Bääkdörp
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 368 (31. Dezember 2017) | |
| Postleettall: | 21218 | |
| Vörwahl: | 04105 | |
| Geograafsche Laag: | Koordinaten:53° 25′ N, 9° 58′ O53° 25′ N, 9° 58′ O | |
 | ||
|
| ||
Bääkdörp (hoochdüütsch Beckedorf) is en Dörp in de Gemeen Seevdaal in’n Landkreis Horborg, Neddersassen.
To Bääkdörp hebbt von öllers ok al de beiden lüttjen Öörd Weid un Wittenbarg mit tohöört.
Geografie
[ännern | Bornkood ännern]Dat Dörp liggt direkt an de Landsgrenz na Hamborg. Dat Water ut dat Rebeed flütt över’n Möhlenbeek na’n Engelbeek.
De Naveröörd sünd Marmsdörp in’n Noorden, Sinsdörp in’n Noordoosten, Weid in’n Oosten, Wittenbarg un Fleest in’n Süüdoosten, Wooxdörp, Metzendörp un Tötsen in’n Süüdwesten un Lüra un Appelbüttel in’n Noordwesten.
Historie
[ännern | Bornkood ännern]De Oort keem 842 toeerst in de Oorkunnen vör.
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Höpen in dat Amt Horborg tohöört. Na 1885 weer dat in’n Kreis Horborg, 1932 mit’n Kreis Winsen to’n ne’en un grötteren Kreis Horborg tohoopgahn is.
De Oort is an’n 1. Juli 1972 mit de Gemeenreform in Neddersassen Deel von de Gemeen Seevdaal worrn un billt nu as Gemeendeel tohoop mit Fleest, Glüsen un Metzendörp en Oortschop mit egen Oortsraad un Oortsbörgermeester binnen de Gemeen Seevdaal. De Oortsraad hett 15 Liddmaten.
Inwahnertall
[ännern | Bornkood ännern]| Johr | Inwahners |
|---|---|
| 1791[1] | 7 Füürsteden |
| 1812[2] | 58 |
| 1824[3] | 10 Füürsteden |
| 1848[4] | 82 Lüüd, 10 Hüüs |
| 1. Dezember 1871[5] | 83 Lüüd, 13 Hüüs |
| 1. Dezember 1885[6] | 95 Lüüd, 14 Hüüs |
| 1. Dezember 1905[7] | 80 Lüüd, 12 Hüüs |
| 1. Dezember 1910[8] | 188 |
| 1925[9] | 253 |
| 1933[9] | 231 |
| 1939[9] | 242 |
| 31. Dezember 2013 | 385 |
- * von 1910 af an mit Weid un Wittenbarg
Religion
[ännern | Bornkood ännern]Bääkdörp is evangeelsch-luthersch präägt un höört to dat Kaspel von de Kark in Sinsdörp.
För de Kathoolschen is de St.-Ansgar-Kark in Hittfeld tostännig, dat siet 2014 to de Karkengemeen Goden Hirt in Winsen tohöört.
Wapen
[ännern | Bornkood ännern]Dat Wapen von Bääkdörp is dwars deelt un wiest baven achtern op gollen Grund en blauen Fisch un en blaue Wellenlien un ünnen vörn op sülvern Grund en Bünnel mit dree Ohren.
Weertschop un Infrastruktur
[ännern | Bornkood ännern]As freewillige Füürwehr is de Füürwehr Bääkdörp-Metzendörp tostännig, de an’n 1. April 1937 grünnt worrn is. Vörher weer Bääkdörp en Löschgrupp von de Freewillige Füürwehr Sinsdörp.
Bi dat Dörp liggt en 13 Hektar groot Gewarvrebeed.
Verkehr
[ännern | Bornkood ännern]Dör Bääkdörp löppt de Kreisstraat 69, de in’n Noorden in de K 80 münnt un in’n Süüdwesten över Wooxdörp un Metzendörp na Tötsen löppt.
De nächste Autobahn is de Autobahn 7. De Opfohrt 35 Fleest liggt so twee Kilometer in’n Süüdoosten von Bääkdörp an de L 213. De Opfohrt 2 Marmsdörp/Lüra op de A 261 liggt dree Kilometer in’n Noordwesten an de B 75.
De nächste Bahnhoff is knapp twee Kilometer wied weg in’n Süüdoosten de Bahnhoff Hittfeld an de Bahnlien Hamborg–Bremen.
Literatur
[ännern | Bornkood ännern]- Alfred Keseberg: 842-1967 – Beckedorf vor den Toren Hamburgs zum 1125jährigen Jubiläum. 1967
Footnoten
[ännern | Bornkood ännern]- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 18
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 60
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 44
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 74
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
[ännern | Bornkood ännern]
Bääkdörp | Bullenhuus | Emmelndörp | Fleest | Glüsen | Groot-Moor | Helmstörp | Hittfeld mit Eddels un Karoxbossel | Holtörp | Host | Hössen | Lütt-Moor | Lindhost | Maschen | Mäkelfeld | Metzendörp mit Wooxdörp | Ohlendörp | Over | Ramßel