Ashusen
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | 3.497 ( Februar 2013) | |
| Postleettall: | 21435 | |
| Vörwahl: | 04174 | |
| Geograafsche Laag: | Koordinaten:53° 22′ N, 10° 8′ O53° 22′ N, 10° 8′ O | |
|
| ||
Ashusen (hoochdüütsch Ashausen) is en Dörp in de Gemeen Stell in’n Landkreis Horborg, Neddersassen.
To Ashusen höört ok de Siedlung Büllhorn mit to.
Geografie
[ännern | Bornkood ännern]De Oort liggt op de Geest, aver nich wied af von de Grenz na de Masch von de Elv. Na Westen to liggt de Baukweddel. De höögste Punkt is de Abenbarg mit 51 över NN. Dör dat Dörp flütt de Ashuser Möhlenbeek, de later in de Seev münnt.
De Naveröörd sünd Gehrden in’n Noordoosten, Winsen un Grevelau in’n Oosten, Reidörp in’n Süüdoosten, Scharmbääk in’n Süden, Büllhorn in’n Westen un Stell un Achterdiek in’n Noordwesten.
Historie
[ännern | Bornkood ännern]Ashusen kummt 1294 as Asselveshusen toeerst in de Oorkunnen vör.
In’n Eersten Weltkrieg sünd 27 Soldaten ut Ashusen fullen oder vermisst un in’n Tweten Weltkrieg 43.[1]
Verwaltungsgeschicht
[ännern | Bornkood ännern]In de Franzosentied von 1810 bet 1814 hett de Oort to de Mairie Parrns in’n Kanton Winsen höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort weer fröher opdeelt. Twee Hööv hebbt to dat Amt Garz tohöört un de Rest to de Amtsvaagdie Parrns in dat Amt Winsen. 1795 hett dat Amt Garz siene Hööv an dat Amt Winsen afgeven.[2] Von 1852 bet 1859 hett de Oort to dat Amt Parrns höört un von 1859 bet 1885 wedder to dat Amt Winsen. Na 1885 weer dat in’n Kreis Winsen un is 1932 Deel von’n Kreis Horborg worrn.
De Oort is an’n 1. Juli 1972 mit de Gemeenreform in Neddersassen Deel von de Gemeen Stell worrn. An’n 1. Juli 1981 is dör en Verdrag mit de Gemeen Winsen de Grenz twüschen Achterdiek un Ashusen afännert worrn.
Inwahnertall
[ännern | Bornkood ännern]| Johr | Inwahners |
|---|---|
| 1793[3] | 30 Füürsteden |
| 1812[4] | 288 |
| 1824[5] | 30 Füürsteden |
| 1848[6] | 381 Lüüd, 46 Hüüs |
| 1. Dezember 1871[7] | 429 Lüüd, 62 Hüüs |
| 1. Dezember 1885[8] | 415 Lüüd, 78 Hüüs |
| 1. Dezember 1905[9] | 564 Lüüd, 95 Hüüs |
| 1. Dezember 1910[10] | 586 |
| 1925[11] | 671 |
| 1933[11] | 680 |
| 1939[11] | 742 |
| Februar 2013[12] | 3.497 |
Religion
[ännern | Bornkood ännern]Ashusen is evangeelsch-luthersch präägt un billt siet 1964 mit de Andreas-Kark en egen Kaspel. Vörher hett de Oort to dat Kaspel von de Gertrud-Kark in Parrns höört.
För de Kathoolschen is de Goden-Hirt-Kark in Winsen tostännig.
Wapen
[ännern | Bornkood ännern]Dat Wapen von Ashusen wiest baven op grönen Grund twee sülvern Ploogschoren un ünnen op sülvern Grund en swarte Urn.
Kultur
[ännern | Bornkood ännern]En Denkmaal för de Fullenen ut de twee Weltkrieg’ steiht in Ashusen an de Hauptstraat.
Verenen
[ännern | Bornkood ännern]De Schüttenkorps Ashusen un Ümgegend is 1949 grünnt worrn un de Sportvereen MTV Ashusen-Gehrden 1908. De Heimatvereen is von 2001.
Brüük
[ännern | Bornkood ännern]In Ashusen warrt Faslam fiert.
Weertschop un Infrastruktur
[ännern | Bornkood ännern]Ashusen hett en egene freewillige Füürwehr, de 1894 grünnt worrn is.
Verkehr
[ännern | Bornkood ännern]Dör Ashusen löppt de Kreisstraat 8, de in’n Süden na Scharmbääk un Parrns an de Landsstraat 215 geiht un in’n Noordoosten in Gehrden an de K 86 ran. ÖVer Büllhorn is de Oort in’n Westen anslaten an de K 22.
De nächste Autobahn is de Autobahn 39 (Afsnidd Hamborg–Lümborg), de 1988 boot worrn is. De Opfohrt 3 Winsen-West liggt een Kilometer in’n Süden von Ashusen an de K 8.
Ashusen hett mit’n Bahnhoff Ashusen en egen Bahnhoff an de Bahnlien Hamborg–Hannover, de an’n Noordoostrand von’n Oort liggt un 1847 boot worrn is.
Scholen
[ännern | Bornkood ännern]Mit de Grundschool Ashusen hett de Oort en egen Grundschool. Tosätzlich gifft dat twee Kinnergoorns.
Literatur
[ännern | Bornkood ännern]- Heino Eddelbüttel: Das Leben im alten Dorf: Ashausen in sieben Jahrhunderten. Christians, 1994
Footnoten
[ännern | Bornkood ännern]- ↑ http://www.denkmalprojekt.org/dkm_deutschland/ashausen_ns.htm
- ↑ Ernst Spangenberg: Sammlung der Verordnungen und Ausschreiben welche für sämmtliche Provinzen des hannoverschen Staats ergangen sind. 3. Deel (1780-1799), Hahnsche Hoffbookhandlung, Hannover 1821, Sied 765-778
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 12
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 62
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 26
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 132
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 137
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 184
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
- ↑ http://www.ashausen.com/www.ashausen.com/Home.html
Weblenken
[ännern | Bornkood ännern]
- Websteed von’n Heimatvereen Ashusen (hoochdüütsch)