Ohlendörp (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Ohlendörp

Ohlendörp
Laag vun Ohlendörp in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Inwahners: 1.828 (2017-12-3131. Dezember 2017)
Postleettall: 21220
Vörwahl: 04185
Geograafsche Laag:
Koordinaten:53° 20′ N, 10° 3′ O
53° 20′ N, 10° 3′ O
BullenhuusLütt MoorGroot MoorOver (Landkreis Horborg)Hössen (Landkreis Horborg)Glüsen (Gemeen Seevdaal)MäkelfeldHoltörp (Gemeen Seevdaal)Ohlendörp (Landkreis Horborg)RamßelHost (Landkreis Horborg)HelmsdörpMaschenFleest (Landkreis Horborg)BääkdörpMetzendörpEmmelndörpHittfeldLindhost
Laag von Ohlendörp (Landkreis Horborg) in de Gemeen Seevdaal (Koort lett sik anklicken)

Ohlendörp (hoochdüütsch Ohlendorf) is en Dörp in de Gemeen Seevdaal in’n Landkreis Horborg, Neddersassen.

Geografie[ännern | Bornkood ännern]

Ohlendörp liggt an’n Noordrand von de Lümbörger Heid. In’n Noordoosten liggt de Baukweddel. De höögste Punkt von Ohlendörp liggt hier in’n Baukweddel mit’n Finkhüttenbarg op 63 Meter över de See. Dat Water flütt in’n Westen na de Seev hen af, in’n Noorden na’n Rönnbeek, de in de Seev münnt, un in’n Oosten na’n Ashuser Möhlenbeek.

De Naveröörd sünd Freschenhusen, Stell un Ashusen mit Büllhorn in’n Noordoosten, Scharmbääk in’n Oosten, Parrns, Holtörp un Thieshoop in’n Süüdoosten, Braackel in’n Süden, Marxen in’n Süüdwesten, Ramßel in’n Westen un Host un Maschen in’n Noordwesten.

Historie[ännern | Bornkood ännern]

Dat Dörp kummt 1420 toeerst in de Oorkunnen vör.

In’n Eersten Weltkrieg sünd 26 Soldaten ut Ohlendörp fullen oder vermisst un in’n Tweten Weltkrieg 36.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Parrns in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Parrns in dat Amt Winsen tohöört. Blots in de Tied von 1852 bet 1859 weer de Oort kort in dat Amt Parrns. Na 1885 weer dat in’n Kreis Winsen. 1932 is dat Deel von’n Landkreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Seevdaal worrn. Vondaag billt de Oort binnen de Gemeen Seevdaal tohoop mit Holtörp un Ramßel de Oortschop Ramßel/Ohlendörp/Holtörp mit egen Oortsraad un Oortsbörgermeester.

Inwahnertall[ännern | Bornkood ännern]

Johr Inwahners
1793-00-001793[2] 17 Füürsteden
1812-00-001812[3] 156
1824-00-001824[4] 19 Füürsteden
1848-00-001848[5] 225 Lüüd. 31 Hüüs
1871-12-011. Dezember 1871[6] 261 Lüüd. 46 Hüüs
1885-12-011. Dezember 1885[7] 315 Lüüd. 50 Hüüs
1905-12-011. Dezember 1905[8] 407 Lüüd. 72 Hüüs
1910-12-011. Dezember 1910[9] 421
1925-00-001925[10] 406
1933-00-001933[10] 410
1939-00-001939[10] 442
2014-09-3030. September 2014[11] 1.711

Religion[ännern | Bornkood ännern]

Ohlendörp is evangeelsch-luthersch präägt un höört to dat Kaspel von de Gertrud-Kark in Parrns.

För de Kathoolschen is de Goden-Hirt-Kark in Winsen tostännig.

Wapen[ännern | Bornkood ännern]

Dat Wapen von Ohlendörp wiest op swarten Grund en gollen Gevelspitz mit twee gollen Peerköpp, de sik ankiekt.

Dat Wapen is 1936 beslaten worrn.

Kultur[ännern | Bornkood ännern]

In Ohlendörp steiht en Denkmaal för de Fullenen ut de twee Weltkrieg’.

Verenen[ännern | Bornkood ännern]

De Schüttenkameraadschop Ohlendörp is 1900 grünnt worrn.

Weertschop un Infrastruktur[ännern | Bornkood ännern]

Sprüttenhuus von Ohlendörp

Ohlendörp hett en egene freewillige Füürwehr, de an’n 15. März 1934 grünnt worrn is.

In’n Süden von dat Dörp hett sik in de Johren 1950 dat Kieswark Otto Dörner ansiedelt, dat dor Kies un Sand afboot. In de Johren 1970 hett de Firma Aldi en Zentrallager in Ohlendörp boot, wat 2007 noch maal utboot worrn is. In de Johren 1990 hett de Behr AG, de Salaat anboot, sik in’n Süden von’n Oort ansiedelt un 2008 dat Wark noch utboot.

Verkehr[ännern | Bornkood ännern]

Dör Ohlendörp löppt de Kreisstraat 9, de in’n Westen över Ramßel na Harmsdörp an de Landsstraat 213 ran geiht un in’n Oosten bi Holtörp an de K 22 ran. De K 22 geiht in’n Noordoosten wieder na Stell un in’n Süüdwesten över Holtörp na Braackel. Över lüttjere Straten föhrt de Weg över de K 22 ok na Parrns un Thieshoop. De K 9 warrt in Ramßel krüüzt von de K 10, de in’n Noorden na Maschen geiht un in’n Süden an Marxen.

De nächste Autobahn is de Autobahn 7 (Afsnidd HamborgHannover). De Opfohrt 38 Ramßel liggt direkt an’n Westrand von Ohlendörp an de K 9.

De nächsten Bahnhööv sünd so bi acht Kilometer wied weg in’n Noordoosten de Bahnhoff Stell an de Bahnlien Hamborg–Hannover un ölven Kilometer in’n Noordwesten de Bahnhoff Klecken an de Bahnlien Hamborg–Bremen. Von 1874 bet 1981 hett dat ok Personenverkehr op de Bahnlien Wittenbarg–Bookholt geven. In de eerste Tied weer de nächste Bahnhoff fiev Kilometer in’n Süüdwesten in Marxen. In dat 20. Johrhunnert hett denn ok de Oort Thieshoop en egen Bahnhoff kregen, de so bi veer Kilometer wied weg weer.

Scholen[ännern | Bornkood ännern]

De Volksschool in Ohlendörp hett dichtmaakt, as 1964 de Middelpunktschool in Ramßel apenmaakt hett. Vondaag is ut de Middelpunktschool de Grundschool Ramßel worrn. Nadem se mit de Grundschool trech sünd, mööt de Kinner ut Ohlendörp in Hittfeld na School gahn.

Literatur[ännern | Bornkood ännern]

  • Chronik der Dörfer Ohlendorf und Holtorfsloh im Süden der Gemeinde Seevetal. 1977

Footnoten[ännern | Bornkood ännern]

  1. http://www.denkmalprojekt.org/dkm_deutschland/ohlendorf.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 174
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 62
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 460
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 134
  7. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 140
  8. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
  9. Inwahnertallen op gemeindeverzeichnis.de
  10. a b c Inwahnertallen op verwaltungsgeschichte.de
  11. https://www.seevetal.de/portal/seiten/einwohner_der_gemeinde%20seevetal-10000755-20200.html

Weblenken[ännern | Bornkood ännern]

Commons-logo.svg Ohlendörp (Landkreis Horborg). Mehr Biller, Videos oder Audiodateien to’t Thema gifft dat bi Wikimedia Commons.