Fleest (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Fleest

Fleest
Laag vun Fleest in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Flach: 3,91 km²
Inwahners: 4.738 (2017-12-3131. Dezember 2017)
Inwahnerdicht: 1.211,8 Inwahners pro km²
Postleettall: 21217
Vörwahl: 04105
Geograafsche Laag:
Koordinaten:53° 25′ N, 9° 60′ O
53° 25′ N, 9° 60′ O
BullenhuusLütt MoorGroot MoorOver (Landkreis Horborg)Hössen (Landkreis Horborg)Glüsen (Gemeen Seevdaal)MäkelfeldHoltörp (Gemeen Seevdaal)Ohlendörp (Landkreis Horborg)RamßelHost (Landkreis Horborg)HelmsdörpMaschenFleest (Landkreis Horborg)BääkdörpMetzendörpEmmelndörpHittfeldLindhost
Laag von Fleest (Landkreis Horborg) in de Gemeen Seevdaal (Koort lett sik anklicken)

Fleest (hoochdüütsch Fleestedt) is en Dörp in de Gemeen Seevdaal in’n Landkreis Horborg, Neddersassen. To Fleest höört ok de Oortsdeel Fleesterloh mit bi.

Geografie[ännern | Bornkood ännern]

In’n Noorden von Fleest liggt dat Holt Höpen. De Hitzenbarg in’n Noordoosten reckt bet 53 m över NN hoog.

De Naveröörd sünd Sinsdörp un Langenbeek in’n Noorden (Delen von Hamborg), Mäkelfeld in’n Noordoosten, Glüsen in’n Oosten, Glüser Loh un Karoxbossel in’n Süüdoosten, Hittfeld un Emmelndörp in’n Süden, Sunnerbarg un Metzendörp in’n Süüdwesten un Wooxdörp un Bääkdörp in’n Westen.

Historie[ännern | Bornkood ännern]

De Oortsdeel Fleesterloh is as Afbo von Fleest ut anleggt worrn.

Vör 1885 leeg Fleest in’t Amt Horborg un na 1885 in’n Kreis Horborg, de 1932 denn Deel von’n hüdigen Landkreis Horborg worrn is.

In’n Krieg von 1870/1871 sünd veer Soldaten ut Fleest fullen oder vermisst[1] un in’n Eersten Weltkrieg 13[2].

An’n 1. Juli 1972 is de Gemeen Fleest Deel von de Gemeen Seevedaal worrn.

Inwahnertall[ännern | Bornkood ännern]

Johr Inwahners
1793-00-001793[3] 17 Füürsteden
1824-00-001824[4] 31 Füürsteden
1848-00-001848[5] 355 Lüüd. 43 Hüüs
1871-12-011. Dezember 1871[6] 329 Lüüd. 44 Hüüs
1910-12-011. Dezember 1910[7] 488
1925-00-001925[8] 564
1933-00-001933[8] 697
1939-00-001939[8] 797
2008-06-3030. Juni 2008 4.167
2011-12-3131. Dezember 2011[9] 4.554

Religion[ännern | Bornkood ännern]

Fleest is evangeelsch-luthersch präägt un höört to dat Kaspel von de Mauritius-Kark in Hittfeld. De Oort hett mit de Christuskark vondaag aver ok en egen Kark. Disse Kark is 1998/1999 boot worrn.

För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. De Oort hett fröher to de Karkengemeen St. Petrus in Bookholt tohöört. Nadem 1964 de St.-Ansgar-Kark in Hittfeld trech worrn is, is Fleest 1965 Deel von de nu egenstännige Karkengemeen Hittfeld worrn. 1969 is in de Karkengemeen Hittfeld tosätzlich de St.-Altfrid-Kark in Mäkelfeld boot worrn.

Wapen[ännern | Bornkood ännern]

Dat Wapen von Fleest wiest op blauen Grund en gollen Windmöhl mit rood Dack.

Dat steiht för de ole Fleester Möhl, de in’n Tweten Weltkrieg afreten worrn is.

Politik[ännern | Bornkood ännern]

Börgermeesters[ännern | Bornkood ännern]

Börgermeesters:

Tied Naam Partei
1968–1972 Georg Duensing CDU

Oortsbörgermeesters:

Tied Naam Partei
1972– Georg Duensing CDU
opstunns Adolf Wendt CDU

Kultur[ännern | Bornkood ännern]

En Denkmaal för de Fullenen ut den Krieg von 1870/1871 un ut de twee Weltkrieg’ steiht bi de Kark in Hittfeld, en tweet Denkmaal för de Fullenen ut de twee Weltkrieg’ steiht ok noch in Fleest sülvs.

As Dörpgemeenschopshuus gifft dat den Fleester Hoff.

Verenen[ännern | Bornkood ännern]

De Schützenvereen Fleest is 1898 grünnt worrn. De Turn- un Sportvereen is von 1911.

Weertschop un Infrastruktur[ännern | Bornkood ännern]

In Fleest gifft dat ok en Twiegsteed von de Gemeenverwalten von Seevdaal, de för de Öörd Fleest, Glüsen, Metzendörp un Beekdörp tostännig is.

Nadem vörher en Plichtfüürwehr bestahn harr, hett sik an’n 17. Januar 1886 en Freewillige Füürwehr in Fleest grünnt. Na 1907 hett sik disse Freewillige Füürwehr denn aver wedder oplööst un dat hett wedder en Plichtfüürwehr geven. Eerst an’n 22. Februar 1934 hett sik wedder en Freewillige Füürwehr nee grünnt.

Verkehr[ännern | Bornkood ännern]

Fleest liggt an de Kreisstraat 79, de in’n Süüdoosten över Karoxbossel na Host/Maschen löppt un in’n Noordwesten an de Landsstraat 213 ran. Dor liggt ok de Opfohrt 35 Fleest op de Autobahn 7. Na Glüsen un Mäkelfeld löppt de K 34.

De nächste Bahnhoff is de Bahnhoff Hittfeld an de Bahnlien Hamborg–Bremen, de so bi een Kilometer von Fleest af is.

School[ännern | Bornkood ännern]

Fleest hett en egen Grundschool.

De eerste School in Fleest kummt 1575 in de Karkenakten vör. 1752 is denn en Schoolhuus an de hüdige Steed von de School an’n Oosterkamp boot worrn. De öllsten Delen von de School vondaag sünd von 1933.

Lüüd[ännern | Bornkood ännern]

De Politikerin Claudia Preuß-Boehart is 1951 in Fleest boren.

Literatur[ännern | Bornkood ännern]

  • Max Truels: Fleestedt – das Dorf am Höpen. Eine Chronik von Max Truels. 1987

Footnoten[ännern | Bornkood ännern]

  1. http://www.denkmalprojekt.org/dkm_deutschland/hittfeld.htm
  2. http://www.denkmalprojekt.org/2008/seevetal-fleestedt_wk1_ns.htm
  3. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 75: https://books.google.de/books?id=jN5QAAAAcAAJ&pg=RA1-PA75
  4. C. H. Jansen: Statistisches Handbuch des Königreichs Hannover. 1824, Sied 188: http://books.google.de/books?id=tG0AAAAAcAAJ&pg=PA188
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
  7. http://www.gemeindeverzeichnis.de/gem1900/gem1900.htm?hannover/winsen.htm
  8. a b c http://www.verwaltungsgeschichte.de/harburg.html
  9. http://www.seevetal.de/internet/page.php?site=10000755&id=10000755&typ=2