Achterdiek (Landkreis Horborg)

Vun Wikipedia
Zur Navigation springen Zur Suche springen
Wapen/Flagg Koort

Wapen vun Achterdiek

Achterdiek
Laag vun Achterdiek in Düütschland
Basisdaten
Bundsland: Neddersassen
Landkreis: Horborg
Gemeen: Stell
Inwahners:
Postleettall: 21435
Vörwahl: 04174
Geograafsche Laag:
Koordinaten:53° 23′ N, 10° 7′ O
53° 23′ N, 10° 7′ O

Achterdiek (hoochdüütsch Achterdeich) is en Dörp in de Gemeen Stell in’n Landkreis Horborg, Neddersassen.

Geografie[ännern | Bornkood ännern]

Achterdiek liggt in de Masch von de Elv, aver nich wied weg von’n Rand na de Geest. An’t Süüdoostenn von Achterdiek doot de Diekgraven von Gehrden her un de Ashuser Möhlenbeek von Ashusen her tohoopfleten. De Ashuser Möhlenbeek flütt denn dör Achterdiek na Noordwesten un münnt dor in de Seev.

De Naveröörd sünd Wuhlenborg, Rosenweid un Flegenbarg in’n Noorden, Hoopt un Stöckt in’n Noordoosten, Winsen un Gehrden in’n Süüdoosten, Ashusen in’n Süden, Stell in’n Westen un Hössen mit Herrndiek in’n Noordwesten.

Historie[ännern | Bornkood ännern]

De Oort kummt 1661 toeerst in dat Parrnser Karkbook vör.

Verwaltungsgeschicht[ännern | Bornkood ännern]

In dat 19. Johrhunnert hett de Oort noch to Hoopt höört, is later aver en egene Gemeen worrn.

De Oort hett vör 1885 to de Vaagdie Neeland-Over in dat Amt Horborg tohöört. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn.

De Oort is 1968 Deel von de Gemeen Stell worrn. 1981 is dör en Verdrag mit de Gemeen Winsen de Grenz twüschen Achterdiek un Ashusen afännert worrn.

Inwahnertall[ännern | Bornkood ännern]

Johr Inwahners
1848-00-001848[1] 159 Lüüd. 23 Hüüs
1871-12-011. Dezember 1871[2] 152 Lüüd. 24 Hüüs
1885-12-011. Dezember 1885[3] 147 Lüüd. 27 Hüüs
1905-12-011. Dezember 1905[4] 157 Lüüd. 28 Hüüs
1910-12-011. Dezember 1910[5] 160
1925-00-001925[6] 158
1933-00-001933[6] 134
1939-00-001939[6] 141

Religion[ännern | Bornkood ännern]

Achterdiek is evangeelsch-luthersch präägt un höört to dat Kaspel von de Marien-Kark in Winsen. Een enkelt Huus von Achterdiek hett fröher över to de Gertrud-Kark in Parrns tohöört.

Von 1849 af an sünd von Hamborg ut Baptisten in Achterdiek aktiv ween. 1891 hebbt de Baptisten in Achterdiek de eerste egene Kapell hatt.

För de Kathoolschen is de Goden-Hirt-Kark in Winsen tostännig.

Weertschop un Infrastruktur[ännern | Bornkood ännern]

Verkehr[ännern | Bornkood ännern]

De Dörpstraat von Achterdiek löppt in’n Süüdoosten an de Kreisstraat 86 ran, de in’n Süüdoosten na Gehrden un Winsen geiht un in’n Noordwesten över Stell na Maschen. In’n Noordwesten geiht de Dörpstraat na Wuhlenborg.

De nächste Autobahn is de Autobahn 39 (Afsnidd HamborgLümborg). De Opfohrt 3 Winsen-West liggt so veer Kilometer in’n Süüdoosten von Achterdiek an de K 8/L 217.

De nächste Bahnhoff is de Bahnhoff Stell an de Bahnlien Hamborg–Hannover, de direkt an’n Westrand von’n Oort liggt.

Literatur[ännern | Bornkood ännern]

  • Wir an der Elbe. Chronik der Dörfer Achterdeich, Fliegenberg, Rosenweide und Wuhlenburg. Gemeen Stell, 1997

Footnoten[ännern | Bornkood ännern]

  1. Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
  2. Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
  3. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 138
  4. Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
  5. Inwahnertallen op gemeindeverzeichnis.de
  6. a b c Inwahnertallen op verwaltungsgeschichte.de