Emmelndörp

Vun Wikipedia
Wapen/Flagg Koort

Wapen vun Emmelndörp

Emmelndörp
Laag vun Emmelndörp in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Inwahners: 1.610 (2017-12-3131. Dezember 2017)
Postleettall: 21218
Vörwahl: 04105
Geograafsche Laag:
Koordinaten:53° 24′ N, 9° 59′ O
53° 24′ N, 9° 59′ O
BullenhuusLütt MoorGroot MoorOver (Landkreis Horborg)Hössen (Landkreis Horborg)Glüsen (Gemeen Seevdaal)MäkelfeldHoltörp (Gemeen Seevdaal)Ohlendörp (Landkreis Horborg)RamßelHost (Landkreis Horborg)HelmsdörpMaschenFleest (Landkreis Horborg)BääkdörpMetzendörpEmmelndörpHittfeldLindhost
Laag von Emmelndörp in de Gemeen Seevdaal (Koort lett sik anklicken)

Karte

Emmelndörp (hoochdüütsch Emmelndorf) is en Dörp in de Gemeen Seevdaal in’n Landkreis Horborg, Neddersassen.

Binnen de Gemeen Seevdaal billt Emmelndörp vondaag tohoop mit Hittfeld, Helmsdörp un Lindhost en polietsche Oortschop mit egen Oortsraad un Ooortsbörgermeester.

Geografie[ännern | Bornkood ännern]

Dat Water ut Emmelndörp flütt na Oosten hen af över den Röhrenbeek na’n Karoxbosseler Möhlenbeek un in’n Seevkanaal.

De Naveröörd sünd Fleest mit Fleesterloh un Glüsen mit Glüser Loh in’n Noordoosten, Karoxbossel un Jehrden in’n Oosten, Hittfeld in’n Süden, Eddels in’n Süüdwesten un Metzendörp, Wooxdörp un Wittenbarg in’n Noordwesten.

Historie[ännern | Bornkood ännern]

Emmelndörp weer bet in dat 20. Johrhunnert en lütt Dörp. Denn is dat aver stark wussen. Ünner annern hett sik üm den Bahnhoff Hittfeld (de von Hittfeld över twee Kilometer wied weg is) de Siedlung Emmelndörp kumplett nee billt. In disse Siedlung sünd na’n Tweten Weltkrieg veel Verdrevene ansiedelt worrn, von de vele vörher in Reinsählen ünnerkamen weren.

In’n Eersten Weltkrieg sünd ölven Soldaten ut Emmelndörp fullen oder vermisst un in’n Tweten Weltkrieg negen.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n nu grötteren Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Seevdaal worrn.

Inwahnertall[ännern | Bornkood ännern]

Johr Inwahners
1793-00-001793[2] 10 Füürsteden
1812-00-001812[3] 100
1824-00-001824[4] 16 Füürsteden
1848-00-001848[5] 135 Lüüd, 19 Hüüs
1871-12-011. Dezember 1871[6] 134 Lüüd, 19 Hüüs
1910-12-011. Dezember 1910[7] 186
1925-00-001925[8] 253
1933-00-001933[8] 267
1939-00-001939[8] 304
2013-12-3131. Dezember 2013 1.653

Religion[ännern | Bornkood ännern]

Emmelndörp is evangeelsch-luthersch präägt un höört to dat Kaspel von de Mauritius-Kark in Hittfeld.

För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. De Oort hett fröher to de Karkengemeen St. Petrus in Bookholt tohöört. Nadem 1964 de St.-Ansgar-Kark in Hittfeld trech worrn is, is Karoxbossel 1965 Deel von de nu egenstännige Karkengemeen Hittfeld worrn. 1969 is in de Karkengemeen Hittfeld tosätzlich de St.-Altfrid-Kark in Mäkelfeld boot worrn.

Wapen[ännern | Bornkood ännern]

Dat Wapen von Emmelndörp is in dree Feller deelt. Dat Feld baven vörn is gollen, dat baven achtern gröön un dat ünnen lila. In de Midd över de dree Feller liggt en blau Krink mit en gollen Wagenrad mit acht Speken.

Kultur[ännern | Bornkood ännern]

In Emmelndörp steiht en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Bahnhoff Hittfeld in Emmelndörp

An Emmelndörp langs löppt de Landsstraat 213, de in’n Noorden över Sinsdörp un Wilsdörp na Horborg geiht un in’n Süden över Hittfeld, Helmsdörp un Harmsdörp na Bendsdörp un Jesborg.

De nächste Autobahn is de Autobahn 7 (Afsnidd HamborgHannover). De Opfohrt 35 Fleest liggt so twee Kilometer in’n Noorden von Emmelndörp an de L 213. Aver ok de Opfohrt 41 Hittfeld op de Autobahn 1 (Afsnidd HamborgBremen) liggt blots twee Kilometer wied weg in’n Süden.

De nächste Bahnhoff is de Bahnhoff Hittfeld an de Bahnlien Hamborg–Bremen, de in Siedlung Emmelndörp liggt.

Scholen[ännern | Bornkood ännern]

De Grundschool Emmelndörp besteiht siet 1950. Toeerst sünd de Kinner noch in dat Gasthuus Mudder Gries ünnerkamen, aver to’n 19. November 1951 is denn de Neebo inwieht worrn.

Literatur[ännern | Bornkood ännern]

  • Unter alten Eichen: Chronik von Emmelndorf, Woxdorf und Metzendorf. Reinhold, 1992

Footnoten[ännern | Bornkood ännern]

  1. http://www.denkmalprojekt.org/dkm_deutschland/emmelndorf.htm
  2. C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 68: https://books.google.de/books?id=jN5QAAAAcAAJ&pg=RA1-PA68
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  4. C. H. Jansen: Statistisches Handbuch des Königreichs Hannover. 1824, Sied 168: http://books.google.de/books?id=tG0AAAAAcAAJ&pg=RA1-PA168
  5. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
  7. http://www.gemeindeverzeichnis.de/gem1900/gem1900.htm?hannover/harburg.htm
  8. a b c http://www.verwaltungsgeschichte.de/harburg.html

Weblenken[ännern | Bornkood ännern]

Emmelndörp. Mehr Biller, Videos oder Audiodateien to’t Thema gifft dat bi Wikimedia Commons.