Host (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Host

Host
Laag vun Host in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Inwahners: 1.851 (2017-12-3131. Dezember 2017)
Postleettall: 21220
Vörwahl: 04105
Geograafsche Laag:
Koordinaten:53° 22′ N, 10° 2′ O
53° 22′ N, 10° 2′ O
BullenhuusLütt MoorGroot MoorOver (Landkreis Horborg)Hössen (Landkreis Horborg)Glüsen (Gemeen Seevdaal)MäkelfeldHoltörp (Gemeen Seevdaal)Ohlendörp (Landkreis Horborg)RamßelHost (Landkreis Horborg)HelmsdörpMaschenFleest (Landkreis Horborg)BääkdörpMetzendörpEmmelndörpHittfeldLindhost
Laag von Host (Landkreis Horborg) in de Gemeen Seevdaal (Koort lett sik anklicken)

Host (hoochdüütsch Horst) is en Dörp in de Gemeen Seevdaal in’n Landkreis Horborg, Neddersassen.

Host weer fröher en lütt Buurndörp un is vondaag tohoopwussen mit de Wahnsiedlung Maschen-Heid, de twüschen Host un dat ole Dörp Maschen anleggt worrn is. De gröttste Deel von de 1832 Inwahners leevt in dit Wahnrebeed in’n Noorden von de Autobahn 7. Dat ole Dörp liggt in’n Süden von de Autobahn.

Geografie[ännern | Bornkood ännern]

Host liggt an’n Noordrand von de Lümbörger Heid un an dat rechte Över von de Seev. Na Süüdoosten to liggt de Baukweddel.

De Naveröörd sünd Maschen in’n Noorden, Stell mit Fachenfelln in’n Noordoosten, Achterdiek un Ashusen mit Büllhorn un Kieselshöh in’n Oosten, Ohlendörp un Ramßel in’n Süden, Harmstörp in’n Süüdwesten, Helmstörp un Lindhost in’n Westen un Hittfeld un Karoxbossel in’n Noordwesten.

Historie[ännern | Bornkood ännern]

De Hoster Möhl kummt 1529 toeerst in de Oorkunnen vör un is bet 1966 lopen.

In de Franzosentied von 1810 bet 1814 hett de Oort to de Mairie Parrns in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Parrns in dat Amt Winsen tohöört. Blots in de Tied 1852 bet 1859 hett dat Dörp kort to dat Amt Parrns höört. Na 1885 weer dat in’n Kreis Winsen. 1932 is dat Deel von’n Landkreis Horborg worrn.

De Oort is an’n 1. Juli 1972 tohoop mit 18 annere Gemenen Deel von de Gemeen Seevdaal worrn.

In’n Eersten Weltkrieg sünd dree Soldaten ut Host fullen oder vermisst[1].

Inwahnertall[ännern | Bornkood ännern]

Johr Inwahners
1812-00-001812[2] 40
1824-00-001824[3] 3 Füürsteden
1848-00-001848[4] 40 Lüüd. 4 Hüüs
1910-12-011. Dezember 1910[5] 72
1925-00-001925[6] 114
1933-00-001933[6] 158
1939-00-001939[6] 184
2014-09-3030. September 2014[7] 825

Religion[ännern | Bornkood ännern]

Host is evangeelsch-luthersch präägt un höört to dat Kaspel von de Fredenskark in Maschen. Vör 1953 hett de Oort to dat Kaspel von de Mauritius-Kark in Hittfeld höört.

För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. Toeerst hett de Oort to de Karkengemeen St. Petrus in Bookholt tohöört. De St.-Ansgar-Kark is 1964 boot worrn un hett bet 1978 noch to de Parree Bookholt höört. To’n 1. April 1978 is St. Altfrid in Mäkelfeld egenstännige Parree un Hittfeld Filialkark worrn.

Wapen[ännern | Bornkood ännern]

Dat Wapen von host wiest baven op grönen Grund en gollen Watermöhlenrad un ünnen, afdeelt dör en sülvern Wellenlien op purpur Grund twee sülvern Schaapbück mit swarte Köpp un Been, de üm en Machannelboom staht.

Kultur[ännern | Bornkood ännern]

En Denkmaal för de Fullenen ut den eersten Weltkrieg steiht in Hittfeld bi de Kark.

Verenen[ännern | Bornkood ännern]

Bi Füür is de freewillige Füürwehr in Maschen för Host mit tostännig.

Weertschop un Infrastruktur[ännern | Bornkood ännern]

Dat Dörphuus Maschen is as Filiaal von dat Raadhuus von de Gemeen Seevdaal in Hittfeld ok för Host mit tostännig.

Verkehr[ännern | Bornkood ännern]

Dör Host löppt de Kreisstraat 10, de in’n Süden na Ramßel geiht un in’n Noorden na Maschen-Heid un wieder na Maschen-Dörp. Ans gifft dat lüttjere Straten na Lindhost, Helmstörp un Ohlendörp.

De Oort liggt direkt an de Autobahn 7. Dichtbi krüüzt sik de A 7 mit de A 1. Dat Krüüz is dat Hoster Dreeeck. De Opfohrt 38 Ramßel op de A 7 liggt so veer Kilometer in’n Süden von Host. De Opfohrt 2 Maschen op de A 39 liggt veer Kilometer in’n Noorden. De Weg op de A 1 geiht över de Opfohrt Maschen un dat Maschener Krüüz, wat so bi fiev Kilometer sünd.

De nächsten Bahnhööv sünd so bi söss Kilometer wied weg in’n Noordoosten in Maschen un Stell an de Bahnlien Hamborg–Hannover.

De A 7 an Host langs is 1956 boot worrn.

Scholen[ännern | Bornkood ännern]

De Oort hett mit de Grundschool Host en egen Grundschool.

Versorgung[ännern | Bornkood ännern]

In de Hoster Möhl is 1910 en lütt Elektrizitätswark inboot worrn, dat de Öörd Maschen un Host mit Stroom versorgt hett. Düt Elektrizitätswark is bi en Brand in de Möhl 1936 verbrennt.[8]

Literatur[ännern | Bornkood ännern]

  • Werner Voss: Der Hamburger Bischof und die Burg zu Horst. Eine historisch-kritische Untersuchung mit Ausblicken auf die Geschichte der Horster Mühler und die Winser Höfe im Amte Harburg. 1992

Footnoten[ännern | Bornkood ännern]

  1. http://www.denkmalprojekt.org/dkm_deutschland/hitfeld2.htm
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 62: http://books.google.de/books?id=Q 5OAAAAcAAJ&pg=PA62
  3. C. H. Jansen: Statistisches Handbuch des Königreichs Hannover. 1824, Sied 300: http://books.google.de/books?id=tG0AAAAAcAAJ&pg=PA300
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 104: http://books.google.de/books?id=eOI-AAAAcAAJ&pg=PA104
  5. http://www.gemeindeverzeichnis.de/gem1900/gem1900.htm?hannover/winsen.htm
  6. a b c http://www.verwaltungsgeschichte.de/harburg.html
  7. https://www.seevetal.de/portal/seiten/einwohner der gemeinde seevetal-10000755-20200.html
  8. http://www.winsener-anzeiger.info/chronik/portr%C3%A4t-elbe-heide-region/einheitsgemeinde-seevetal/