Hoster Dreeeck

Vun Wikipedia
Zur Navigation springen Zur Suche springen
Koort von dat Hoster Dreeeck

Dat Hoster Dreeeck is en Autobahndreeeck in Neddersassen. Dat Dreeeck hett en Noorddeel un en Süüddeel, de inenanner övergaht. De Noorddeel is en unvullstännig Dreeeck un deelt de Fohrsporen von de Bundsautobahn 1 op.[1] De Süüddeel is as en Gaffel anleggt. Dat is de egentliche Verbinnung von de beiden Autobahnen A 1 un A 7.[2] De Noorddeel münnt denn glieks in’n Oostdeel von dat Maschener Krüüz, dat de A 1 mit de A 39 verbinnen deit. Wenn een op de A 7 von Süden her sik eerst links höllt, gifft dat en Öhr, över dat een von de A 7 (von Hannover her) op de A 1 (na Bremen) kamen kann.

Dat Dreeeck liggt in dat Daal von de Seev in de Gemeen Seevdaal twüschen de Öörd Hittfeld un Maschen. Den Naam hett dat Dreeeck von dat Dörp Host, dat an’n Süüdoostrand liggt.

Historie[ännern | Bornkood ännern]

De A 1 is 1937 boot worrn. As 1956 de A 7 na Süden hen boot worrn is, is dat Hoster Dreeeck toeerst as Trumpeet linksrüm anleggt worrn. Eerst 1975 is de A 7 denn wiederboot worrn na Noorden. De Wennkurv is wegfullen un dat is sietdem en unvullstännig Dreeeck. Tosätzlich is de Süüddeel anleggt worrn, de de beiden Deelstücken von de A 7 direkt verbinnen deit. 1975 sünd al eerste Vörarbeiden maakt worrn för dat Maschener Krüüz. De A 39 is aver eerst en Reeg Johren later boot worrn.

Footnoten[ännern | Bornkood ännern]

  1. AD Horster Dreieck (Nordteil), Autobahnkreuze & Autobahndreiecke in Deutschland
  2. AD Horster Dreieck (Südteil), Autobahnkreuze & Autobahndreiecke in Deutschland


Koordinaten:53° 23′ N, 10° 1′ O