebeed von de Stadt Hamborg. De Engelbeek dreiht na Noorden un flütt twüschen Marmsdörp un Langenbeek dör. Bi Wilsdörp billt de Beek den Butenmöhlendiek. An de Övers liggt dor de Horbörger Stadtpark. Na’n Butenmöhlendiek flütt de Beek noch en goden Kilometer wieder, warrt von de Autobahn 253 överquert un münnt denn in Horborg in’n Seevkanaal.
Dat Water in’n Seevkanaal flütt denn in dat Havenbecken von de Süderelv un över de Elv wieder in de Noordsee.
Bevör de Seevkanaal anleggt worrn is, is de Engelbeek in de Loths münnt.
Footnoten
[ännern | Bornkood ännern]- ↑ Michael Bergemann: Gesamtliste der Fließgewässer im Elbeeinzugsgebiet. 2012
