Glüser Loh
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21217 | |
| Vörwahl: | 04105 | |
| Geograafsche Laag: | Koordinaten:53° 24′ N, 10° 1′ O53° 24′ N, 10° 1′ O | |
|
| ||
Glüser Loh (hoochdüütsch Glüsingerlohe) is en lütten Oort in de Gemeen Seevdaal in’n Landkreis Horborg, Neddersassen. De Oort höört polietsch al von öllers bi Glüsen mit bi.
Geografie
[ännern | Bornkood ännern]In’n Süüdoosten von Glüser Loh flütt de Karoxbosseler Möhlenbeek langs un en goden Kilometer in’n Süüdoosten ok de Seev.
De Naveröörd sünd Mäkelfeld, Glüsen un Hössen in’n Noordoosten, Maschen-Dörp un Maschen-Heid in’n Süüdoosten, Jehrden un Karoxbossel in’n Süden, Fleesterloh un Emmelndörp in’n Süüdwesten un Fleest in’n Noordwesten.
Historie
[ännern | Bornkood ännern]Verwaltungsgeschicht
[ännern | Bornkood ännern]Vör 1885 leeg Fleesterloh in de Vaagdie Höpen von’t Amt Horborg un na 1885 in’n Kreis Horborg, de 1932 denn Deel von’n hüdigen Landkreis Horborg worrn is.
De Oort is as Deel von de Gemeen Glüsen an’n 1. Juli 1972 mit de Gemeenreform in Neddersassen an de Gemeen Seevdaal kamen.
Inwahnertall
[ännern | Bornkood ännern]| Johr | Inwahners |
|---|---|
| 1. Dezember 1871[1] | 112 Lüüd, 19 Hüüs |
Besünnere Begeevnisse
[ännern | Bornkood ännern]
Blitzslag an'n 12. Mai 1894 in Glüser Loh bi Heirich Bartels. Dat Begeevnis het sien Bensünnerheed ook dorin, dat dorvon düsset Foto mookt woorn is, darbi keem ölm Lüüd tohoop.
Religion
[ännern | Bornkood ännern]Glüser Loh is evangeelsch-luthersch präägt un höört to dat Kaspel von de Mauritius-Kark in Hittfeld. In’n Oort Fleest gifft dat mit de Christuskark vondaag aver ok en egen Kark. Disse Kark is 1998/1999 boot worrn.
För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. De Oort hett fröher to de Karkengemeen St. Petrus in Bookholt tohöört. Nadem 1964 de St.-Ansgar-Kark in Hittfeld trech worrn is, is Glüser Loh 1965 Deel von de nu egenstännige Karkengemeen Hittfeld worrn. 1969 is in de Karkengemeen Hittfeld tosätzlich de St.-Altfrid-Kark in Mäkelfeld boot worrn.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Von Glüser Loh föhrt lüttjere Straten na de Kreisstraten K 79 un K 34. De K 79 geiht in’n Süüdoosten över Karoxbossel na Host/Maschen un in’n Noordwesten an de Landsstraat 213 ran. De K 34 löppt von de K 79 in’n Noordoosten na Glüsen un Mäkelfeld.
De nächsten Autobahnen sünd de A 1, de A 7 un de A 39. De nächste Opfohrt is de Opfohrt 35 Fleest op de A 7, de knapp dree Kilometer in’n Noordwesten von Glüser Loh liggt. De Opfohrt 41 Hittfeld op de A 1 liggt veer Kilometer in’n Süüdwesten un de Opfohrt 2 Maschen op de A 39 veer Kilometer in’n Süüdoosten.
De nächsten Bahnhööv sünd de Bahnhoff Hittfeld an de Bahnlien Hamborg–Bremen, de so bi dree Kilometer in’n Westen von Glüser Loh liggt, un de Bahnhoff Mäkelfeld an de Bahnlien Hamborg–Hannover, de so dree Kilometer in’n Noordoosten liggt.
Scholen
[ännern | Bornkood ännern]De Kinner ut Glüser Loh gaht na de Grundschool Fleest.
Footnoten
[ännern | Bornkood ännern]- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
