Jehrden
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21218 | |
| Vörwahl: | 04105 | |
| Geograafsche Laag: | Koordinaten:53° 24′ N, 10° 1′ O53° 24′ N, 10° 1′ O | |
|
| ||
Jehrden (hoochdüütsch Jehrden) is en Dörp in de Gemeen Seevdaal in’n Landkreis Horborg, Neddersassen.
Geografie
[ännern | Bornkood ännern]
Jehrden liggt an’n Karoxbosseler Möhlenbeek,in den bi Jehrden ok de Röhrenbeek münnt. In’n Süüdoosten flütt de Seev langs.
De Naveröörd sünd Glüser Loh in’n Noorden, Glüsen in’n Noordoosten, Maschen-Dörp in’n Oosten, Maschen-Heid in’n Süüdoosten, Karoxbossel un Hittfeld in’n Süüdwesten, Emmelndörp in’n Westen un Fleest mit Fleesterloh in’n Noordwesten.
Historie
[ännern | Bornkood ännern]In’n Eersten Weltkrieg sünd twee Soldaten ut Jehrden fullen oder vermisst.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Hittfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.
De Gemeen Jehrden is 1928/1929 Deel von de Gemeen Glüsen worrn. Mit de Gemeenreform in Neddersassen an’n 1. Juli 1972 is Glüsen Deel von de Gemeen Seevdaal worrn. Jehrden höört sietdem polietsch to de Oortschop Glüsen binnen de Gemeen Seevdaal.
Inwahnertall
[ännern | Bornkood ännern]| Johr | Inwahners |
|---|---|
| 1793[2] | 3 Füürsteden |
| 1812[3] | 50 |
| 1824[4] | 7 Füürsteden |
| 1848[5] | 73 Lüüd, 8 Hüüs |
| 1. Dezember 1871[6] | 71 Lüüd, 11 Hüüs |
| 1. Dezember 1910[7] | 76 |
Religion
[ännern | Bornkood ännern]Jehrden is evangeelsch-luthersch präägt un höört to dat Kaspel von de Mauritius-Kark in Hittfeld.
För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. De Oort hett fröher to de Karkengemeen St. Petrus in Bookholt tohöört. Nadem 1964 de St.-Ansgar-Kark in Hittfeld trech worrn is, is Jehrden 1965 Deel von de nu egenstännige Karkengemeen Hittfeld worrn. 1969 is in de Karkengemeen Hittfeld tosätzlich de St.-Altfrid-Kark in Mäkelfeld boot worrn.
Kultur
[ännern | Bornkood ännern]En Denkmaal för de Fullenen ut den Eersten Weltkrieg steiht in Hittfeld an de Kark.
Weertschop un Infrastruktur
[ännern | Bornkood ännern]Verkehr
[ännern | Bornkood ännern]Dör Jehrden löppt de Kreisstraat 79, de in’n Noordwesten na Fleest un an de Landsstraat 213 geiht un in’n Süüdoosten na Maschen. In’n Süüdwesten löppt en lüttjere Straat över Karoxbossel na Hittfeld.
Jehrden liggt dicht bi dat Maschener Krüüz un Hoster Dreeeck, in dat sik de Autobahnen A 1, A 7 un A 39 draapt. De Opfohrt 35 Fleest op de A 7 liggt so dree Kilometer in’n Noordwesten von Jehrden an de L 213, de Opfohrt 41 Hittfeld op de A 1 dree Kilometer in’n Süüdwesten an de L 213 un de Opfohrt 2 Maschen op de A 39 dree Kilometer in’n Oosten an de K 86/K 10.
De nächste Bahnhoff is so bi veer Kilometer wied weg in’n Noordwesten de Bahnhoff Hittfeld an de Bahnlien Hamborg–Bremen. De Bahnhoff Mäkelfeld an de Bahnlien Hannover–Hamborg liggt so bi fiev Kilometer in’n Noordoosten.
Scholen
[ännern | Bornkood ännern]De Kinner ut Jehrden gaht na de Grundschool Fleest.
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/hitfeld2.htm
- ↑ C. B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 121: https://books.google.de/books?id=jN5QAAAAcAAJ&pg=RA1-PA121
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
- ↑ C. H. Jansen: Statistisches Handbuch des Königreichs Hannover. 1824, Sied 314: http://books.google.de/books?id=tG0AAAAAcAAJ&pg=PA314
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128
- ↑ http://www.gemeindeverzeichnis.de/gem1900/gem1900.htm?hannover/harburg.htm
