Lindhost

Vun Wikipedia
Wapen/Flagg Koort

Wapen vun Lindhost

Lindhost
Laag vun Lindhost in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Inwahners: 814 (2017-12-3131. Dezember 2017)
Hööchd: 26 m över NN
Postleettall: 21218
Vörwahl: 04105
Geograafsche Laag:
Koordinaten:53° 23′ N, 9° 59′ O
53° 23′ N, 9° 59′ O
BullenhuusLütt MoorGroot MoorOver (Landkreis Horborg)Hössen (Landkreis Horborg)Glüsen (Gemeen Seevdaal)MäkelfeldHoltörp (Gemeen Seevdaal)Ohlendörp (Landkreis Horborg)RamßelHost (Landkreis Horborg)HelmsdörpMaschenFleest (Landkreis Horborg)BääkdörpMetzendörpEmmelndörpHittfeldLindhost
Laag von Lindhost in de Gemeen Seevdaal (Koort lett sik anklicken)

Karte

Lindhost (hoochdüütsch Lindhorst) is en Dörp in de Gemeen Seevdaal in’n Landkreis Horborg, Neddersassen.

To Lindhost höört von öllers ok de Oort Plumöhlen mit to.

Geografie[ännern | Bornkood ännern]

Lindhost liggt an’n Noordrand von de Lümbörger Heid. Dör den Oort flütt de Lindhoster Graven, de good een Kilometer in’n Oosten in de Seev münnt.

De Naveröörd sünd Hittfeld in’n Noorden, Plumöhlen, Karoxbossel un Maschen-Dörp in’n Noordoosten, Maschen-Heid in’n Oosten, Host in’n Süüdoosten, Helmsdörp in’n Süden, Klecken in’n Süüdwesten un Eddels in’n Noordwesten.

Historie[ännern | Bornkood ännern]

Fröher hett in Lindhost dat Good Lindhost bestahn.

In dat 20. Johrhunnert sünd ok en Reeg Hüüs in de Lindhoster Heid boot worrn, de över twee Kilometer in’n Süüdwesten von dat ole Dörp liggt.

In’n Eersten Weltkrieg sünd 19 Soldaten ut Lindhost fullen oder vermisst un in’n Tweten Weltkrieg teihn.[1]

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is an’n 1. Juli 1972 mit de Gemeenreform in Neddersassen Deel von de Gemeen Seevdaal worrn.

Inwahnertall[ännern | Bornkood ännern]

Johr Inwahners
1793-00-001793[2] 15 Füürsteden
1812-00-001812[3] 189
1824-00-001824[4] 29 Füürsteden
1848-00-001848[5] 235 Lüüd, 28 Hüüs
1871-12-011. Dezember 1871[6] 283 Lüüd, 44 Hüüs
1910-12-011. Dezember 1910[7] 285
1925-00-001925[8] 244
1933-00-001933[8] 262
1939-00-001939[8] 274
2014-09-3030. September 2014[9] 703

Religion[ännern | Bornkood ännern]

Lindhost is evangeelsch-luthersch präägt un höört to dat Kaspel von de Mauritius-Kark in Hittfeld.

För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. Toeerst hett de Oort to de Karkengemeen St. Petrus in Bookholt tohöört. De St.-Ansgar-Kark is 1964 boot worrn un hett bet 1978 noch to de Parree Bookholt höört. To’n 1. April 1978 is St. Altfrid in Mäkelfeld egenstännige Parree un Hittfeld Filialkark worrn.

Wapen[ännern | Bornkood ännern]

Dat Wapen von Lindhost wiest op grönen Grund en gollen Linnenboom, de op en blauen Schildfoot steiht. Op’n Schildfoot opleggt is en sülvern Möhlenrad.

Kultur[ännern | Bornkood ännern]

In Lindhost steiht en Denkmaal för de Fullenen ut de twee Weltkrieg’.

Weertschop un Infrastruktur[ännern | Bornkood ännern]

Lindhost hett en egene freewillige Füürwehr, de an’n 12. November 1949 grünnt worrn is. Vörher hett de Oort en Löschgrupp von de freewillige Füürwehr Hittfeld billt.[10]

In Lindhost liggt de Golfplatz An’n Hockenbarg.

Verkehr[ännern | Bornkood ännern]

An Lindhost langs löppt de Landsstraat 213, de in’n Noorden na Hittfeld un över Sinsdörp un Wilsdörp na Horborg geiht un in’n Süden över Helmsdörp, Harmsdörp un Bendsdörp na Jesborg un Hanstää. De L 213 warrt an’n Noordrand von Lindhost krüüzt von de Kreisstraat 77, de in’n Noordoosten na de K 79 bi Maschen geiht un in’n Westen an de K 39 ran. Lüttjere Straten loopt ans na Plumöhlen un Host.

De nächste Autobahn is de Autobahn 1 (Afsnidd HamborgBremen). De Opfohrt 41 Hittfeld liggt en goden Kilometer in’n Noordwesten von Lindhost an de L 213. Över de A 1 un dat Hoster Dreeeck/Maschener Krüüz besteiht ok Ansluss an de Autobahn 7 (Afsnidd HamborgHannover) un de Autobahn 39 na Lümborg.

De nächste Bahnhoff is so bi veer Kilometer wied weg in’n Noordwesten de Bahnhoff Hittfeld an de Bahnlien Hamborg–Bremen.

Literatur[ännern | Bornkood ännern]

  • Wilhelm Marquardt: Chronik der Dörfer in der Gemeinde Seevetal. Lindhorst. Seevdaal 1990

Footnoten[ännern | Bornkood ännern]

  1. http://www.denkmalprojekt.org/dkm_deutschland/lindhorst.htm
  2. Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 143
  3. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 60
  4. Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 376
  5. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 92
  6. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 129
  7. Inwahnertallen op gemeindeverzeichnis.de
  8. a b c Inwahnertallen op verwaltungsgeschichte.de
  9. https://www.seevetal.de/portal/seiten/einwohner_der_gemeinde%20seevetal-10000755-20200.html
  10. http://www.feuerwehr-seevetal.de/organisation/ortsfeuerwehren/lindhorst/