Wittenbarg (Gemeen Seevdaal)

Vun Wikipedia
Zur Navigation springen Zur Suche springen
Wapen/Flagg Koort
hett keen Wapen
Wittenbarg
Laag vun Wittenbarg in Düütschland
Basisdaten
Bundsland: Neddersassen
Landkreis: Horborg
Gemeen: Seevdaal
Inwahners:
Postleettall: 21218
Vörwahl: 04105
Geograafsche Laag:
Koordinaten:53° 25′ N, 9° 58′ O
53° 25′ N, 9° 58′ O

Wittenbarg (hoochdüütsch Wittenberg) is en lütten Oort in de Gemeen Seevdaal in’n Landkreis Horborg, Neddersassen. De Oort liggt nich wied von de Grenz na’n Hambörger Stadtdeel Sinsdörp un höört polietsch al von öllers bi Bääkdörp mit bi.

Geografie[ännern | Bornkood ännern]

De Naveröörd sünd Weid un Sinsdörp in’n Noorden, Fleest in’n Oosten, Emmelndörp in’n Süüdoosten, Siedlung Emmelndörp in’n Süden, Metzendörp in’n Süüdoosten, Wooxdörp in’n Westen un Bääkdörp in’n Noordwesten.

Historie[ännern | Bornkood ännern]

Dat Wittenbarger Feld in’n Süden von Wittenbarg is vondaag Deel von de Siedlung Emmelndörp, de sik an’n Bahnhoff Hittfeld billt hett.

Verwaltungsgeschicht[ännern | Bornkood ännern]

In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Vaagdie Höpen in dat Amt Horborg tohöört. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is as Deel von de Gemeen Bääkdörp an’n 1. Juli 1972 mit de Gemeenreform in Neddersassen an de Gemeen Seevdaal kamen. Polietsch is nu de Oortschop Fleest/Glüsen/Bääkdörp/Metzendörp för Wittenbarg mit tostännig.

Inwahnertall[ännern | Bornkood ännern]

Johr Inwahners
1793-00-001793[1] 2 Füürsteden
1812-00-001812[2] 24
1824-00-001824[3] 3 Füürsteden
1848-00-001848[4] 30 Lüüd. 3 Hüüs
1871-12-011. Dezember 1871[5] 18 Lüüd. 3 Hüüs

Religion[ännern | Bornkood ännern]

Wittenbarg is evangeelsch-luthersch präägt un höört to dat Kaspel von de Kark in Sinsdörp.

För de Kathoolschen is de St.-Ansgar-Kark in Hittfeld tostännig, de siet 2014 Deel von de Karkengemeen Goden Hirt in Winsen is. De Oort hett fröher to de Karkengemeen St. Petrus in Bookholt tohöört. Nadem 1964 de St.-Ansgar-Kark in Hittfeld trech worrn is, is Wittenbarg 1965 Deel von de nu egenstännige Karkengemeen Hittfeld worrn. 1969 is in de Karkengemeen Hittfeld tosätzlich de St.-Altfrid-Kark in Mäkelfeld boot worrn.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

Wittenbarg is över lüttjere Straten verbunnen mit de Kreisstraat 69 in Wooxdörp un de Landsstraat 213 bi Emmelndörp un bi Fleest. De K 69 löppt in’n Noorden na Bääkdörp un in’n Süüdwesten na Metzendörp un Tötsen. De L 213 löppt in’n Noorden över Sinsdörp, Langenbeek un Wilsdörp na Horborg un in’n Süden na Hittfeld un denn op Jesborg to.

De nächste Autobahn is de Autobahn 7. De Opfohrt 35 Fleest liggt so dree Kilometer in’n Oosten von Wittenbarg.

De nächste Bahnhoff is so bi een Kilometer wied weg in’n Süden de Bahnhoff Hittfeld an de Bahnlien Hamborg–Bremen.

Lüüd[ännern | Bornkood ännern]

Günter Weiß, later Börgermeester von Töst, is 1928 in Wittenbarg boren.

Footnoten[ännern | Bornkood ännern]

  1. Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 254: https://books.google.de/books?id=jN5QAAAAcAAJ&pg=PA254
  2. Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 60: http://books.google.de/books?id=Q 5OAAAAcAAJ&pg=PA60
  3. C. H. Jansen: Statistisches Handbuch des Königreichs Hannover. 1824, Sied 676: http://books.google.de/books?id=tG0AAAAAcAAJ&pg=PA676
  4. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 92: http://books.google.de/books?id=eOI-AAAAcAAJ&pg=PA92
  5. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 128: https://books.google.de/books?id=qTZDAQAAMAAJ&pg=RA2-PA128